sonyguy

我都有睇場波...我覺得就正如keyman 講...
曼聯當決賽咁打...真係當生死戰咁踼...
所以個個都好落力...
但要講到好突出...
費查肯定唔係...佢只係頂入左個波...
其他時間...表現一般啦...
我覺得佢幾似菲臘仔...
都係做防守工作為主...
同時都打得好多位...
(不過菲臘仔好過佢好多...)

最突出係史密夫...
防守工作好出色...
但嚴佢有幾腳出腳有少少過火...

另外C朗拿度同朗尼同好多場比賽都係一樣...
係曼聯中前場既發電機...
個波落在佢地兩個身上就會有威脅...

雲佬都係保持一貫水準...
對我黎講...佢係果D 有十個機會...會入到三球波既前鋒...
所以今次全場波得一個機會...
佢射唔入都好正常...
(我心目中...舒夫真高..亨利果D 係十個機會中到五六球...
最勁係當年利物浦三冠時既奧雲...十個機會入到七八球架...)

後防表現都係一般...
里奧同費查走漏左一次差D 輸波...
(費查果野真係好低級既錯誤...)

好鍾意雲逹沙救完林栢特就近射後雙手振臂果野動作...
真係有D 舒米高FEEL...

唔明點解咁後先放朴智星落場...
我覺得短期內...朴智星...朗尼同C朗拿度都係曼聯最重要既成員...

車仔果邊其實個個都打得好好...
機會多過曼聯好多...
曼聯打得咁密...
但都仲可以有幾腳小組真係好正...

突別古莊臣入左黎後更加好...
古莊臣做助功/交波既質素在車仔入便真係數一數二...
我覺得佢既級數等如在阿仙奴既伯金...
好瀟灑...

杜奧巴真係FIT 到漏...
果野後面"咩"住里奧...腳尖控個波黎射埋真係無得頂...

全場最不知所謂係上半場完場前果腳罰球...
唔知邊個豬腦諗出黎...
交黎交去等到幾十隻腳殺到先射...

最估唔到係全場最多入球機會會係迪賀奴...