[4/28靈異加分題] 第六感/覺得曾見過的事在眼前出現[樂+]

robertchai

真係想大家研究下,不求加分...

第六感-->呢個我冇,不過有朋友有,佢成日話"我硬係覺得之後會發生D咩事"...結果...中哂..

我最常既係...
腦海入面有D印象...可能係發夢果時夢過...然後...隔左一段時候後真係發生左,可能係一年後應驗,亦都可能係幾個月...
憑住呢種感覺,就算有困難都好...有時好似會知道下一步應該點行,會有咩後果,然後小心處理

所以而家就算訓醒左我都唔會刻意去想自己夢過D咩,寧願等第日要用果時擰出黎用

講住咁多先...

[ Last edited by 樂壇渣Fit人 on 2005-5-6 at 10:38 AM ]

robertchai

唔係幾同意Gretzky兄講....另外我都冇做過手術之類的><

如果你話真係100%似既,以下係一個例子
N年前做過一個夢,同一個朋友坐0係一個會場既地方外面唔知做咩,然後我擰住個好得意既公仔玩緊,我朋友就擰轉頭同我問左d野

上年我同一個同事發去上海做一個韓國明星既訪問(唔好問我詳情)
我果時岩岩0係訪問場地附近見到間手信店,見到個公仔好得意就想買比女性朋友
然後因為同同事早到左(早左6個鐘==)就坐0係場地出面等...
一路對下D工作流程,對到咩都對完手頭就得個公仔,我毛毛聊聊就玩下佢...
果時感覺就覺得有d怪怪地...想返起d野...個公仔...我見過...
我突然想...同事唔會擰轉頭問我野掛.........?????????

然後...佢真係擰轉頭擰住d工作流程問我...呢個叫咩??

我當時寒到........

robertchai

Originally posted by 古文 at 2005-5-8 11:09 PM:

我都試過有呢d夢丫=.=

係小學時...

你講左出來就唔會實現架喇...哈哈

又繼續講啦...
唔係工作的...
我有個朋友成日會同我講發夢D野(好朋友,咩都講果種),佢成日話會講夢入面既世界係點,基本上係固定既,即係會去埋同一個地方呀,有同一個社區咁...
有一次同呢個朋友去泰國玩
坐的士四圍去果時,去到一個離曼谷市中心幾遠既地方(都算市區,我地去搵一個皮手袋工場想買平價既真皮野^^)下車之後我朋友四圍望左一下,然後同我講...

"呢個就係我平時成日夢到既商場"

講真,果度唔係旅遊書會講既地方(因為要去工場仲要走一段路的)


又講下自己,呢個基本上唔算啥第六感,估計係同壓力有關..
我經常經驗會夢見地鐵開支線,多左幾個站之類,然後果D線會好複雜,你會去左唔知邊度,然後落車想坐返去之前果個站,你會發現個月台有幾層,幾十條線,好似日本新宿咁,d指示又唔清析,然後你朋友正在某個站等你,你急到唔知點好...

以下係我見過既"站"
1)兩三年前,由中環去尖沙咀,點知在尖咀落左車後,去左一個唔知咩月台...上年紅磡站就啟用
2)一兩年前...深水埗同長沙灣之間多左好多個站,幾年之後就有左南昌,奧運幾個站...