rest365days

Originally posted by bobbywu at 2005-7-8 12:04 PM:
撒旦是否真的很蠢 , 認為自己能勝過創...

我不知道這些問題對於基督徒, 以及非基督徒有什麼意義 (可能非基督徒甚至唔信有上帝, 亦唔信有撒旦).
每件事都有多角度嘅睇法, 講閞撒旦令我諗起另一樣野, 從聖經裏面對撒旦嘅描述, 我明白到"知道有上帝", 同"悔改歸信上帝"嘅分別.  呢個世界好多人都話"知道", 或者"信有神", 其實單單"知道"而唔願意悔改跟隨上帝, 咁嘅取向/態度, 根本唔可以同上帝重建關係. 撒旦都認識上帝啦, 仲同上帝講數添, 又如何? 我可唔可以話佢"歸信上帝"?
信仰就係一定要有D堅持.

rest365days

Originally posted by adamas at 2005-7-12 06:01 AM:


But people in some places on ea...

其實類似的問題已經問咗N年, 我不妨加多一個: 一出世就盲兼且聾, 甚至夭折的BB又點? 智力有問題, 唔識溝通嘅人又點?

對唔住, 聖經唔係百科全書, 無仔細例明每一個可能出現嘅case.  裏面一定有missing piece.  唔信嘅人, 可以見之為"破綻", "見o隆就入", 當photo hunt咁玩...越玩越遠離聖經原本要表達嘅重點.
我雖然唔知以上嘅情況神會點處理, 但係聖經已經對呢個上帝有好具體嘅描述(在此不詳述).  我信得過佢唔會亂嚟囉.  
不過, 我地番去個問題, 究竟關鍵係 "聽過 / 未聽過"? .. 還是 "接受 / 拒絕"?  
邊樣至係關鍵所在?

rest365days

Originally posted by bobbywu at 2005-7-12 12:44 PM:


但我覺得有必要解釋, 因基督徒認為神對人是公平公義的, 而夭折的BB又沒有天主教輪迴的理論支持, 咁點算 ? 那一個基督徒願意做夭折的BB

"基督徒認為神對人是公平公義的", 這點很重要啊, 基督徒就是"相信"神有公平公義的安排, 而這種相信是有"一定"基礎的(i.e.聖經所描述的神).  不信的人, 可能會想像到神做出一些與自己屬性(e.g.公平公義)相違背的事.

其實講得個"信"字, 少不免帶點主觀因素, 每個人都有自己的一套想法.  而家聖經就係無白紙黑字解釋呢個情況, 咁你打算點?
對於呢個問題, 你起碼有兩個選擇:
1)基於聖經所描述的神, 傾向相信佢會用符合佢屬性嘅方法去處理;
2)基於呢個聖經無白紙黑字解釋嘅問題, 否定哂聖經所描述的神
你覺得邊個取向合理D, 正路D? 無人能夠強迫你接受邊一套. 可能你諗到第三種, 第四種, 第五種… 唔該單聲.

可能你覺得成本聖經都係假嘅, fine, 如果你咁諗就千祈唔好再浪費時間喺基督教身上, 我地亦都唔再需要交流, 因為根本無common ground.

至於你提及”天主教輪迴的理論”, 我未曾聽過, 故不作回應.

始終基督教不是一門學說, 如果我們把聖經當作通勝來讀, 把教義當作哲學論文來研究, 只是浪費時間.

p.s.我比較接受神嘅慈愛憐憫係超過公平公義.

rest365days

Originally posted by bobbywu at 2005-7-12 04:10 PM:
S0RRY 寫錯 : 應該係 天主教沒有輪迴的理論支持

唔緊要, 澄清了就不影響大原則, 大方向.

rest365days

Originally posted by bobbywu at 2005-7-14 11:07 AM:
如書本上或知識上冇  就不再追求, 恐怕也沒有現在的科學成就。
計耶蘇降世後的這2千年, 聖經都沒有補充及update過, 是神認為已足夠 還是找不到人(先知) 默示他去作增補呢。
但不要說聖經上的漏洞是為了考驗人的信心

你期望喺聖經裏面搵mud野? 你想聖經補充/update D mud 野?

似乎你唔同意#9 and #12 的解釋, 唔知你有mud更好的分析?  如果"但不要說聖經上的漏洞是為了考驗人的信心"呢句係回應#9 and #12 的解釋, 恐怕你誤會我的意思.  我所指出"信", 是我們討論這個話題的前設.  基督徒是信神的, 當出現聖經解釋解明白的事情, 可以按最合理的方法, 在其他相關的資料所支持下找答案, 而不是胡亂吹水然後話我有信心就算數.

如果你相信聖經係神默示嘅, 咁你應該明白個主導權喺邊個手上.  神將佢想人知道嘅野表達咗出嚟.  都係嗰句, 聖經就係聖經, 唔係雜誌, 唔係通勝, 上面無寫住"包羅萬有".  如果你站喺一個顧客嘅身份, 以你為中心, 要信仰去please你, 我諗你一定會失望.

講到尾, 接受就接受, 唔信就唔信, 無得迫.  自己問心, 唔通答哂你嘅問題你就由唔信變信? 你仲有幾多條決定性嘅問題?