babo

曼聯最重要係防中...a.smith始終唔係正宗的防中...
佢好多時都係懶懶行..好少參與進攻...同堅尼既工作仲有一大段..
史高斯...佢呢個位無得揀...成隊波始終要個老大哥坐陣..好多時要做埋防守工作
費查..其實我唔係咁想佢踢正選...佢傳波準繩一般..o係場上工作做防守多..
一隊波中場3個做守防..變相前面得3個..朴智星,朗尼同雲佬三個打...連貫性唔夠..
好多時前場斷開兩隊來打..曼聯有本錢玩番雙翼齊飛..左面朴智星..右邊c7..朗尼做後上支援雲佬
而史高斯則和史密夫做多d防守..

後防方面..里奧真係成日踢埋d高章波...唔只佢..其實施維斯達都係..
無左加利仔同軒斯..的確有好大打擊...巴斯利防守能力有..但助攻力不足...
o係現在傷兵的情況下...我心目中既防線係:

布朗  里奧  奧沙 施維斯達

布朗踢右後好過踢中堅...同樣情況都發生o係施維斯達身上...當年佢來到曼聯踢左後..效果不俗..但自從轉踢中堅後...有種患得患失既感覺..
至於費sir用李察臣打左後...係害左成隊波...李察臣踢翼鋒出身..防守能力明顯唔掂..今場波o係禁區入面拉衫...基本上吹硬12碼...印象中佢今季唔係第一次..

o係而家呢個情況下...我幾懷念畢特同埋菲臘仔....
買人...我睇曼聯而家既勢真係好難買到o岩用既人...昨晚keyman都有講..艾辛本身係曼聯睇中..但車仔的銀彈戰術成功羅致佢..除非曼聯買人好似阿仙奴買希比咁..唔聲唔聲嚇你一驚咁啦.. or check下內部係咪有內鬼@@(笑~)

[ Last edited by babo on 2005-10-30 at 01:31:17 PM ]