段云

Originally posted by michael86 at 2005-6-30 11:30 PM:


基本上我見上季好多時都有d咁既情況

好似都係州際國家盃開始前先解釋過呢一類CASE唔會判越位。

不過雖然個越位球員無參加進攻
但其實都會有少少影響到對方守衛，因為對面隊班球員可能掛住舉手，
投訴對方越位，咁就可能慢左半拍而被對方另一個無越位既球員佔左先機。

段云

Originally posted by michael86 at 2005-6-30 11:44 PM:


係呀..諗返起我睇有一場真係見到旁證o係越位球員正式拎到波既時候先舉旗....
以往基本上o係交波既時候就會舉...

但以我黎講唸個並唔算一個好既做法，因為真係浪費左幾秒時間。
而且個球員又唔知佢自己有無越位，追左十幾碼攞到波先話佢越位，
個球員條氣肯定唔順，追左咁遠點知得個桔，真係有無搞錯。

我覺得其實可以將個尺度改得彈性D
例如:如果剩係得處於越位位置果位球員去搶波，可以即刻吹佢越位
反正遲早都要吹，咁不如早Ｄ吹仲好。
如果有一位處於越位位置同一位無處於越位位置既球員一齊去搶波，
咁就可以睇定D先吹，係越位果個球員攞波既就吹，無越位果個球員
攞波既就唔吹，俾個攻擊繼續。
不過又會有頭先我講既問題，越左位果位可能影響左對方守衛，
令情況對攻方較有利。