段云

無左洛賓，對曼城果場的確係演出差左。
但有睇果場波的朋友都睇到車仔上半場無乜點積極搶攻，
係到下半場先好返少少。
我估計可能又係摩教頭叫班球員留力。
記得果場車仔條防線唔係壓得好前。

另外，基士文的確係唔適合車仔既進攻模式。
車仔係有洛賓時進攻係打一個４３３陣式
以古莊臣或杜奧巴作中鋒，洛賓同杜夫作兩邊翼鋒。
再加上林伯特泰亞高等人後上。
今場無洛賓而搵基士文頂替，明顯唔掂。
洛賓同基士文打法唔同，
洛賓會成場飛，返後場幫手攞波，但基士文則只會係前場等波
洛賓雖然會自己射，但亦會助攻，反觀基士文可能想爭取表現，比較獨食。

另外，無左一個重要球員，我想無論車仔或其他強隊都需要時間調整
而車仔其他隊友亦需要適應。
如果現在就下判斷車仔唔掂是否早左ｄ呢？
不如睇埋下場表現如何才再定論？

[ Last edited by 段云 on 2005-2-9 at 09:08 PM ]