BOYDWAN

唉.............版友mcsimon0574，你個情況其實都幾煩。
睇到你個post，對兩性關係小弟都算有些微心得，希望幫到你啦

第一，你依家最大問題係你自己。你首先要克服你一貫對你女友心態同做法先，因為你如果自身無問題，你女友都唔會走啦........一個女人要走，所下決心係好大咖！所謂哀莫大於心死，要兜得返，你自己方面一定要下苦功。
咪妄想要控制人，如果你夠手段控制佢，就唔會有呢個post 啦........可以令一個女人死心蹋地好講技巧咖。　

第二，tomboy 係一種好難纏對手，因為tomboy 本身已經係女人，所以比你更了解女人、心思更細密！
姑勿論對手係tomboy 又好、其他男人都好，你處境都只可以堅守一個準則：耐性。
乜都要忍受！邊個忍唔到就會輸。理由好簡單，女人呢個時候就係睇邊個夠"體貼"。
你越溫柔、越有耐心、越顯示體諒佢，佢就越覺得你真係珍惜佢；當對方一發脾氣，就係你贏咖喇。

第三，對你對手要保持風度。通常爭女仔雙方都好似殺父仇人咁咖啦，但如果你顯露出一份從容友善態度，對手反而會覺得有問題，自己嚇自己亂諗，咁佢犯錯機會就自然高咖喇....


keep 住咁做，你女友返你身邊問題相信不大，祝你好運~