BOYDWAN

BOYDWAN 發表於 2010-4-9 11:16 PM笑到無命！ 你係乜野搞笑細胞黎架﹖…
goodnicelady 發表於 2010-4-9 23:33

1.當你坐喺廚房門口, 每隔20分鐘就聽到跌嘢聲同碎片聲...............你好快就會發覺夜晚瞓覺都有呢種聲喺耳邊嚮起, 醫生會話你知呢種叫幻聽, 思覺失調嘅一種.
2.當你飲咗一星期唔可以肯定係湯定水嘅青紅蘿蔔煲豬骨後, 你就會發現原來湯同水係同一種味道.
3.當你老婆不斷問你味道好唔好嘅同時, 你會發覺就算佢真係比杯水你, 你都會不自覺話佢手勢好, 好味道.
4.當你母親大人好狠心叫你一個飲晒煲湯嘅時侯, 你會好有衝動想同佢脫離母子關係.
5.當你老婆話不如今日唔煮飯仔, 出街食飯嘅時侯, 你會驚覺原來一件咁簡單嘅事都可以令自己感動流涕.
6.當你同老婆行街街嘅時侯, 佢問你有乜想要, 你會發現你唯一嘅願望係同佢講, 叫佢唔好再煲湯.
7.當你老婆夜欄人靜枕邊細語問你, 愛佢d 乜嘅時侯, 你會不期然答, 愛佢只因為識佢嘅時侯, 佢唔會煲湯.
8.當你發現我再無留字嘅時侯, 相信我已經食物中毒死咗..........

BOYDWAN

Boydwan~ 好耐無見喇~ 好幸福喎~
kalos 發表於 2010-4-9 23:36

兄弟! 好耐無見! 別來無恙吖嘛?
我幸福...........好幸福..............好幸福呀.............嗚.................

BOYDWAN

哈哈！ 你小心老婆大人睇到你咁樣形容佢呀！簡直笑死無命賠呀！……好想再和你們這班笑神傾下去！但我這幾天做野做到半死！頸梗背痛！上來娛樂吓！誰知笑到頭痛添！我而家要食止痛葯瞓啦！等閒再回你們吓…… ...
goodnicelady 發表於 2010-4-10 00:05

我一路回佢一路睇咖, 不過佢中文唔好所以我一路回一路講番比佢聽, 佢笑到喊咗兩次啦~
休息多d, 休息夠再上嚟同我地玩啦, 我好多辛酸史咖陰公~
see you~

BOYDWAN

梗係耐啦~ 你都唔理吓我
你就好啦~ 咁幸福... 我玩緊long d呀....
好羨慕你屋企可以有咁多嘢打爛呀~
kalos 發表於 2010-4-10 00:48

哎呀...............我真係好忙呀大哥, 健康方面又唔係咁穩定, 話就話都半退休狀態, 但係都有好多瑣碎事要兼顧嘛........
而且你又忙隔空氹囡越洋傳情, 我同你d 時間真係撞晒期咖, 我點會唔理你班大爺吖~
我都唔知叫幸福定叫烏龍喇, 我老婆細我成十一年, 無代溝都叫叻咖喇.........竟然同佢識咗兩個星期就拍拖, 拍拖拍咗未夠一個月就結婚, 兩個真係心口得個勇字~
最攞命係我老婆係ABJ, 英文日文佢就曉, 中文就只識講識聽, (岳母係新加坡人), 叫佢睇同寫真係仲慘過教小學生.........佢每次睇我d 舊post 一係就查字典, 一係就問到我休克!
尤其係我同佢真係一邊相處一邊去了解對方所有, 所以依家我兩公婆d 搞笑無奈嘢就日日新鮮鑊鑊金咯~
我醒呀! 已經買咗成打膠碗膠碟喇..........不過原來佢功力深厚到連膠碟都可以跌成4塊, 問你死未?

BOYDWAN

耶~~~ 又晒幸福
kalos 發表於 2010-4-10 00:49

搵命搏呀大佬! 仲話晒幸福............你將來記住千祈咪同你老婆講鍾意飲乜湯呀, 會死人咖~~~

BOYDWAN

　
BOYDWAN兄: 嫂子真係利害，煲到唔同“風味”嘅豬骨湯…哈哈！ ...
ThomasKoon 發表於 2010-4-10 09:24

佢真係堅呀佢, 我咁大個仔都未體驗過原來青紅蘿蔔煲豬骨可以咁"千變萬化"..........煲完似水嘅又有, 似粥嘅又有, 似豬骨煲嘅都有..........服未?

BOYDWAN

BOYDWAN 發表於 2010-4-9 11:57 PM
原來搞笑都有咁多個point！你叫我點樣正經做野呀！﹖笑都笑到肚抽根啦…
goodnicelady 發表於 2010-4-10 15:35

今日, 朝早去行完水塘返酒店.
我: 老婆, 行咗成朝都累喇可?
大小姐: 小小咁啦, 您呢?
我: ok 嘅..........咁今日唔去媽咪度煮飯仔喇, 我地今晚食韓國燒吖?
大小姐: 我仲諗住繼續練習煲您鍾意飲嘅湯添~
我: 吓.......唔駛啦, 您煲得幾好咖喇, 有一定水平咖喇, 咪成日整如果唔係對手會粗晒咖!
大小姐: 唔會嘅, 我有cream 嘛 我煲得ok 咩? 您又話唔湯唔水嘅?
我: 我講笑之嘛! 您煲得不知幾好飲! 我老婆簡直有天份呀!
大小姐: 真嘅? 我好有心機去學咖!
我: 梗係啦! 睇得出睇得出!
大小姐: 咁不如我地去超級市場吖!
我: 乜事???
大小姐: 呢.........除咗煲湯, 我仲有d 其他食譜咖, 我整比您食吖~
我: 韓國燒喎...........
大小姐: 我睇過咖, 我有d 食譜整烤肉咖, 老婆服侍好未d 咖~
我: 吓!!!! 韓國燒喎...........
大小姐: 係呀, 韓國燒呀~
我: 韓國燒喎!
大小姐: 係呀, 行啦.........做乜企喺度望窗呀?
我: 韓國燒呀~~~~


最後................
有無人可以話比我知, 點解豬牛羊雞都係一樣味嘅呢................?

BOYDWAN

哈哈哈哈……因你的味覺失調咯……
goodnicelady 發表於 2010-4-10 23:44

我依家先知, 真正嘅韓國燒, 係得個鹹字嘅...............

BOYDWAN

你... 真係我偶像...
我無隔空氹囡越洋傳情呀, 佢係backpacker, 嚟澳洲都係揸working holiday visa... 係咁啱做part-time識咗一個星期就一齊咗...
而家因為發展太快, 唔夠了解, 加上佢落咗melbourne去farm做嘢, 所以日日都嘈...
不過我知道其實係因為我太緊張佢, 而佢又好想扮獨立先搞成咁... 我都唔知點算喇...


講返你哋, 我真係好羨慕你哋可以咁勇... 我真係好想學吓2個唔同世界嘅人應該點樣了解, 相處, 溝通同信任呀...
我而家搞到一鑊粥... 救命呀...

kalos 發表於 2010-4-10 23:48

對兄弟你呢, 我得一番說話要講:
如果倒頭來大家嘅世界入面都無咗對方存在, 咁點? 衝突同矛盾仲有乜意思? 仲需要嘈交唔開心嗎?
沒有了對方, 一切都無意義喇.
所以只需要知佢嘅生命中有你, 你嘅生命中有佢, 其他一切跟本就不重要!
每次你氣上頭, 火燒心, 就諗番呢句啦.........咁你就會心平氣和番咖喇~
兩個人, 需要嘅唔係包容忍讓, 係融合.
你係聰明仔, 固中道理你會領悟到嘅~

BOYDWAN

唔怕~ 之前佢喺度嗰陣都係我煮嘢食啫, 無事嘅~
食呢家嘢都係親力親為好~
kalos 發表於 2010-4-10 23:50

我都係認為, 做我老婆唔駛識整嘢食, 等我保住條小命得咖喇.........