LMQ

我都特登捱夜睇左一場令我down哂既波
早知唔睇好過睇

岩岩起身開電視,打左10分鐘曼聯領先1比0
果陣時真係最開心既時刻
跟住6分鐘後漏空俾人頂入,即刻呆左
到差不多20分鐘俾人1個彈下彈下既波入埋第2球,雲達沙都好無奈..我既心情都直插谷底
下半場更加唔駛講,毫無威脅既猜波同過人,完全打唔出隊型
結果今年曼聯歐冠講88完結

睇完場波,真係有好多人都可以鬧
1.費sir - 完全唔知佢想點,乜聲都唔出坐o係個位就算數,起碼出黎嗌下提升少少士氣都得丫..真係唔明半場入面佢有野signal俾到d球員
2.雲佬 - 明知自己係球隊最前果個就唔好下下學朗尼咁走出黎攞波啦,俾波又唔係叻,過人更加唔係強項,搞到下下俾人偷左個波就企o係度乜都唔做
3.c7 - 過又過唔到,俾波又唔得,防守更加唔見佢有咩特別建樹,成場波我都唔知有邊球係佢有返去幫助防守,最慶就係見到佢臨出場舉中指=.=,真係輸波輸埋品
4.史密夫 - 防守能力我唔會質疑,但除左防守之外我只係見到佢做d駁腳工作,一d攻勢都無組織過出黎,咁叫人點放心叫你去頂堅尼個位
5.李奧 - 今場波又再次夢遊,失兩球波唔多唔少佢都有責任,頂你個肺,拎成十二萬磅周薪你交d咁既貨??

今場黎講就以呢五個最抵鬧...

相反睇下曼聯出局..專心聯賽(雖然都係無乜機會,但點都好d既)
同埋爭下足總同聯賽盃...好聽d嬴哂都係三冠王黎既

我反而想知道今次出局費sir會唔會俾高層班粉皮炒@@