Chenjinnan

以前 d 俾人話獨食既球員如 MJ，Kevin Johnson，Charles Barkley，AI，Carter，邊個都好，攞好多分嗰場波點都有唔少 assist (AI 成日 8 9 個 assist 都俾人話獨)，呢次 Kobe 0 assist，係勁獨！

贏波係一回事，對隊波一 d 好處都冇，如果要咁先有得贏，其他人有乜做？睇波還睇波，對球員泥講係工作，有人一個做五個人既野，即係明搶飯碗，長此落去，氣氛士氣一定受損，而家已經成日見其他人唔願攻，如果他日連守都唔願，Kobe 識飛都死。

最衰就係會教壞細路，經過球場見人 3 打 3，或全場，個個都以為自己係 Kobe，鏟！射！你有冇見過打全場 5 個入面有 4 個都係鏟射鏟射呀？冇組織，冇助攻，冇籃板 (起親手都以為入硬)，只有個人突破！還好，會輪流個人突破，唔會一個打晒。(剩低嗰個打 center，但都係穿 Kobe 波衫，死未？)

Chenjinnan

‧‧‧

最大問題係如果要贏，到最後(尤其 playoff)一定要講整體實力，佢咁做應該有唔少隊友唔高興 (你要搵食我唔洗搵食呀？你要身價我唔洗呀？)，好難相信其他人可以容忍到尾，尤其年輕球員又多，要其他人一直默默打 team defense 之餘又冇乜 offense 機會，球隊既和諧非常重要，以 KB 份人 (佢 D 前科唔洗我講)，真係令人擔心。當然啦，其他人真係要爭氣 D，交番 D 功課，就算 KB 肯傳波 (做數又好，乜都好啦)，都要自己入到波先得。

係唔係教壞細路，雖然未必關晒佢事，至少以前的靚仔獨，除左扮 MJ 外，有 D 係扮奧拉早晨 baseline turn-around J，有 D 扮 Kukoc，有 D 扮 Rodman (狂搶 rebound，然後衝出去射 3 分)，有 D 扮 T. Hardaway (係咁 killer x crossover，嗰時未有 AND1，唔係扮佢就抄 I. Thomas)，又有人鍾意做 Pippen，懶係乜都得咁，仲有 Shaq，不過點扮都唔似‧‧‧ 而家，D 靚仔唔係 KB 就係 James‧‧‧