|
- 帖子
- 30088
- 精華
- 142
- 威望
- 9975
- 魅力
- 657
- 讚好
- 0
|
1#
發表於 2005-12-8 10:47 AM
| 顯示全部帖子
呆了....我捧o左曼聯咁多年都估唔到搞成咁..........
個丁偉傑冇哂聲氣, 佢肯定係捧曼聯
算吧啦.......我只好接受沉淪o既事實...><
冇喇....十年來打歐聯第一次去唔到第二圈, 今次....小組包尾...
仲要連足協盃都冇......對住里爾、維拉利爾、賓菲加d戰果係冇得嬴......
唉!!!!!!!!!!!!!!!!!仲惨過當年俾摩納哥或者波圖踢出局
今仗真係曼聯近季d典型表現....個勢越打越弱,贏梗一粒都keep唔到個勢, 進攻創造力不足,
一味得個谷字, 即使嬴o西中場, 雖控制節奏但都入唔到波,
甚至連波都冇得射...面對對手鐵筒陣仲更加老鼠拉龜...
仲分分鐘因後防大意或空位多而輸埋, 即使唔輸,對手連攻門都似樣過我地....真係冇眼睇
費sir...近年變o左咁多次陣都係咁...技窮喇~~~
學丁偉傑話齋....今日係近年曼聯王朝衰落以o黎最悲壯一頁
書第1球就真係....打高空波見稱o既英超球隊,咁易就比人頂入?=__=bbb
往好o既一面諗啦.....叫做自己氹下自己...
祖雲達斯都試過聯賽排第6....
巴塞都成6,7年拎唔到聯賽冠軍....
算啦..往新o既一日出發啦... 曼聯已經緣盡歐洲賽.... ><"
c7又做出o左不文既手勢....
講番場波....雲佬要鬧!!!!!!!!!!!!!!好心就乖乖地係禁區等波到啦...
成日去到半場拎波...又扭唔到....成日俾人搶到打後擊...
今季已經唔係第一次衰依樣野..
再加上我俾你扭到又點...次次扭完之後都係唔知佢想點~俾波又俾得差...
俾到隊友喇...隊友個俾波目標係你嘛...你走左出黎邊個做攻門呢...唉...
領先後態度欠積極,已為win硬
第二球又要鬧雲佬,中場玩波前面空晒都唔交
點知比人偷左反擊得手...１：２
比人地係禁區邊係咁傳波都無人管，之後人地當然射你啦
唉．．＞＿＜”
輸第2 球,只係無運,有2個曼聯球員起腳去擋個波,結果一個唔中龍o既波,
反彈再反彈之下入網...
~望曼聯來季捲土重來~
C7臨尾眼凡淚光, 識喊呢咩?玩少陣咪唔使喊囉~ 舉中指? 我地都未舉你你舉咩人呀?
費sir老囉, 臨尾舉高隻手指住隻錶咩都做唔到... 咁樣"退休"...
紅魔鬼, 下季再見. 只有鳳凰才能在火中重生.
大家失望,都無可厚非,加上有早段領先o既優勢,都比人反超前....真係失望到極~~
不過希望最聯唔好失埋信心,返到英超失水準呀....
場波,賓菲加有某人倒地,我地d 球員似乎睇唔到,仲一味向前推波,計續進攻(無大腳送出界)...都比人大大聲_妖__妖__妖_~~~
=_=
前所未見.....
以前睇歐聯都未擔心過依個情況
結果都係己隊自己唔爭氣
另一邊維拉利爾贏波都無補於事
一月增兵時唔洗再考慮收購球員有冇踢過歐聯............. |
|
