hk球壇漸淡原因,我有少少新睇法...

esterqwerty

雖然大家都有唔同既睇法
但大家都認同hk球壇愈來愈淡
各會員都有唔同類型既意見, 我都好認同, 除此之外,
其實我想問下...大家會唔會覺得係球會對球迷黎講冇乜歸屬感呢...

例如英格蘭, 每隊球隊來自唔同城市
e.g.曼徹斯特, 倫敦, 伯明翰, 利物浦.....
每個城市又有幾隊,
e.g.超聯, 曼徹斯特就有曼聯&曼城
好自然球迷大多會支持自己城市既
而且有時仲關係到面子, 更加落力!!
e.g 利物浦vs愛華頓 , 曼聯vs阿仙奴

但係, hk既球隊....
e.g. 南華,傑志,晨曦, 愉園.....
同地區冇關, 球迷支持佢地既原因,  可能就係因為鍾意對球隊咁簡單
南華輸左, 新聞報出黎, 大眾未必會介意
愉園輸左, 最多替下范俊業唔抵, 都冇咩關係

但係...如果球隊同地區有關
e.g. 你住沙田, 聽到新聞話 " 甲組聯賽, 沙田友 輸俾 屯門飛鷹 0:4" , 你應該留心好多
你住九龍城, 知道 "九龍城寨王 贏左甲組冠軍" , 你都會高興下...

上年聽說現在hk丙組賽事係分18區的球隊 (聽聞only)
咁樣應該可以增加歸屬感

我知如果實行呢d球隊, $$$好重要, 人才又重要, 而且有唔少困難
或者我講呢d分區球隊唔會有可能實行
但我講出黎既目的係想抒發下, hk球壇會唔會真係同冇歸屬感有d關係呢?

如果有機會(有超多$$$) 實行, 未必會好快見效, 但長遠黎睇, 球迷漸漸增加歸屬感
我相信對將來球壇有正面影響~

p.s. 謝謝大家讓我有機會抒發己見, 我是第一次在sports開post,
希望大家多多指教, 營造一個開心舒服既氣氛大家一齊傾sports~
同埋, 原來自己作18區球隊d名係好搞笑好好玩的