brightman

如果英格蘭繼續用外籍領隊既話一定要搵一個有咁上下聲望,因為國內都一定程度既壓力要求下一任要係番本土. 而希汀克當然係個理想人選, 無論佢係帶荷蘭,南韓,psv, 澳洲都羅到好好既成績..諗番轉頭當時希汀克帶領既荷蘭真係踢得好好睇,可惜四强遇着巴西.

至於如果用本土既話我覺得古比士利係理想人選,佢帶領查爾頓十幾年, 以有限既班費可以令到隊波長期留係英超已經可以反映到佢既功力. 佢係英球壇聲望唔錯,加上又唔會好似其他英超領隊咁保守,會主動起用新血,之前佢都暗示過對出任英格蘭領隊興趣. 至於保頓既艾拿戴斯都係另外一個好既人選, 不過佢暫時無表明過有興趣

[ Last edited by brightman on 2006-1-25 at 08:04 PM ]

brightman

Originally posted by bigfish at 2006-1-25 08:02 PM:
唔好搵查爾頓同保頓o既領隊啦, 呢兩隊...

睇番英格蘭既球壇,所有强隊如曼聯,利記,阿仙奴,車仔,熱刺,全部都係外籍既, 本土既選擇其實唔多.當中表表者一定係艾拿戴斯同古比士利. 艾拿戴斯帶左保頓之後,由降班胆變成而家有機打入前四. 而且當中佢用既收購費用極少. 而古比士利我之前講過佢既優點.

反之米堡,年年洗咁多錢,但係出黎既成績完全唔成正比,今季打得仲差, 而家排緊尾四.所以麥卡倫都係做番國家隊副手算啦. 至於傑特,至從飛起左費sir後係英超絕左跡...

當然最理想既人選係希汀克,而佢岩岩表示左有興趣, 睇黎成數都幾大.

brightman

Originally posted by bigfish at 2006-1-26 03:18 PM:

古比士利同艾蘭戴斯都係帶細會叻, 但帶住球星如雲o既英格蘭就未必掂
因為保頓同查爾頓都係主守, 相反英格蘭就攻守兼備, 好多時碰到弱過佢o既球隊就要主攻, 係對住巴西先有機會主守o既, 所以呢兩位領隊o既理念未必適合英格蘭
麥卡倫, 布魯士, brian robson 同傑特就唔同, 佢地曾經o係曼聯同費 sir 共事過, 唔多唔少學到d 野, 如果可以將曼聯o既成功帶俾英格蘭就好 lor

講真以上三個所教既球隊都要為護級而戰, 要佢地做英格蘭領隊完全無說服力. 當然就正如你所說古比士利同艾蘭戴斯未必能夠勝任, 但係係英格蘭呢講佢地已經算係比較好.

所以最好搵番希汀克la.