brightman

個人意見:

係戰意方面兩隊不成疑問,曼聯肯定想好似之前嬴車路士咁借住主場之利黎一次大翻身.而利物浦雖然話小車仔17分,但係比車仔少踢兩場,係分數上其實仲有得追.就算追唔到拎到第二名都係紅軍係超聯最好既成績,所以兩隊波必會拚盡去踢.

但係係狀態方面,利物浦明顯比曼聯為高,中場謝拉特同艾朗素近幾場表現幾好,尤其係謝拉特,攻又見佢,守又見佢,d傳中球又極具威脅.前線高洛治打開左入球荒之後已重拾信心,狀態開始回復番佢係修咸頓時期既水準...而基維爾情況一樣,經過傷後一輪調整後狀態已經重拾,上一場更射入一球世界波...紅軍唯一隱憂係後防,門將拉爾拿同希比亞近排都有d不隱, 係對保頓同係足總盃對盧頓各自出現左一d低水準既錯誤,就算係上一場對熱刺如果羅比堅尼唔係門前失機相信紅軍未必可以全取三分

至於曼聯近四場未嬴過, 其中以輸比曼城個場更加可以見到曼聯中場線既不足,中路如果少左史高斯, 無論係費查/奧沙/史密夫,都唔可以代替史高斯去做派牌工作...好在星仔會復出,我覺得佢打中間或者會比以上三個打得更好...至於後防,施維斯達近排好騰..我諗出布朗好過出佢,因為布朗打阿仙奴個場真係打得幾好....前線我覺得無問題...無論朗尼同雲佬既態都唔錯...最後c7既停賽,我覺得可能係好事,睇新聞睇到雲佬同c7就對曼城個場波有d爭執,無佢係度對隊波既士氣可能仲好d...

最後就係曼聯周中要補賽..休息方面比利記輸蝕...總括黎講,雖然曼聯主場出擊,但係我都係睇高利記一線,賽果我估係1:2 利記win