brightman

其實我覺得c7係可造之材. 起碼佢有腳法,有速度,只係打法上太過賣弄,同埋係同隊友配合同防守方面略為不足.

但係大家唔好忘記佢只係得20歲,仲有大把進步空間...只要佢能夠遇到一個有料既領隊,能夠將佢唔好既地方改哂佢既話,佢一定會成為一個有卡士既球員. 就正如亨利係雲加既麾下既情況一樣..亨利本來只係一個速度快,但係入球能力同傳球都係一般既球員,但係經過雲加既悉心改造之後而家變成左一位係後衛都怕既前鋒. 另外一個例子係祖高爾..原本佢只係一個賣弄腳法同埋懶得防守既球員,但係係摩生執教之後祖高爾變成左一個勤於走動同埋防守既球員,連以往賣弄腳法既陋習都改埋..

但係, c7係曼聯打左2年反而會無乜進步..係咪費sir個方面出左問題 ??

brightman

Originally posted by au212001 at 2006-1-22 04:57 PM:



e個真係重點....

我都同意. c7已經加盟左曼聯已經兩年, 如果費sir真係可以教得掂c7既話就唔會好似而家咁獨食. 要知道曼聯既踢法係以機動同組織性為主,太多個人主義既踢法只會令到曼聯踢得雜亂無章,但係c7獨扭既惡習越見嚴重, 而且亦都招黎史密夫,雲佬,加里仔既不滿. 所以c7再係曼聯既話可以只會令到曼聯進攻失調同球隊內鬨.

曼聯賣走佢可以係一個雙贏既做法.始終英超係比較體力化,唔適合c7呢類型既踢法,如果轉戰西班牙可以比佢更多發揮空間. 對於曼聯黎講賣佢可以多一筆錢去買夠卡士既球員黎代替堅尼個位.

至於c7既轉會費我覺得唔會低,因為其實好多大球會如祖記,皇馬等都表示過對c7好有興趣,有人爭既話個價就可以抬高. 而且c7最大既價值係後生. 再加上c7係國家隊表現係比較好,如果係世界盃有出色表現既話曼聯可將叫價進一步調高.