abc123aa

Originally posted by kakeidevil at 2005-12-29 11:35 PM:



c7啱皇馬～:cool:

啱費sir呢d自大既教練:cool:
我地要盧基,卡斯辛奴都唔要c7~

abc123aa

Originally posted by kakeidevil at 2005-12-29 11:40 PM:



不能夠這樣話費ｓｉｒ的～
就係呢份自信先令曼聯成為前所未有既３冠皇

可惜依家冇用呢,仲成日諗住三冠王???我諗之後真係到利物浦攞英超冠軍都仲未輪到曼聯

abc123aa

Originally posted by donald15 at 2005-12-29 11:43 PM:

c7去到西班牙一季起碼傷足30場聯賽都似

所以佢唔去

abc123aa

Originally posted by kakeidevil at 2005-12-29 11:45 PM:



不能夠以一,兩波定生死的,聯賽一半都未過嘛~~~
唉!!莫講話追車,連第2都有d問題
都係做好本份先～

咁梗係唔可以話失一場分就冇機會追車,但對呢d球隊都失分就真係抵鬧啦,人地車仔踢到咁都贏到.............
做好本份係最重要的,守住頭四吧

abc123aa

Originally posted by 迷途小羔羊 at 2005-12-29 11:47 PM:
c7去皇馬變第二個羅賓佬

係呀,出親場都冇咩特別野做到

abc123aa

Originally posted by kakeidevil at 2005-12-30 12:22 AM:



你....

唔係頭四,唔通頭十咩

abc123aa

Originally posted by 迷途小羔羊 at 2005-12-30 12:26 AM:

哈哈…皇馬都要好好努力

都係守住頭四為目標

abc123aa

Originally posted by gigg11 at 2005-12-30 12:45 AM:
其實呢一年聽得特別多人話曼聯
我只係想講
過去既過去左就算啦，過去既得閒懷念下的確係幾正~~~
但係唔好太沉醉以前既成功~~~
可以咁樣講，每隊班霸係佢地高峰之前總會經歷一段時間係慘痛、付出努力和辛酸既時侯

費sir初加盟曼聯時何嘗唔係經歷過一段時間先至有成功
記住，我地唔係車仔有無限既金錢去支持我地
記住，我地係曼聯!!!

我相信呢度大部份既曼迷都係o係曼聯90年代盛況時加入曼聯行列(我都只係支持左曼聯6年之境)
我見唔係好多年紀比較大既曼迷會話同怨曼聯太多，因為佢地同曼聯，同費sir一齊頂過生苦既日子，等左好耐先等到曼聯早十幾年既光輝。諗深一層我地呢???我地只係享受著前人苦苦打番黎既成果，到而家曼聯開始下滑就開始講果度講果度........

所以大家話曼聯唔係唔岩......只係唔好太過多了，我地應該同曼聯一齊頂硬上.......而家係曼聯另一個高峰期前既一段艱難時間，老實講曼聯要威番起唔會係下季既事(如果係既話一定有d外在因素，爸塞沉左一段時間先係呢兩季勁番 )
上季仲有好多人話曼聯係交接期=.=過渡期=.=........錯錯錯，應該係曼聯新的高潮時的沉默吧

終之大家唔好give up~~~要有心理準備可能要等曼聯半年，一年或者兩年更加多時間....
終之講到尾曼聯一定要變番以前咁好!!!我好有信心!!!

錯既，大把人都有錯，費sir係有錯，但係d球員都有錯，曼聯係一個team，有責任一齊負擔，我就唔信費sir唔會叫班球員hea住去踢啦，所以有時班球員冇爭勝心以至失分真係佢地都有責任，球員係有錯，領隊都有錯......我覺得曼聯而家唔係話到一時間換左費sir就開始即刻整頓好番，所以大家唔好諗得太簡單啦~~呢d野唔係一個暑假就整頓好......油王入左車仔後都搞左一年先汁得掂(我就唔信摩佬如果早一季入黎都可以即刻汁得好隊波)
費sir年紀唔輕，走係遲早既事......咪當俾佢老人家多d時間為曼聯鋪番條好d既路俾下一任領隊吧啦~~~費sir當年踢走唔少球員大家可能會憎佢，佢賣走我鐘意既碧咸時我都有嬲佢一排，但係諗深一層，「將點可以大過師」換轉係你，如果你同個球員嘈到冇計傾，唔通你走佢留低咩=.=??
與其大家心中唔一致，只會搞到唔團結，班波會散得好快!!!
(咁當然，有時有d事件費sir真係做得唔岩係事實，不過佢有事趕走某d球員係岩既，好似stam等)

總之講我尾........大家一齊同曼聯過呢段艱難既時間~~
(其實我唔指講今場波，係連今季輸/和左果幾場波都連埋)

一定係咁嫁啦,皇馬何嘗又唔係呢,下下都比人話後防唔掂,但其實除左後防仲有好多問題,如果曼聯有車仔咁多錢都未必會成功,始終教練唔同教法,臨場換人果下費sir已經不及依家英超既賓尼迪斯同摩連奴,人地賓尼迪斯同摩連奴好決斷,不過賓尼迪斯又唔及摩連奴喎,所以利記輸左世界冠軍球會盃.........
你話「將點可以大過師」,我又唔覺得係咁喎,如果林柏特又係搞到咁,同摩連奴唔o岩傾既話,你估摩連奴會唔會賣走佢先,費sir佢自己都知道碧咸對曼聯既重要性嫁啦,佢夾硬賣走碧咸搞到依家咁...........我諗好多曼迷都寧願碧咸冇走到.........

abc123aa

Originally posted by gigg11 at 2005-12-30 01:24 AM:
好難講.........碧咸果件事真係一個好唔好彩既意外
我就唔信費sir咁堅射中佢對眼，一定唔係有心射面........
碧咸離開之後自己係皇馬都冇咩得著過........=.=得到既只係更多收入
所以曼聯賣走佢真係兩敗俱傷........

我覺得碧咸始終係曼聯先真正發揮到佢既優點，係皇馬變左不停俾人話只得斬波同罰球=.=
其實佢係曼聯fit果陣係可以壓過到一個對手斬波，大家記得碧咸最勁果兩季嗎?? 99-00，00-01..........果季攞左3頂足球先生第2名=.=   真係魚魚地=.=衰係奧雲同施丹=.=
但係明顯佢世杯前重創後，02世杯格硬上陣.......(真係格硬黎踢，我仲記得對瑞典佢竟然將個罰球唔射橫傳俾米斯........真係好難相信佢會唔射=.=)之後02-03果年咪傷之前都打得幾好，之後復出後，再同費sir吵之後都一直打得唔太好(不過佢臨走果幾場係幾勁)

諗番轉頭，費sir真係好鍚佢.....真係因為一個飛boot搞成咁=.=其實佢地兩個中間夾住佢老婆，就算點吵極佢地感情都咪至於好壞......呢個大家一直睇到......但係因為當時對阿仙奴...碧咸唔追果球波番到更衣室俾人小.......=.=我覺得真係reason係兩個都死要面硬頂到你都唔信，而且仲係一場誤會~~~


不過佢而家係曼聯其實都咪必會幫到太多.........但係情況冇而家咁壞就真......我諗如果佢而家係度都可能要落後車仔5-6分度........如果佢而家仲係度....隊長佢而家都做緊啦~~

皇馬都唔識得用碧咸.......梗係冇盃攞啦,次次用有名既教練教佢都係將佢打防中,已經卡路先比較正常返少少,希望唔會又失望啦..........
但碧咸佢既職責係射罰球同傳波的確係o岩喎,我覺得佢做呢d野好過叫佢係咁做防守,一d睇頭都冇,依家碧咸我諗都冇乜點嬲費sir嫁喇,學你話齋,佢地感情真係好好,情同父子,當年我諗都係大家一時火遮眼啫,由頭到尾係維多利亞搞事...........我不嬲都唔鍾意維多利亞..........= ="

abc123aa

Originally posted by gigg11 at 2005-12-30 01:28 AM:
不過講番你話林伯既問題
我覺得摩佬既性格.......可能會說服到油王俾佢趕林伯特走
不過都係假設性ja~~~球場內既野我地d外人都睇得咪清
何況球場外既野..........

講番轉頭真係要多謝碧咸.........佢令好多人都鐘意曼聯~~~

咁又係喎,球場內既野我地都未知道晒啦,更何況係球員同教練係球場外既野呢
真係懷念碧咸係曼聯既日子,佢又好,曼聯又好,唔洗搞到依家兩敗俱傷= ="