mememe

地兄:
請問"永遠在天堂與上帝同在"有何可取之處?

魔鬼明知道會與"那些帶有罪的人永遠在地獄受苦"都要與神作對的動機何在?

其他的宗教(異教?)是否全部都是"魔鬼騙人的手法"呢?

"迷信的習俗"和一個文名的其他"習俗"有甚麼分別呢?

懇求賜教

mememe

Originally posted by 20steven at 2005-6-6 12:19 AM:
自己做錯野 當然要接受審判!為自己所種的因~得出你金日的果+++>對吧 BEN兄

阿當做錯0野要我負責和受罪又點會係"自己所種的因"呢?

之前以經有人提出過呢點﹐但你好似無乜理會。

再講﹐ 有全知全能既造物主是無可能有自由意志全在既﹐這是一個邏輯陷阱。

mememe

20steven 兄﹐

你答得有點兒似是而非。 你所講既"佢既血洗清我地既罪.只要我地誠心悔改"有0的牽強。

若然阿當0個隻唔係死貓﹐0甘我哋又何罪之有呢?
若然無罪﹐0甘又何苦要神用血清洗呢﹐我哋又何故要誠心悔改呢?

再講﹐係唔係做好人就可以唔信神都可以上天堂呢?

你既比喻雖然好﹐但係好似少0左"造物主"呢個條件。試想想:

我做0左一粒魔術骰(造物主)﹐而我知道呢粒魔術骰無論點擲都只會擲出"一"(全知)。
我交粒骰俾你﹐然後叫你擲﹐還保充一句話你點擲都得。你最後擲出"一"。
請問﹐這個"一"是不是你擲既?
你既擲法會唔會應响到擲出既數目?

現在你大概明白為甚麼全知全能既造物主無可能和自由意志共存吧。

mememe

Originally posted by 20steven at 2005-6-7 09:49 PM:
哦 呢兩種罪唔同既~~耶穌寶血洗清既係...

恕我愚昧﹐但你好像有點答非所問。

在伊甸園﹐阿當未犯下原罪前﹐無論阿當和夏娃做什麼都不構成罪﹐因為佢哋無罪性。
現在﹐因為人有罪性﹐所以無論個人幾好﹐或者做既事有幾好﹐都一定會構成罪。

人之所以犯罪是因為人有罪性﹐
人之所以有罪性是因為阿當犯下原罪﹐
若然阿當沒有犯下原罪﹐人就沒有可能犯罪。

敢問﹐若然基督徒既原罪已被耶穌寶血洗清﹐基督徒就理應不再有罪性﹐0甘請問基督徒點解會信0左主之後犯罪呢?

由此可見﹐耶穌寶血洗清既係人自己犯下既罪﹐而不是亞當所犯既原罪。

做好人算係愛人既一種 當然可上天堂la

請說明: 做好人係唔係可以唔信神都可以上天堂?

點解d 人會要人流血呢

唔明你問緊乜。點解人會要人唔流血呢? 點解神會要人流血呢?拗爆頭。。。

mememe

Steven 兄,

其實要你們食隻死貓既唔係上帝.係我地既祖先呀當.上帝不但無叫佢食,仲叫佢唔好食.

你好似完全忘記了我的比諭。在此﹐我不厭其煩地貼多次:

我做0左一粒魔術骰(造物主)﹐而我知道呢粒魔術骰無論點擲都只會擲出"一"(全知)。
我交粒骰俾你﹐然後叫你擲﹐還保充一句話你點擲都得。你最後擲出"一"。
請問﹐這個"一"是不是你擲既?
你既擲法會唔會應响到擲出既數目?

既然造亞當既係神﹐全知全能既又係神﹐0甘神造亞當之前一定知道亞當會食禁果。依照以上比諭既結論﹐無論亞當既自由意志點思考法都一定逃唔過決定食禁果呢個後果。0甘亞當食禁果算唔算係亞當既自由意志呢。我俾粒骰你叫你唔好擲出"一"你都擲出係你犯賤定係我卑鄙呢?

如果人無自由意志同埋罪根性就唔會犯罪(一開始的呀當)!

。。。亞當一開始無自由意志?0甘夏娃都無0架啦?0甘即係話食禁果係佢哋都唔想0架咯喎? 0甘佢哋即係被逼0架啦? 0甘神係唔係老屈先?

去唔到上帝國唔代表一要落地獄,我聽番個導師講原來聖經無提過要d人落地獄!

呢樣唔使我回應。唔知其他基督徒點睇。。。

我同樣相信上帝與我同在.使我有能力一一解答各位既難題

小心呢句說話。如果你信解答問題時上帝與你同在﹐0甘你就不能犯錯。因為聖經是先知信上帝同佢哋同在時寫下的。你犯錯既話就代表聖經都可能有錯。

除非你認為當你信上帝與你同在時佢其實未必喺你身邊啦!

哈哈哈哈哈。。。。講嚴重0左添。。。。。

mememe

Steven 兄,

不過你可以唔擇^^ 你好似忘記左自由意志既定義wo

哈哈哈哈哈。。。係咩?如果神係全知既話﹐0甘佢又點會唔知道你會決定唔擲呢?
如果神係全能既話﹐0甘佢又點解唔可以喺造你既時候造到你會決定選擇擲骰呢? 甚至特然心血來潮變到你決定選擇擲骰呢?(例:埃及王與七災)

根本"唔擲"呢個決定就係喺"全知"既範圍以內﹐0甘你既所為自由意志又何來自由呢?即使表面看來係自由﹐但實際上係內定﹐0甘又算唔算"自由意志"呢?

好似係你忘記0左全知全能既定義啫。

順便一題~我看你問的問題有點歇斯底里呢~我相信你心裡對上帝e經有了一個型像.

係我歇斯底里定係你得過且過係見仁見智既啫。你同我﹐仲有所有人﹐又何妨唔係"對上帝e經有了一個型像"呢? 問題在予呢個"型像"係理智既結精﹐隨知識既增長和心智既成熟而有所進化﹐抑或係盲目既追奉﹐麻醉于信仰或無知既安慰之中而已。。。

說實在﹐討論大多數時後都會歇斯底里。只要能一睹知識和信仰既真貌﹐歇斯底里又何妨呢?

所以我就算如何答你你都會找出一個新問題~我在這裡奉勸你一句~做人不要tai過歇斯底里不然人生會多好多不能解答的問題,為自己枉添煩惱~對身體同心靈都不好.

難道只聽其理不辯其(歪)詞會比思考其理而追問其因由更有學問? 請恕我不敢苟同。如果人類歷史中既偉人都沒有為自己枉添煩惱去企圖解答那些人生中不能解答既問題﹐你話我哋社會會係點? (例:愛迪生既電燈膽)

雖然你不信上帝,不過仍然願主看顧你!

多謝。願你自力更生﹐有能力看顧自己!

mememe

bengrace50兄﹐

不過我認為如果一個人信的並非邪教，我們應對其他宗教有起碼的尊重，這是作為弘法者的起碼要求。  若不，會令人對自己的宗教沒有信心。

請問你所講既"起碼的尊重"係指乜嘢呢?

我覺得信仰由始至終都應該係私人既決定-係應該無侵掠性同埋唔會影晌到其他人或整個社會既一種品德。若然某0的人或宗教利用自己信仰既教條去影晌其他人既生活或整個社會既運作﹐我就會覺得需要從新評估究竟值唔值得去尊重呢個信仰。

無論點都好﹐都多謝你既忠告。

mememe

bengrace50兄﹐

-起碼的尊重->是指不可批評教義(邪教除外)，有疑問可禮貌地問，如果希望別人信自己的宗教，可客觀、禮貌地分析，但不可自讚毀他，尊重別人宗教如同同重一個人及自己。  是為己起碼的尊重。

0甘即係如果覺得教義有矛盾既話可以問同埋客觀地分析啦(我一向都係0甘0架噃)。察覺到矛盾唔算唔尊重﹐質疑矛盾既觀點唔會係無禮貌吧?

我一向做人都係針對事而唔針對人既﹐如果之前有咩誤會希望大家抹0左佢。。。

補充一點，一個教徒的品德不應與他的宗教直接連帶上任何關係。 因為這是他個人問題不等如信仰有問題，同時，如、果他沒有信仰，可能更差。

一個教徒的品德不應與他的宗教直接連帶上任何關係，所以教徒的善行和他所相信的宗教毫無關係．另外，如果有了信仰，品德可能會更差．

Karenmoe 答得好。我唔覺得有信仰既人喺品德方面一定會比無信仰既人好(或差)。信仰只會喺教徒身上建立一套價值觀﹐而點樣去評定是與非依然係教徒本身既責任。但係如果信仰認為對既做法喺社會上被認為係錯既話﹐0甘呢個信仰重值唔值得被尊重呢?

可謂邪教？假若一個宗教的教義是打壓異端者，這又算否邪教？

我都好想知。邪教既定義無論點睇都好似好主觀。

*********************************************************************************

20Steven 兄﹐

自由意志我e經解釋了好多次了,請留意,你既自由意志係不會受控制的.(對全能之說有疑惑請細心想想,可以同埋會唔會係兩會事).

你既解釋沒有被接衲因為係斷言(Assertion)而唔係推論(Argument)﹐就好似

你既自由意志係不會受控制的.

0甘。 你沒有解釋到自由意志點樣喺"全知全能既造物主"呢個大前題之下依然可以係唔會受控制的。

當然上帝會知你個秒個刻想做咩.下秒下一刻想做咩就當然要下秒先知la.

如果上帝受時間束縛既話又點稱得上"全能"呢?
如果上帝要到你做嘢先知道你前一秒想做乜又點稱得上"全知"呢?
如果連上帝都唔識預知未來﹐0甘班先知又係點嚟既呢?

真係深奧0左0的﹐你可以解釋一下嗎?

其實呢位弟兄~你其實可以嘗試下去教會呀~你對於基督教有甘多疑問,點解唔親身去證實一下自呢.我相信教會既弟兄會好樂意解答你既問題.

你又知道我無去教會?
你真係以為我無親身去證實一下咩?
你唔係真係相信教會既弟兄解答到呢0的問題0下話?係我就唔使上網問人啦!

一切煩惱皆自尋

好奇並非煩惱。

mememe

20steven兄﹐

其實我觀察左你甘耐,我覺得其實你過份去執著.點都要揾d野出黎拗.其實你諗深一層其實答案一早出左黎.點解你唔嘗試容觀去睇清楚個答案呢~

呢0的係倚老賣老既講法。我觀察0左你0甘耐﹐我覺得其實你喺度逃避緊深一層既客觀答案,因為你主觀既信仰唔容許你去接受﹐所以你帖既內容由"客觀話題討論"轉為"主觀動機討論"。

試問我講既嘢同問既嘢關我係唔係過份執著咩嘢事呢? 我如果係執著﹐0甘我講既論點﹐問既問題係唔係就有錯?我如果唔係執著﹐0甘我講既論點﹐問既問題係唔係就有point?

如果果d神父同埋牧師都答唔到你既問題 我真係好有興趣知到低你去左bin一間教會!
我幫你去教訓下佢!

唔好傻啦。你不如問0下你間教會0的人先啦。如果佢哋有答案你就帖上0黎﹐如果佢哋無既話你再教訓佢哋都未遲呀。

雖然0甘講法可能有0的無禮﹐但係你已經清楚表現出我同基督教徒討論時經常遇到既"混淆视聽"同"逃避問題"呢0的情況。