秋葉林

無可否認足球比籃球嘅受歡迎程度較高，當中嘅原因未必係兩種刺激程度或者乜嘢好玩指數，而係足球較籃球方便。要玩足球，求其揾啲嘢嚟踢下踢下就得喇，你見啲小學生响走廊追住舊垃圾都可以玩；但係玩籃球，最少都要有個類似籃嘅物體，個波仲要識彈至得，真係無咁方便。

亦係呢個原因，响非洲同南美果啲比較窮嘅國家，好少會有人打籃球，但係足球就可以有好大嘅發展空間，啲窮等人家仲會將踢足球視為飛黃騰達嘅機會添。