roykenroy

放手
佢既然講得出: 仲好誠實咁講清楚, 我唔愛你喇, 你搵過第個啦..........

曾經有個女仔同我講過個故仔:  佢曾經同過一個由頭到尾都對佢好冷淡既男仔一齊，
好難受，但係偏偏佢知道個男仔真係好鍾意佢(因為佢地好難先o係埋一齊)，但係唔知
點解，個男仔又唔同佢出街，又唔打電話比佢，佢好灰....完全唔知自己做錯左d乜?
後來有一次，個女仔既家姐入左醫院，佢好唔開心咁打比個男仔， 內容如下:

女:  喂!  我家姐入左醫院呀.....
男:  係咩?!
女:  .......
男:  .......
(keep 左一分鍾左右)
男:  咩事呀?
女:  冇野喇....係咁啦....拜拜!
男:  拜拜!

收左線個女仔好心痛，覺得之前等佢、比佢既藉口好多餘，一個人根本談唔到戀愛。
過左一輪，佢家姐出左院之後，女仔同男仔分手。 (講到呢度先，雖然結局未完！)

個女仔同我講:  要我留o係一個自己心愛既人身邊，但係要不停比佢傷害，仲要唔知幾時
比佢插一刀，真係好痛苦，我真係做唔到! 咁不如分開啦，最少我唔使睇住佢傷害我!

我聽完個心嗱住嗱住....雖唔關我事，但係我真係感覺到佢好痛!

個男仔乜都唔做，個女仔就只有等.....又唔見面、又唔通電，唔知咁算唔算有名無實呢?

一個人根本談唔到戀愛，因為冇人答你、回應你，你話幾戇居呢!