藍

= =,真係多衛道之士
我無咩正義感,我只係客觀地講下,樓主講到好似係馬會開埋d非聯賽盤出黎,會吸引更多人沉迷賭博,但係你知吾知個事實係,係無聯賽比賽既時候,無盤開,馬會哥邊比d賭仔媽到七彩,甘你覺得,會係馬會錯咩?
而且你所謂既非聯賽比賽,我吾知係米指d國際友誼賽拉,或者我誤會都未定,如果真係指友誼賽的話,點解你會覺得係無觀賞價值,無研究價值?我諗吾會掛,相信哥個星期好多人都有睇哥幾場友誼賽wo,而且係26fun都有人繼續討論返wo.如果你所謂既"非聯賽比賽"吾係指呢個既(例如你意思係香港高中生比賽呀甘樣),甘我同你say sorry lo

[ Last edited by 藍 on 2005-11-15 at 09:49 PM ]

藍

brother,真係要同你講聲sorry sin,眼大睇過龍,無見到哥段

不過,呢d野怪得邊個,鬧馬會無良,太過片面拉,好似有人要跳樓,吾通又怪d樓起得高?甘多人鍾意自己去送死,無盤開,佢地米又係會去賭外圍,我覺得,要怪就怪d賭仔不知自愛拉.

藍

Originally posted by 馬蘭奴 at 2005-11-17 12:01 AM:


馬會是在催眠市民，...

仍然係好主觀既講法,點叫催眠市民去賭?如果講宣傳,賭馬,六合彩個催眠性勁過賭波多多聲,若然要計,令到d賭仔養成賭波習慣沉迷落去既,有排都未數到馬會,你諗下馬會個賭波開左幾多年先,係馬會未開盤之前,通街得係外圍波檻,幾乎每間有波睇既吧都至少有一個波檻收數佬係度,吾係情況甘嚴重,政府都吾會比馬會開賭波拉;另外,就算吾計外圍在內,仲有一個澳門,澳門哥邊直頭係有哂專線比香港人開戶口電話投注既,就算到今時今日,係澳門買波既香港人依然有好多,澳門d盤開得仲奇拉,連中甲中乙都開過,甘你米應該係個topic度連澳門賭波都鬧多一份?
開賭,我自己本人都吾支持,不過反對還反對,做人,要客觀d好,啱就啱,錯就錯嘛

藍

Originally posted by austin666 at 2005-11-17 06:50 PM:



1.賽馬係運動,不過係騎果個同隻...

馬會一定有掠水,但係呢個係香港以至全世界所有話非牟利機構都有既情況,吾單單止馬會有
就連教會,一樣賺到盤滿砵滿既時候,吾應該只鬧馬會,要鬧就鬧哂佢

你貼出黎哥段政府既甚麼防範措施,令我更覺得政府何其無能,一係,就吾好比佢搞,成立個獨立監察委員會,有咩用,用黎自欺欺人;推行公眾教育治療病態賭徒,更多餘,黃賭毒三樣,黃同毒搞左甘多年都係得個吉,搞埋個賭,又係得個搞字;最好笑既係"馬會亦須在投注站張貼告示，使投注者認識賭波的風險和禍害，向疑有病態的賭徒提供求助方法",簡直係白痴,行到去馬會,仲會因為呢d甘既野而吾賭咩,完全好似咸網叫人未夠十八吾好入一樣,多餘,又係自欺欺人

反而我好認同你既第三段,以賭制賭並不是要以賭養賭,呢個講得好,講到呢度,我又諗多樣點解去要開多d瓣數,其中一個原因,係要同澳門呢邊爭,當然,佢想賺多d呢個諗法,最少都佔左一半,但係既然澳門同外地d賭波,你吾開盤,人地開,d賭仔實去人地度買(家下太方便,電話,網上投注都容易),肥水不流別人田嘛,反正你班傻仔都係要輸錢,入人地袋不如入返自己袋(呢個純粹係我諗法姐,哈哈)