ciger

車路士=擊敗曼聯,阿仙奴奪得04-05年英超聯冠軍嘅球隊
車路士=好多球迷眼紅就用有錢就可以贏英超聯冠軍的例子
有冇人諗過湖人隊有高比拜仁,奧尼爾已經可以贏NBA,但加入卡爾馬龍,披頓反而贏唔到嘅原因,如果有錢買人就等於可以贏冠軍,請解釋皇馬同湖人隊現象

ciger

Originally posted by rock003 at 2005-10-17 01:50:



如果車仔無油王會吾會有今時今日?
如果油王無無盡的金錢會吾會有今時今日的車仔?

如果解釋唔到皇馬同湖人隊現象,就證明唔到靠錢就可以贏取冠軍,咁即係車路士都有其他因素先有今日,有錢都要識得點駛,亂駛係唔會有成果嘅,我成日都聽到好多人眼紅D有錢仔,話人地老竇剩低大把先有今日,但你有冇諗過好多野比你有錢都做唔到人地咁好

ciger

Originally posted by kakeidevil at 2005-10-18 11:26:



唔係賴車仔,冇人講過mu,阿記衰...

用錢買都唔算正途?你傾先就有優先權?我反而覺得車路士比阿仙奴更光明正大,雲加專揀d年青球員,美其名就有眼光培養新人,但實際上咪又係搶人地d青訓產品,而且價錢仲好低,因為未成名,等人地人財兩失,永遠都無法壯大,但d年青球員點解肯過阿仙奴?因為雲加比高人工,阿仙奴d人工仲高過車路士,佢益球員都唔會益球會,費事比錢你賺等你買d勁人同我爭,至於搶高d轉會費,未有車路士曼聯都三千幾萬買李奧啦,關車路士乜事,當電視轉播,商業贊助收入越高,球員身價亦會隨之上升,根本就係足球變得商業化,先令到一d二線球會要引入新股東注資,如果反對有錢佬收購二線球會令佢壯大,根本就係保護一d傳統班霸,要佢地長期壟斷比賽,但點解其他球隊唔可以加入爭一日長短,唔好忘記好多所謂傳統班霸咪又係幾十年前有個有錢老細用錢搞大佢,只不過當年有咁資訊發達同冇乜人留意啫

ciger

Originally posted by supportMU at 2005-10-18 20:22:


我覺得唔可以抹煞犘連奴同其他因...

朗尼都冇人同曼聯爭,只不過以佢潛力+年齡,1900萬實走唔甩,曼聯850萬買基巴臣做後備都得啦,點會話冇錢?改造ALAN SMITH係費SIR想證明佢買返黎嘅人有用,車路士錢多所以快成功,但曼聯阿仙奴唔係輸比車路士,係輸比自己,阿仙奴49場聯賽不敗都試過,但點解今年輸咁多場波?如果唔係曼聯阿仙奴自己輸比D弱隊,車路士都唔會帶離咁遠,所以話車路士成功唔只係車路士本身實力,仲要靠曼聯阿仙奴自己不濟先會咁

ciger

Originally posted by supportMU at 2005-10-18 22:56:


我都認同你講法～但未有油王組呢...

曼聯99年可以贏歐聯,但車路士始終未能贏歐聯,所以車路士並非無敵,只不過係其餘兩強不濟,而且曼聯阿仙奴都唔止失6,7分,阿仙奴已經失左11分,8場波總分24分竟然失11分,冇車路士都輸比韋根啦

ciger

Originally posted by supportMU at 2005-10-18 23:49:


唔好誤會，我唔係只比較佢地３隊...

英超聯由始至終都係由一兩隊球隊壟斷,過往阿仙奴曼聯又有幾何輸比d二線球隊,就算輸都係已經有水位(聯賽績分)輸都冇大礙,一隊波就算有好強後備力量又如何?你可以確保長居後備嘅球員同其他隊友有默契?而且曼聯後備力量都好強,傑斯都係後備之一,不過佢咁啱一係唔傷一傷就幾件都係後衛,而且曼聯係好明顯唔及以前(三冠前後時期),根本就係費sir入錯貨又死唔認,搞左幾季先識買個似樣嘅龍門,又放棄以往成功嘅兩翼+雙箭頭,走去打單箭頭,就算車路士係蘇拿年代都唔見得會輸比現在嘅曼聯,至於阿仙奴咁多年都係以亨利做重心,佢狀態唔好或有傷有病就大鑊,而且咁多年係人都知你點踢啦,搵到方法對付你根本唔出奇,所以唔係車路士特別強,係其他隊唔掂啫,你睇祖記每年都有d變化,有d新鮮感,對手冇咁易捉到佢路,所以年年都名列前茅

ciger

Originally posted by supportMU at 2005-10-19 01:08:


"所以唔係車路士...

踢波唔係show身家,乜你覺得3個球員身價夾埋8000萬就代表勁?車路士之前弱要在短時間內組班先用咁多錢啫,其實佢d球員都唔係頂級,起碼你搵個似球皇都冇,你急住買人咪要比貴d囉,但唔代表佢係值or勁

ciger

Originally posted by supportMU at 2005-10-19 02:38:


你有冇睇我之前打d野架=   ="...

你要留意一樣野,我諗從來冇人話車路士買人買得抵,只會話佢嘅成功唔係有錢買人就得,好多人話車路士買好多勁人返黎超哂班,但其實問題係曼聯阿仙奴弱左,導致車路士超班,有錢比一個高過預期嘅價錢唔代表可以成功,但好多人就覺得可以,艾辛兩人係車路士要今季爭歐聯先咁急要買,如果只要贏聯賽一早夠照,其實如果你認同"所以唔係車路士特別強,係其他隊唔掂啫"=  =" 咪就係話佢已經係英超超班囉=     =",咁就即係認同車路士成功唔只係靠錢多,其餘兩強弱左先係主因,咁即係這個標題唔成立

ciger

Originally posted by ciger at 2005-10-19 02:49:

你要留意一樣野,我諗從來冇人話車路...

p.s 極奇量咪得個不復當年勇架傑斯仔(傑斯仲要係青訓黎)..... 你知唔知8000w英鎊係幾多??=   =" mu係除左車仔之外,全英超最高身價架球隊....全隊波+埋身價都係9000幾w多少少到.....但係車仔3個人已經去左8000w........ 1個SWP可以買6個星仔.........  點頂??仲有, 全隊保頓身價+埋都好似唔知500w到.......  咁你知車仔架恐怖未......

我都冇話你話車路士成功只係靠錢多,不過你話3個人身價8000萬所以車路士好恐怖,3個人身價8000萬唔係恐怖,只係有個傻佬亂駛錢,陣中擁有費高施丹朗拿度三個世界足球先生就真係恐怖喇,但咁都冇獎攞就更加恐怖,唔好成日將招點擺在球員身價上,車路士買人嘅宗旨先係成功之處,唔追星,邊個位冇人就買邊個,有錢唔代表識洗,曼聯這幾年都用唔少錢買人,但失敗多成功少,華朗基巴臣都唔知浪費幾多錢,仲有迪贊巴ALAN SMITH,冇個成功,另外C朗拿度廿歲唔夠都1200萬啦,朗尼1900萬,兩個U20球員都用3100萬,曼聯咪又係錢多,不過費格遜唔識用啫,錢這樣野你有10億同20億基本上已經分別唔大

[ Last edited by ciger on 2005-10-19 at 12:36 PM ]

ciger

Originally posted by supportMU at 2005-10-19 04:46:



我咪話你冇睇我打架野囉=     =...

仲有一樣,車路士9連勝,有睇波嘅都知道佢贏阿仙奴係符碌啫,杜奧巴控波甩腳但係彈入左,如果唔係都贏唔到,對韋根人地單刀唔入結果比基斯普射死,佢季初9連勝只不過係陣容變動唔大,季初較有默契同埋'有運',如果對住上兩季嘅阿仙奴,可能車路士已經破左處