ciger

Originally posted by donald15 at 2005-10-30 20:41:

我又想問下你
如果唔用費查可以用邊個呢??
基本上陣中冇一個可以代到佢個要肯守又識攻既人
有既都係得左腳仔

曼聯全盛時,中場係傑斯,史高斯,堅尼,碧咸,如果現在排C朗拿度,史高斯,ALAN SMITH,朴智星陣容功能都好似,兩邊快翼有個人突破,拉開對手防線,但出費查仲要係打右中場,打防中都仲有得諗下,右中場點計都係C朗拿度,朴智星好D啩,甚至出李察遜打左,掉另外一個打右都好過出費查啦

ciger

Originally posted by donald15 at 2005-10-30 22:35:

你想法咪錯左囉
曼聯全盛時既打法...

講咁多,不如你同費格遜搵一個理由點解要由4-4-2改4-3-3,朴智星,C朗拿度,傑斯都係正宗快翼,佢地仲有5個前鋒,減去受傷嘅蘇斯克查同沙夏都仲有3個,打乜鬼4-3-3啫,仲未輸夠咩,好多曼聯迷認定費格遜用嘅陣係啱嘅,再從中搵球員排陣,但其實個陣都已經唔啱曼聯打,我話佢要出C朗拿度,史高斯,ALAN SMITH,朴智星就梗係要佢打4-4-2啦,唔通叫佢打9-0-1咩,英超聯風格唔同其他聯賽,佢地速度比較快,而且MARK人比較貼身,費查一係就打死防中,要佢攻守兼顧不如叫佢去死,用開贏波嘅陣一般都唔會變,曼聯由雙翼齊飛起家稱霸歐洲,轉乜鬼陣式,而且自從打左4-3-3之後都未好過,都應該係時候食返老本啦

ciger

Originally posted by donald15 at 2005-10-30 20:37:

我只可以講你既見解好得意
你話買...

基巴臣出場次數真係一隻手都數得哂,車路士唔係下下贏夠數先換人入場,上場侯夫都打正選,亦因此輸波,今年曼聯傷兵係多,但上年呢,前年呢,我唔係話曼聯可以學車路士,我只不過話摩連奴懂得用人同協調球隊,你睇下車路士無論出邊個都有默契同狀態,這唔係一件容易嘅事,我地打WE都唔一定可以平衡到球員出場機會啦,何況佢地仲要係現實生活

ciger

Originally posted by donald15 at 2005-10-31 01:38:

由442演變到433其實有好多個楷段同...

唔好意思,我出世時比利都仲踢緊波,我諗費格遜教唔到30年波,我睇波時費格遜都未教曼聯
你這種想法即係信名牌,咁即係以後世界上任何一支'職業'球隊我地都唔可以話佢唔啱,因為佢地請嘅都係有專業資格嘅教練,乜野叫做好唔好不需要由我地去界定,佢地嘅成績就已經話左比我地聽,費格遜唔打4-4-2可以有好多原因,我諗你都唔清楚,因為你一定冇親耳聽佢講過,但好肯定講句就係曼聯過往打4-4-2時比現在打4-3-3好,如果現在打4-4-2都冇起色就證明現在嘅曼聯唔適合打4-4-2,但你有冇見過?又點可以肯定唔得,與其成日話唔夠人錢多所以成績唔及人不如睇下查爾頓同韋根啦,講錢講人都係曼聯強,但到現在成績呢
4-4-2兩翼側擊之所以適合曼聯係因為唔需要有創造力高嘅攻中,但4-3-3就要有好嘅攻中,史高斯強在佢嘅埋門,唔係創造力,打4-4-2佢只需要分波比兩邊就得,但4-3-3就需要佢在中場穿針引線,簡東拿時期嘅曼聯就得,到3冠皇時已經要靠兩翼側擊,所以我敢講曼聯最佳陣武一定唔係4-3-3

ciger

Originally posted by donald15 at 2005-10-31 20:18:

有陣時呢
睇字就唔好睇咁死
話難...

不過唔好以為442靠兩邊就唔需要中場既keyman
keyman呢個位跟本就係現金打得出成績球隊既最重要棋子
照你所講齋用兩邊出波中間冇keyman送攻模式就變到得返一個
對手就會針對呢個打法集中防守兩邊
咁你就成場波企係到唔駛玩囉

點解你對足球嘅理解係非黑即白,係減少keyman嘅工作量唔等於冇keyman,單翼鋒會變得好單調,而keyman亦都好難分波,因為得一個目標,雙翼鋒就唔同,中間分波對手都唔知你會比去左定右,但單翼鋒對手跟住一個就得,其他人可以移入中間協防,現今打得出成績嘅球隊有keyman之餘都會有兩個翼鋒,咁keyman先有選擇去交波,前面一個前鋒入禁區,剩下一個翼鋒係人都知你交去邊到啦,史高斯自己突破力又唔強,唔同細哨可以出乎意料地自己去波,對手就好易佈防,曼聯唔掂已經唔係今季嘅事,從打單箭頭開始已經唔掂,只不過今季傷兵多左先更加嚴重

ciger

Originally posted by donald15 at 2005-10-31 23:19:

其實你都唔好得好多姐
死都比你講番生
一時又話要放442
轉個手又話要番翼鋒出波
你玩晒啦
同你講都晒氣
你慢慢玩啦

大哥,你思覺失調呀,你睇番我第#58嘅post,我一向都話曼聯要打兩翼鋒出波,4-4-2咪一左一右加兩個中間囉,有乜問題呀,我只不過話要兩翼出波,唔係單翼出波,乜曼聯三冠王時碧咸傑斯唔係兩翼出波咩?

[ Last edited by ciger on 2005-10-31 at 11:27 PM ]

ciger

Originally posted by 塵埃 at 2005-10-31 23:26:


哈~你有冇聽摩連奴講過" 現今既足球...兩個前鋒攻擊力不等於一個前鋒既2倍~"

摩連奴自己都試過出三箭頭啦,唔同踢法同球員質素有唔同效果,巴西都係打雙箭頭,唔通又因為摩連奴一句說話又走去打單箭頭

ciger

巴西方面...如果朗拿度傷左肯定佢出阿祖安奴單箭頭衝哂防線...
朗拿甸奴極其量係一個輔鋒...其他冇乜邊個係有份量既前鋒

這就係問題所在喇,有玩WE都知有一個新名詞叫ST,其實一向都有不過以前都叫埋做前鋒,現在有人將佢細分左,好多球隊現在話打單箭頭,其實佢地都有出一個輔鋒,咁同雙箭頭分別唔大,如果有兩個可以上腳嘅前鋒,例如朗拿度,羅賓奴,亨利等,出兩個都冇問題,但如果好似古莊臣等靠衝撞嘅球員,就好少出兩個

ciger

Originally posted by donald15 at 2005-10-31 23:56:

你又真係幾搞笑喎
442即4後4中2前...

你真唔知定假唔知呀,傑斯都唔係左翼?就算碧咸唔係傳統右翼,咁再早D嘅簡察斯基呢?普波斯基呢,佢地都唔係翼?就算排陣名義上係左右中場,功能都係翼啦,4-4-2正是傳統雙翼齊飛嘅陣式,英格蘭當年華杜班尼斯都被譽為出色翼鋒,但咪又係左右中場