raj72616a

耶穌當初係受猶太教迫害而死, 唔關羅馬政府事
耶穌既門徒傳道既初期, 外人都將佢地歸類為猶太教既分支
不過傳到去安提阿城, 有好多唔係猶太人既外國人都信左耶穌, 稱耶穌為基督, 自此就出現左 基督徒 呢個名號
羅馬好似係某個皇帝做左單野(放火燒城)屈落基督徒度, 然後先開始打壓基督徒
羅馬後來立基督教呢個一神信仰為國教, 都可能係出自政治理由(鼓吹團結統一)

羅馬天主教(Catholic)既教義出自 聖經+教庭, 教皇可以每年update d新野落去.. 基督新教(Protestant)既教義出自 聖經only.. 最主要應該係由於呢樣野而引發出好多分歧.. 出現新教之前, 唔知點解聖經既"正本"唔係原文既希伯來文+希臘文版本, 而係拉丁文版本.. 一般百姓一來唔會有聖經, 二來唔識拉丁文, 所以係教會神職人員講乜佢地就信乜..

反對天主教既人可能話佢地腐爛, 無中生有創左一堆條例出黎.. 雖然唔排除呢個可能係事實, 但佢地似乎都有自己一套解讀聖經既方法, 解釋返佢地d野都係出自正統既基督教, eg, 佢地奉耶穌既門徒彼得為第一任教皇, 以此確立天主教教皇既位份.... 新教就鼓吹每一個信徒自己讀聖經, 自己解聖經, 唔好直接接受天主教教庭解出黎既野, 冇任何一個人, 或者任何一個團體可以話自己係解釋聖經既絕對權威...

raj72616a

Originally posted by research2005010 at 2005-10-10 12:44 AM:
key 兄 詳細我不多講了 原罪的問題我提了很多次 你係一定無原罪既 除非你係石頭爆出黎

原罪響聖經入面冇任何一段提過(唔好同我講《詩篇》, 獨立既一兩句詩句唔足以成為教義)

應該多數基督教教派都接受原罪呢個構念.. 但我個人黎講就覺得原唔原罪都冇乜所謂, 反正, 按基督教既教義, 人被造出黎既其中一個目的就係要拜神, 唔信神, 本身已經係一種罪..

raj72616a

Originally posted by DXneo at 2005-10-10 03:57 PM:
自己看看基督教所提供的証供多雜多亂,...

er... 似乎你唔熟羅馬歷史又唔識基督教史喎...

猶太教既有勢力人士冇權處死人, 所以向羅馬任命既總督施壓, 要佢處死耶穌

羅馬帝國宗教上本身好自由, 各地有各既信仰同習俗, 唔同領地都會拜好多唔同既神, 有d神廟仲有廟妓可以去嫖
基督教(當時未有catholic同protestant之分)被立為國教既時候絕對唔係主流
羅馬帝國"有可能"係想利用統一既宗教黎減少領土內既文化差異
佢雖然強逼全體國民改教, 但大家掛名改信基督教, 其他野就照舊...
所以基督教先逐步將異教習俗改做基督教既習俗(eg, 將太陽神既節日改做聖誕節, 將鬼節改做記念聖人既萬聖節, etc) 又定立各樣既教條黎分別邊d人真係信, 邊d唔係信...


btw, 唔係 "三為一體", 係"三位一體"
"三位一體"、"原罪"呢d所謂"外加"落去既教義屬於 "系統神學" 既部份, 即係未必係一段經文直接提出既教義, 而係歸納聖經當中相關經文後得出既結論
話 聖經only 就係呢個意思, 只可以用 聖經內容既做論證

天主教既話, 佢地外加左 教皇 同 聖人 講既野都可以引述做論證