tvben

C朗拿度既腳法我個人覺得其實都算係相當好既.....
當然如以整體表現與作用
同現時既朗拿甸奴相比....似乎有一繼相當的差距....
朗拿甸奴比C朗拿度強既地方...
我覺得最明顯既地方唔係腳法....

首先論經驗....朗拿甸奴已差不多出席過所有既大賽
加上在巴西個家隊從其他隊友身上取得既經驗
再加上現時係效力巴塞既經驗...以C朗拿度現時既年紀暫時無法相比

然後在足球整體意識上....現時既朗拿甸奴係完完全全達至世界一級水平
何時作個人突破....何時交波...何時才作個人表現....
已經到了無可挑剔既境界....
在這方面我覺得是C朗拿度與朗拿甸奴相差最遠既地方
交波意識依現時來講相當差勁.....選擇個人突破既時候亦多數過於勉強
假動作亦過於花巧....欠缺實際....

以技術而言...朗拿甸奴以達化境....差不多身體每寸地方都懂踢波一樣
C朗拿度既腳法亦算是上乘.....但火喉仍與朗拿甸奴相差甚遠....

再講與隊友間既合作.....在巴塞及巴西國家隊均合作無間....
簡接令隊友都發揮應有作用.....
致於C朗拿度則太過著重個人主意.....欠缺與隊友合作的精神

以上種種我都覺得係兩人之間既距離
但我覺得以現時兩人既身份及地位來相比實在有欠公平
朗拿甸奴已出席兩屆世界杯....更是上屆世界杯冠軍隊既主力成員
亦是上屆世界足球先生...及今屆歐洲足球先生得主
以出道短短數年既現時既C朗拿度與朗拿甸奴相比實在不太公平....

講到在隊中能帶起既作用...
以巴塞現時top fit既狀態.....來與現時內憂外患既曼聯相比....更是難以比較
當以我唔係話C朗拿度比朗拿甸奴出色.....
但我相信假以時日.....C朗拿度亦會係一個相當出色既球員...^_^

[ Last edited by tvben on 2005-11-30 at 08:26 PM ]