希望各位大大能以宗教本身为讨论，并不是教徒的行为

silverxing

最近个版有唔少针对教徒行为既post，其实有D唔健康。正所谓树大有枯枝，个个宗教都总有D乱来既所谓“信徒”，D邪教（撒旦教、激进分子等等）就唔使讲，就算天主教（神父侵犯儿童）、基督教（牧师支持同性恋）、佛教（中国佛寺主持伪造国家主席题字）、道教（道士叫人饮符水医病唔好睇医生）都有过黑暗一面，无神论者亦都有唔少衰人，靠人既行为来判断宗教好坏系唔work既。

silverxing

法轮功既问题，系个教主D神迹同来源全部都系假野，而且俾人查到，有证有据证明个教系厄人，所以系邪教。伊个系教派来源有问题，摆明老作。

silverxing

要講唔好既野﹐點解又只講教徒(無論佛教﹑天主教﹑基督教﹑回教)﹖普通人都大把
壞事﹐點解又唔講﹖我係E個版睇左咁耐﹐講教徒壞話就大把﹐講好話就見都未見過﹔
係教徒既網友(bengrace50﹑brightlee﹑justin_lun等)都只講宗教本身﹐而唔會去
攻擊其他宗教﹐反而係冇宗教信仰既人就不斷攻擊D教徒﹐又係乜道理﹖

silverxing

我就真係未見過有基督徒講過“人地唔信佢的根本無能力做好事”﹐你身邊係班咩野基督徒黎架﹖我話唔好用教徒既行為來判定個宗教既本質﹐就連係佛教徒既bengrace50都同意(第一個回覆)﹐究竟有乜唔妥﹖定係只針對基督徒﹖你好似好睇唔過基督徒D節目﹐咁你就去投訴嘛﹗要講基督徒壞話﹐一D都唔難﹔但係﹐又對唔對得住加爾各答D窮人同SARS病人先﹖德蘭修女同謝婉雯醫生用佢地條命話俾人知基督教係好野﹐信既人願意服侍人一生﹐只不過希望人地知道基督教既神係愛人既神﹔我地坐係電腦面前﹐乜都冇做過﹐用兩句說話就話基督徒唔係好人﹐埋沒哂人地一生既心血﹐真係對得住自己良心咩﹖