Kian76

捷克輸波lu，第一場波原來係虛火......今場波成全搶輸左俾加納，而今場波加納既攻門問題還末改善，但好就好在今場機會多的是，射成十幾廿腳波，想唔中一兩球都難，同埋今場佢地走向極端，上場波加納係咁射飛栩今場就故意壓低個波黎射，結果反而多射射中施治，睇左今場，我諗捷克都幾難出線.......對意大利好危......特別係分分鐘意大利出恩沙基呢個射手，走位及速度，更重要的是把握力強，係捷克較慢較大意既後防既最大剋星踢法，正如今場加納，証明原來活力係捷克後防最驚既野......

但話時話，加納個龍門反應好快，但同科特迪瓦個龍門一樣，弱點係絕對唔識守高波，但反應明顯比科特迪瓦門將快得多，基本上地波殺晒，上場波基拿甸奴和東尼都好慘，射唔過佢。哈哈！！

今場波加納中場鐵三角踢得非常好，艾辛、艾比亞、蒙達利三叉中場，非常厲害，艾比亞一直被批評防守力不足，但現在踢國家隊他是攻擊中場，他的進攻能力也很好呢，而艾辛也很生，傳、控技術控制得不錯，蒙達利在組織上較沉，但那一腳左腳射門也非常精彩(唯一夠疆射起個波，哈)，而他們有一個最大的特點：短跑手！！！三個中場既速度都好高，特別係艾比亞！！！他末踢波之前可以國家田徑隊的啊！！！

普波斯基是翼鋒，翼鋒與翼衛不同之處有一點是當球隊中場搶輸左，最大影響是翼鋒球員，他們沒有途徑拿到球去進攻，一些長傳，傳上去又唔係以翼鋒為目標，係以前鋒為目標，就算斬俾翼鋒，又唔一定接應倒，因為多數要背門控波，呢個時候身體對抗性多數較弱的翼鋒球員就更難有所作為，但翼衛則可以由後場開始搶斷後快速反擊，而且一般來說翼鋒球員是短跑手，翼衛多數是長跑好手，前者一般也難以在長距離下保持最高速，但後者則慣了，所以普波斯基今場波踢得沉其實真係情有可原呢！！！只要中場能搶斷多一點，普波斯基便會是一位很出色的進攻手。