Kian76

其實我一直有個想法，C.朗拿度速度不錯，但絕不是飛快的程度，盤球技術超強，但傳中技術差，眼界就不明(他的位置很難發揮)，以他的質素，改踢輔鋒會不會有好結果呢？？

把他放在龍門前，活用其衝頂能力，收埋佢既傳中弱點，盡量把他與龍門距離拉近，加強其重炮的把握力，可能有不錯的效果，但老實講，我一直擔心他會過份獨食、唔識配合，同埋佢既第一腳控球同細哨一樣比較弱，踢邊線他可以慢慢控定，但踢中路就冇咁多空間和時間俾佢地彈離腳......(球王細哨己經第一個站出來表明自己係翼鋒材料，踢中路係幾咁唔掂。)

Kian76

Originally posted by pc20001103b at 2006-12-3 12:49 AM:

其實佢算飛快架喇
唔輸於現時任何歐洲翼鋒
如果你用非洲球員就冇得比既...
馬田斯咁....邊個夠佢快呢?

我真係好難忘04歐國杯時，荷蘭既高古跑贏C.朗拿度追倒個波，而及後卻食晒費高塵，太難忘喇。

而今時今日既翼鋒，出名o個幾個講真冇邊個真係話特別飛快，美斯唔算好快，只係起動快，維辛迪速度平平，唔突出，朗拿甸奴又係起動第一步快，講真唔算太快，洛賓都一樣，杜夫仲快dd，文仙尼都差唔多，祖記既馬基安尼又係速度平平，以前既費高一直都唔算太快。

今時今日又要快，又要勁既，真係得祖昆一個，以前既傑斯、路達、肯尼基亞、以前既辛頓、以前既基維爾、、奧華馬斯、末傷之前既羅美度、末傷之前既比拿美、末傷之前既戴亞、仲有個胡禮菲臘斯係快，但謝左，艾朗連濃快，但經驗末夠，奧當高都好快，但又係實力不足，半場既干查都係好快既翼鋒，但老實講，實力高低，高速只係考慮既其中一環而己。