手田水

~愛~20  
~愛~

作者﹕Didi

<第二十回>

(軒仔, 阿輝同Toby o係一間茶餐廳食Lunch)

Toby﹕(飲左一啖汽水然後遞俾阿輝)飲la!

輝﹕(飲左一啖)好甜ar!

軒﹕你地真係.............

Toby﹕做咩o者??

輝﹕係喎, 你好似春風滿面咁喎! 搞過咩o黎ar?

軒﹕(面紅)..........你地唔會講俾人知ga可?

Toby+輝﹕絕對唔會! (之後軒仔就細細聲同佢地講)

Toby+輝﹕(大聲)o下~??

軒﹕殊!

輝﹕咁佢有咩反應ar?

軒﹕佢淨係話放學俾個答覆我..............

Toby﹕恭喜你喎!

軒﹕我都唔知人地受唔受!

輝﹕睇佢都受ga la! 睇你撞車果時佢有幾緊張你都知la! (軒仔聽到之後心裡面又有種甜絲絲ge
感覺)

Toby﹕Good luck la! (軒仔對住佢地笑一笑)

(o係教員室, Vivian坐o係度諗野)

Michelle﹕(走埋o黎)諗緊咩ar?

Vivian﹕.........冇野ar..............

Michelle﹕我知妳實係諗緊D野o格!

Vivian﹕............係咁ge..............有個男仔話好鍾意我..................

Michelle﹕咁妳鍾唔鍾意佢ar?

Vivian﹕佢細過我個喎!

Michelle﹕年齡唔係問題ar! 鍾意咪得lor! 咁妳就要問o下自己本身鍾唔鍾意佢喇!

Vivian﹕......我都唔知ar.........又好似係, 又好似唔係.....................

Michelle﹕喂! 果個邊個o黎ge o者?

Vivian﹕唔講俾妳知!

Michelle﹕車! 唔講就算, 我仲有大把野要做..........(返埋自己位)

Vivian﹕............唔通佢就係我果個命中注定同我相差五, 六年ge老公?

(放學後, Vivian叫左軒仔去花園)

軒﹕點ar?

Vivian﹕(面紅)...........點解你鍾意我?

軒﹕........其實我都唔知點解.............我淨係知我係鍾意妳..............

Vivian﹕你真係好鍾意我咩? (軒仔好怕醜咁點一點頭)

軒﹕咁..........妳呢?

Vivian﹕.....................

軒﹕一D feel都冇?

Vivian﹕唔係ar!

軒﹕咁即係有la?

Vivian﹕............我唔知ar!

軒﹕(沮喪)咁算la...................

Vivian﹕等陣!

軒﹕唔?

Vivian﹕(面紅)......或者.........我地可以試下..........一齊ge.................

軒﹕(驚喜)真ge??

Vivian﹕但係唔好話俾人知ar! 始終我地係師生關係...........(軒仔已經開心到攬實Vivian唔
放, Vivian都好似好開心)

(之後佢地手拖手o係街度行, 仲好開心添, 佢地行到轉角位ge時候, Vivian唔小心撞到個女仔)

女﹕Sorry ar...........(望o下Vivian)咦? 妳係..........Vivian?

Vivian﹕咦? 妳咪好似係...................

女﹕我係阿Wing ar!

Vivian﹕阿Wing! 好耐冇見喇! 進修成點ar?

Wing﹕ok la, 倫敦D風景真係好靚ga!

Vivian﹕係? 第時有機會要去睇下喇!

Wing﹕(望一望軒仔)咦? 唔聽見妳有個細佬ge? (軒仔呆左一呆)

Vivian﹕...........o下..............我地.................

Wing﹕(留意到佢地隻手).....Sorry ar! 我睇唔到.............(望一望軒仔)唔錯ya! 幾好
ar! 冇揀錯喎! 好喇! 唔阻你地喇! 記得call我ar!

Vivian﹕好la! Bye! (走左)

Vivian﹕(望住軒仔)軒仔? 你做咩ar?

軒﹕(唔開心)..........冇野ar..................

終於都有人講左問題所在...........問題係佢年紀同個樣都大過我...........同佢出街會令人覺得佢係拖住佢細佬行街..............唉.............我地o岩o岩先一齊咋..........點解咁快有人講左個問題出o黎ga? 咁我係咪應該同佢一齊呢?

~待續~

手田水

~愛~21  
~愛~

作者﹕Didi

<第二十一回>

(o係學校, 軒仔o係走廊見到Vivian)

軒﹕(衝埋去)Vivian~~~

Vivian﹕殊! (細聲)唔好咁大聲la!

軒﹕哦............

Vivian﹕做咩ar?

軒﹕掛住妳lor!

Vivian﹕(笑)冇見一陣就掛住我?

軒﹕係ar~(之後有個阿sir行過)

Vivian﹕(扮野)拿, 你再唔交功課我出warning letter ga喇!

軒﹕..........哦................(個阿sir已經走左)

Vivian﹕(鬆一口氣)好彩我反應快............(但軒仔好似有D唔開心)

Vivian﹕軒仔? 你做咩ar?

軒﹕唔? 冇野ar。(之後佢地望住對方, 軒仔突然想kiss埋去)

Vivian﹕(擋住軒仔)我講過D咩ar??

軒﹕呀! Sorry.........我忍唔住...............

Vivian﹕我地唔可以俾學校D人知ga! 不過我都知你地呢D男仔ga喇........猴琴到死~

軒﹕都係因為鍾意妳咋!

Vivian﹕算la! 放學見la! Bye! (佢地點都估唔到, 佢地做ge野已經俾班裡面ge一個八婆阿敏見
到晒! )

(之後軒仔返到班房, 有個女仔走埋o黎)

女1﹕(推左軒仔一下)你好野ar! 你又對我唔住!

軒﹕妳up乜ar??

女1﹕你唔好扮晒野ar!

軒﹕都唔知妳up乜! (之後又有個女仔走埋o黎)

女2﹕你係咪同Miss Yau拍緊拖!

軒﹕(慌張)......梗........梗係唔係la! 聽邊個講ga!

女2﹕你唔駛唔認喇! 阿敏乜都講晒俾我知la! 佢話係佢親眼睇到ga!

軒﹕佢擺明吹水la!

敏﹕(走埋o黎)喂! 你咪亂講ar! 我係八咋, 我唔會吹水ga!

女1﹕好衰ga你! 成日都對人唔住!

女2﹕喂! 妳講咩ar! 係都係對我唔住la!

女1﹕妳唔好亂講ar! 軒仔係我ga! (跟住阿輝走埋o黎拉走左軒仔)

女1﹕喂! 軒仔! 我地未講完ga!

輝﹕點解你地會俾人見到ga??

軒﹕我唔知ar............

輝﹕咁樣傳下傳下遲早全校都知個喎!

軒﹕(緊張)咁點算ar??

輝﹕但都冇計喎..............

軒﹕唉........點算ar..................

(第二日, 軒仔又o係走廊見到Vivian)

Vivian﹕喂! 點解會咁ga?

軒﹕咩.......咩ar?

Vivian﹕我地一齊ar! 而家傳得好勁ar!

軒﹕o下?? (佢地都唔知原來佢地企o係校長室隔離, 呢個時候度門打開左)

校長﹕可唔可以阻你地兩個少少時間?

(校長室內)

校長﹕即係呢......我唔係要棒打鴛鴦.........但你地要記住你地仲有老師同學生ge關係...........

軒﹕老師同學生關係又點ar??

Vivian﹕(細聲同軒仔講)軒仔你講野小心D............

校長﹕我諗你地都唔知, 你地係我地創校二十年o黎第二場師生戀, 果次佢地就係因為忍受唔住身邊ge人ge閒言閒語而一齊自殺, 仲見左報, 令本校聲譽唔多唔少都打左D折扣...........(羅左個折線圖出o黎)你地睇下, 由96年起, 我地ge收生率就每年都降低3%, 咁你地認為你地今次...........

Vivian﹕我地係唔會理人點講ga! 所以我地絕對唔會自殺, 更加唔會見報, 咁就唔會影響學校聲譽la!

校長﹕...........都好難講o下..............

軒﹕咁你而家咪即係棒打鴛鴦!

Vivian﹕(細聲)軒仔!

軒﹕咩o者! 我講事實之ma!

校長﹕都有兩個解決辦法ge.............

軒+Vivian﹕咩ar?

校長﹕(指住軒仔)一, 就係你退學。

軒﹕癡線.................

Vivian﹕(細聲)軒仔ar!

校長﹕(指住Vivian)二, 就係妳辭職。

Vivian﹕咩話? 我辭職??

校長﹕事業同愛情, 邊樣重要D?

Vivian﹕...................

校長﹕返去諗下la。希望妳諗得通, 因為妳都係一個人才。

(之後佢地出左去)

軒﹕點ar?

Vivian﹕.................

軒﹕妳唔係真係諗住辭職ar?

Vivian﹕唔知ar............

軒﹕妳唔好ar!

Vivian﹕俾我諗下先la! (打鐘)上堂喇, 你返課室先la。

軒﹕哦。(走左)

唉.........如果唔係我咁揚...........就唔會搞成咁..........我真係唔想Vivian為左我而棄佢ge理想ar! 點算呢...............嗯..............究竟我同佢一齊係咪拖累緊佢? 其實我地一開始就唔應該一齊? 梗係唔係la! 我鍾意佢佢又鍾意我, 點解唔可以一齊? 都係唔好諗咁多喇............而家淨係希望佢唔好為左我而辭職咋..............

~待續~

elvisfong2003

要偷偷摸摸咁真係好辛苦

手田水

~愛~22  
~愛~

作者﹕Didi

<第二十二回>

(放學後, 軒仔同Vivian一齊行, Vivian見到軒仔好似唔多開心)

Vivian﹕做咩ar?

軒﹕.............

Vivian﹕唔好咁la!

軒﹕但我真係唔想妳辭職..............

Vivian﹕但辭左職我地就可以無憂無慮...........

軒﹕但妳唔係好想做老師ge咩?

Vivian﹕.......我唔知ar...........(笑)講D野俾你知ya, 你身體裡面有一部份係我ge血o黎ga!

軒﹕o下??

Vivian﹕你撞車果時流左好多血, 我同你血型o岩咪輸血俾你lor, 不過淨係我D血梗係唔夠la, 好
彩仲搵多左幾個好心人輸血俾你咋! (軒仔變到好開心)

Vivian﹕(笑)做咩ar? 得少少係我ga咋喎!

軒﹕少少都係妳ge ya!

Vivian﹕開心返咪好lor!

太幸福喇! 我身體裡面竟然流緊Vivian ge血! 從來未試過咁幸福ga! 有愛果然係好幸福ga!

Vivian﹕唔好諗咁多喇! 而家要開心D!

軒﹕唔!

Vivian﹕(望住軒仔微笑)...............

(第二日, o係班房)

輝﹕唔好咁擔心la!

軒﹕但係.............

輝﹕Miss Yau呢D事業女性我諗唔會咁易辭職掛?

軒﹕唔知ar.......希望la............(突然, Toby好緊張咁衝入班房)

Toby﹕軒仔!

軒﹕做咩ar?

Toby﹕大件事ar! 我頭先o係走廊見到Miss Yau拎住封信ar! 好似行緊去校長室ar!

軒﹕o下?? (即刻衝出班房, 之後就見到Vivian)

軒﹕Vivian!!

Vivian﹕軒仔??

軒﹕唔好去ar!!

Vivian﹕.......我已經決定左。

軒﹕點解妳要咁做?

Vivian﹕因為我發覺你對我好重要!

軒﹕唔得ar!

Vivian﹕你唔好阻止我, 我決定左ge野就一定要做!

軒﹕唔一定要辭職ga!

Vivian﹕咁唔通你退學ar?

軒﹕(細聲)我地扮分手la............

Vivian﹕(細聲)扮分手?

軒﹕(細聲)o係學校扮有仇...............

Vivian﹕(細聲)係喎! 真係蠢ar! 點解諗唔到ge呢?

(校長室內)

校長﹕妳考慮成點?

Vivian﹕我係唔會辭職ga!

校長﹕咁妳諗住點?

Vivian﹕我已經同個衰人分左手喇!

校長﹕做得好.......唔係唔係........我ge意思即係話........妳決定左就得喇。

Vivian﹕如果冇咩事ge話, 我出返去喇。

(校長室門外, 軒仔同Vivian一齊give me5)

(突然又有個阿sir行過)

Vivian﹕(扮野推開軒仔)你走la! 你點講我都唔會同你o係返埋一齊ga喇!

軒﹕(扮野)妳估我又好希罕同妳一齊ar?

Sir﹕咦? 你地..............

Vivian﹕做咩o者? 未見過人分手ar?

Sir﹕我連你地拍拖都唔知喎.........(走左, 軒仔同Vivian就好尷尬咁望住對方)

(之後佢地就係咁樣捱過左一個禮拜, 有一日佢地約左o係cafe一齊飲野)

cafe老闆﹕Hello Vivian! 咦? 同妳細佬o黎飲野ar?

Vivian﹕唔係ar! 我地.........(舉起佢地拖住ge手)

cafe老闆﹕呀.......sorry ar..........隨便坐la!

軒﹕.................(佢地搵左個位坐低)

Vivian﹕(望住軒仔)你做咩ar? 又好似好唔開心咁..........同我一齊好唔開心咩?

軒﹕唔係ar..............

Vivian﹕咁你做咩ar?

軒﹕我淨係諗緊...............諗緊我地究竟係咪應該一齊...............

Vivian﹕o下?

~待續~

手田水

~愛~23  
~愛~

作者﹕Didi

<第二十三回>

Vivian﹕軒仔? 你講咩ar??

軒﹕Vivian..........妳同我一齊係咪好辛苦?

Vivian﹕咩ar? 點會ar?

軒﹕你同我一齊成日俾人當係姊弟, o係學校又要偷偷摸摸, 之前就要扮冇野, 而家又要扮分手,

仲差D因為我連份工都冇埋..........同我一齊唔係幾好ar可?

Vivian﹕你點解會咁講ga? 同你一齊不知幾開心ar!

軒﹕但係.......同我一齊, 妳就冇幸福............

Vivian﹕你而家做咩o者? 你好唔想同我一齊咩??

軒﹕唔係ar................

Vivian﹕唔想咪直接講lor! 最多咪一拍兩散lor!

軒﹕唔係ar, Vivian, 我唔係咁ge意思..........但妳同我一齊.......真係會冇幸
福.............

Vivian﹕你唔好o係度自相矛盾la! 你咁咪即係想分手!

軒﹕唔係ar.............

Vivian﹕你知唔知ar, 我已經認定左你做我未來老公ga喇!

軒﹕但係.......冇幸福個喎.........值得咩?

Vivian﹕(激動)係, 同你一齊的確係好辛苦, 但我發覺我真係愛上左你, 只要同你一齊, 幾辛苦都會變到好開心, 但係你.......你而家竟然同我講D咁ge野!

軒﹕唔係ar..............

Vivian﹕當初係邊個話要同我一齊ga? 點解而家又反悔ar? 我唔係玩具ar! 你唔可以拎上手玩兩
玩發覺唔好玩就掉返低ga!

軒﹕唔係ar, Vivian.........我係為妳好咋..........我真係驚會拖累你.............

Vivian﹕你係驚拖累我定拖累你自己ar?

軒﹕唔係ar.............

Vivian﹕估唔到你都係呢種男人, 專玩女人ge cheap精! 垃圾!

軒﹕(拍檯)喂! 好lor喎! 我好聲好氣同妳講, 點解妳係都要搵交嗌?

Vivian﹕而家係你搵交嗌咋!

軒﹕我只係唔想妳辛苦咋!

Vivian﹕根本係你自己自卑, 你覺得你自己俾唔到幸福我, 咁你可以努力D ge o者? 點解係都要分手ar?

軒﹕分手分手, 下下都講分手, 而家係妳想分手咋掛??

Vivian﹕你講咩ar!

軒﹕如果妳要走妳即管走, 妳咁好條件, 大把男人爭住要la! 駛乜癡埋o黎我呢D垃圾度ar? 妳咁想走妳走la, 同邊個男人一齊都好, 上埋床我都唔介意ga! (Vivian聽到之就好嬲咁摑左軒仔一巴, 然後眼泛淚光咁走左出間cafe)

呢一刻我真係嬲到唔知自己講緊乜...........咦? 唔係喎! 我諗緊乜ar? 鍾意佢果個唔係我咩? 我點可以咁易俾佢走ga? Vivian!

軒﹕Vivian! (追左出去)

(軒仔追左出去, 但已經搵唔到Vivian)

唉.........我究竟諗乜ga? 如果可以ge話我真係想收返我頭先講過ge野! 唉..........Vivian.........你o係邊ar.........我點都係唔捨得放妳走ar!

(原來Vivian o係燈柱後面偷睇)

Vivian﹕..................

(第二日, o係學校, Maths堂ge時候, 有個阿sir入左班房)

同學A﹕咦? Miss Yau呢?

Sir﹕Miss Yau佢.......已經向學校辭左職, 而家暫時由我o黎同你地上Maths堂。(軒仔聽到之後
好驚訝)

Vivian辭左職? 究竟發生左咩事? 唔通係因為我? 究竟佢去左邊?

(放學後)

Toby﹕軒仔!

軒﹕做咩ar?

Toby﹕(俾左封信佢)頭先Miss Chan搵我, 叫我放學之後俾你, 話係Miss Yau俾你個喎。

軒﹕Vivian俾我ge? (即刻拆開封信o黎睇)

輝﹕點ar? 寫咩ga?

軒﹕唔好嘈! 俾我睇埋先!

「軒仔﹕

當你收到這封信的時候, 我可能已不在香港了。請原諒我不辭而別, 我已決定到英國進修, 即

使別人怎樣勸阻我, 我還是決定要去。你還記得我說過, 『我決定了的事便一定要做』嗎? 就像

我倆的感情一樣, 當初我決定跟你開始, 我便跟你開始；決定跟你結束, 我便跟你結束。雖然我

們只維持了一個禮拜, 但我總算看清楚你這個人﹕自卑, 沒信心, 只會亂發脾氣, 但卻可愛。我

明白你是為我好, 但不懂變通這個缺點, 即使多可愛也補償不了。我做事一向乾脆, 我認為分開

一下會對大家好一點, 所以我決定暫時離開你, 離開這個令人煩惱的地方。希望你在我離開的這

段時間裡, 可以找到一個比我更好的女孩子來代替我, 還有你要開心一點, 你要記住, 可以活在

這個世上是一件很幸福的事, 因為這個世界充滿著你要的愛。

Vivian上」

(軒仔睇完呢封信之後, 即刻衝出學校)

Toby﹕喂! 你去邊ar?

軒﹕仲駛講ge? 去機場ar!

輝﹕你而家去都冇用la! 佢可能已經走左喇!

軒﹕你都識講可能la! 即係話佢都可能未走la!

(飛機上)

Vivian﹕..................(望望隔離, 竟然見到軒仔坐o係佢隔離! )

Vivian﹕(驚訝)軒........軒仔?

男﹕o下? 妳叫邊個? (Vivian先發現原來係錯覺)

Vivian﹕(心諗)唔得! 我唔可以再掛住佢! 我應該再乾脆D!

(香港國際機場)

輝﹕我都話佢走左ga la! (軒仔淨係坐o係D凳度抖氣)

唉.......Vivian........點解妳要掉低我? 我已經決定同妳o係返埋一齊喇...........點解妳o係呢個時候又走左去? 妳好狠心ar!

~待續~

elvisfong2003

好感動wo

手田水

~愛~24  
~愛~

作者﹕Didi

<第二十四回>

Vivian走左之後, 我冇自暴自棄, 我有聽佢話, 變左個好開朗ge男仔。兩年後, 我同Toby, 阿輝佢地一齊入左同一間大學, 我地越o黎越fd, 佢地D感情都越o黎越好, 而我........就會繼續等, 我相信有一日一定會等到佢返o黎。

輝﹕o黎唔o黎o者?

Toby﹕咦! 好衰ga你! (兩個準備kiss)

軒﹕(突然彈出)喂喂喂........呢度學校o黎ga.........注意下你地D舉止la!

輝﹕車! 你果時咪又係o係學校同Miss Yau咁樣俾人見到!

軒﹕嘩~兩年前ge野你仲拎返o黎講~

Toby﹕係喎, 知唔知Miss Yau返左o黎未?

軒﹕.............唔知ar.........咁耐都冇佢消息............

輝﹕希望可以快D見返佢la!

軒﹕都放學喇, 仲留o係度做咩ar? 等聽日上堂ar?

Toby﹕咁我地走la! (三個人一齊走左出學校)

(o係學校門口, 有架車停左o係度, 之後Zigzag同佢女友Sabrina o係車度走左出o黎)

Zigzag﹕Hi! 兩年冇見喇!

軒﹕咦? 你咪係..............

Zigzag﹕我咪係Vivian以前個老公Zigzag lor!

軒﹕你o係度做咩?

Zigzag﹕o黎搵你lor!

軒﹕搵我? 但你點知我o係呢度讀ga?

Zigzag﹕好複雜ga, 一言難盡..........點都好la, 我今日o黎係有野送俾你。你一定會鍾意。

軒﹕(疑惑)係咩ar?

Zigzag﹕係Vivian ge消息。

軒﹕(好緊張咁捉住Zigzag)你知佢o係邊?

Zigzag﹕我梗係知la, 雖然我地離左婚, 但我地仲係朋友。

軒﹕咁你快D講我知佢o係邊la!

Zigzag﹕唔駛咁心急, 我帶你去一個地方先。(之後佢就車左佢地去醫院)

軒﹕你帶我o黎醫院做咩ar?

Zigzag﹕你唔係想見Vivian咩?

軒﹕(緊張)唔.......唔係Vivian發生左D咩事ya ma? (Zigzag笑而不答)

軒﹕你唔好掛住笑la! 快D講我知Vivian o係邊la!

Zigzag﹕你望下前面。(軒仔望住前面, 淨係見到有個護士, 但個護士一另轉頭, 軒仔就發現個護
士竟然係Vivian! )

軒﹕(驚訝)Vivian??

輝﹕點解會變左個護士ga?? (之後軒仔即刻走埋去)

軒﹕Vivian!!

Vivian﹕(驚訝)軒........軒仔??

軒﹕(攬住Vivian)終於都俾我見返妳............

Vivian﹕(推開軒仔)你唔好咁la! (見到Zigzag)

Vivian﹕係你帶佢o黎ga?

Zigzag﹕係ar!

Vivian﹕你帶佢o黎做咩ar??

Zigzag﹕佢想見你ya ma!

Vivian﹕但我唔想見佢ar!

軒﹕o下? Vivian......妳做咩ar?

Vivian﹕你唔好阻住我, 我仲要做野。(行開左)

軒﹕...................

(軒仔屋企)

軒媽﹕軒仔! 食飯喇! (軒仔淨係o係房裡面伏o係張檯度發呆)

點解Vivian會變成咁? 見返我唔開心不特止, 仲好似覺得好煩咁? 佢真係咁小器, 嬲足我兩年? 但而家最重要ge係.........點樣可以令佢返o黎我身邊................

(第二日放學後)

Toby﹕又要去醫院ar?

輝﹕睇怕之後去醫院ge次數會破紀錄..........

軒﹕你地兩個, 好唔想陪我咩? 好唔想見Vivian咩? 唔想可以返屋企ga!

輝+Toby﹕唔係............(佢地o係醫院搵左一陣, 終於搵到Vivian)

軒﹕Vivian!

Vivian﹕做咩ar? 又o黎阻住我做野ar?

軒﹕不如我地搵個時間約出o黎傾ya?

Vivian﹕........好ya, 咁今個禮拜六3點o係XXX cafe等。

軒﹕(笑)好la! 約定妳喇! 唔好放我飛機ar! Bye Bye!!

Vivian﹕(望住軒仔).................

(禮拜六3點, Vivian走左入XXX cafe)

軒﹕(揮手)Vivian! 呢度ar!

Vivian﹕你想講咩ar?

軒﹕...............

Vivian﹕約我出o黎又唔講野?

軒﹕(捉住Vivian隻手)呢兩年o黎我雖然都係食得安訓得樂, 但我始終都係忘記唔到妳。我真係好後悔我以前講過ge野, 妳真係對我好重要ga! 我冇講大話ga! 不如..........不如我地重新o黎過la!

Vivian﹕(縮手).........Sorry ar軒仔...........我唔可以再同你o係返埋一
齊.................

軒﹕o下? 點解ar??

Vivian﹕因為..........(呢個時候, 有個男人走左入o黎, 坐左o係Vivian隔離)

軒﹕(對住個男人)你係邊個?

~待續~

手田水

SORRY~我有到lee集咋..多謝各位多日來的支持.~


我會post令一個故事希望.大家會繼續支持.多謝多謝!

elvisfong2003

最可惜都係唔知個結局係點,唔難至可以一齊,如果係咁分開我覺得好可惜

手田水

可以自己諗個結局..自由發揮.