信用跟感情,邊一樣重要?

sakura310

先說一下,這不是我的切身問題
也不是我身邊的人的問題
只是我知道有過這樣的問題
如果要說,大概是身邊的身邊的身邊的人的事吧
(唔知大家有無遇到OR見到OR聽到類似GE事呢?真係如有雷同,實屬巧合~~)

(好似講故仔咁)
從前,兩女一男,佢地都係好朋友(青梅竹馬?!),哥兩個女仔都好鐘意個男仔wor,但個男仔係一直都唔知的,而兩個女仔都知道對方鐘意個男仔,我地暫且叫哥兩個女仔做L同K

咁有一次,L問K,佢係咪鐘意個男仔,K話係,L話佢都係
L就話,為免大家日後傷感情,我地都唔可以向個男仔表白
當時K應承左,大家都希望可以做到個男仔GE亞妹

之後無幾耐,L要去外國,因為佢當時認為佢以後都唔會再返黎搵個男仔,所以就係走之前寫左封告白信俾個男仔,當個男仔知道個女仔走,就勁傷心,但身邊都仲有K呢個青梅竹馬係度,如是者過左幾年,個男仔同K GE關係越黎越好,但都只係亞哥同亞妹哥種,而K亦好樂意去維持呢種關係

就在某一日,L突然間返左黎
之後三人的關係開始有D改變,個男仔同L GE關係變得唔止係好,直頭係親密
而同K,就依然好似兄妹咁
之後,個男仔仲同L拍拖
K當然係大受打擊,仲在個男仔同L面前發好大脾氣,而個男仔哥時先知道原來兩個女仔都係鐘意佢的
但K諗到,大家咁多年感情,佢好想大家仲好似以前咁
可以開開心心咁一齊,佢亦開始接受L同個男仔一齊
之後佢同個男仔道歉,希望大家仲可以維持之前GE好關係
在交談間,從個男仔口中得知,原來L係走哥時,同佢表白左(哥封信)(個男仔當初係唔知佢地個約定的)
聽到之後,K好嬲咁走左去
出門口時,咁0岩先就見到L黎搵個男仔...
最後,而L知道件事,就返左屋企(唔知K有無返屋企=.=)


件事暫時就係知得咁多

==============================================

有人話,感情唔可以勉強GA MA,鐘意人,好想同佢一齊呢D想法,唔係自己控制(L無做錯)
有人話,同人地講好左唔表白,但最後向人表白的卻是自己,無口齒,唔守信用(L做錯)

大家點睇呢件事?
如果當日L無同個男仔表白,可能L今日就唔會同個男仔一齊
而L同K之間GE約定,會唔會係有D荒謬呢?
LOR自己GE感情黎做約定,這樣的約定又是否成立?!

在戀愛路上,雖然未必會發上以上所講GE事
但...信用同感情之間,應該哪個重要?
如果當時GE情況你係L(如果係男仔,就試將自己當係女仔咁諗啦 )
你會點做?繼續同個男仔一齊?退出俾機會K?一話有其他決定?

rexpliskin

.............

specificness

先謝謝開POST。我個人覺得，這是兩個截然不同的問題，不可混為一談。首先，我會話其實兩個女孩在一開始已經做錯了。「約定不向男子表白」本身是一個極不成熟的「約定」，它有很重的內在不穩定性，因為一有感情牽涉在內，所有「涉案人」在心底深處都會有很強烈的欲望去「解決問題」，那絕不是能隨便用一個「約定」去壓止的。這個「約」，其實只是兩個女孩未能找到好方法解決，而選擇逃避的方式。一如所料，最後有人不能「守約」——這「失約」本身是很難去責怪的（雖然她真的失約了），因為那份約本身有很嚴重的不足。如果她們當時夠成熟的話，一個比較可行的約應該是：讓男子知道，但將選擇的權利給予男子，而不論最後結果如何，也約定要祝福對方，不可損害了雙方友誼。這才是一個可以解決問題、持之以久而又能達到她們目的的「約定」。可惜當時做錯了。

約本身有問題，不等如可以合理化「失約」的行為：L失約，當然不對。不論約本身有多大問題，我們在簽約前應考慮清楚，有問題的約就不要立；一旦立了，我們就要守。所以L無論如何都是理虧的，不論男子愛不愛她，不論是不是因為這樣他們才可以在一起。至於K呢，在指責L的同時，亦希望她能理解約的不合理性，給予L失約的一點點同情。現在情況複雜了好多，因為有許多變數，而男子亦跟L拍上拖了；三個人已經很難再像從前一般。不過，他們還是應該要找辦法解決。三口六面，L在男子和K面前為自己的失約向K道歉，這是必要的第一步。我們不能即時要求男子現在「再揀過」，因為他已經揀了，這種事情不是可以隨便「揀過」的（極端的情況，可能男子要求跟L分手……除這以外，他也沒甚麼可做；歸根究底，他是「無辜」的——除了死蠢，有兩個女仔鍾意左自己咁耐都唔知……）。能不能原諒L，真要看K 的量度了。不過，K只應就失約一事指責L，能不能原諒L都應基於她能不能原諒一個失約的人，而不能指責L跟男仔一齊這件事上。就事論事，如果K深明這個「約定」的荒謬性，那L雖然理上有虧，但也是情有可原的，況且這個荒謬的約定，K自己也有份成立，她也有一些責任。如果他能夠如此「看得開」，那二人仍有機會做返朋友。就算做唔返朋友，件事最起碼也算解決、或有解決的希望。

當然，事實上，不是所有人都能那麼看得透、看得開。

fderek

感情比較重要吧...沒感情只有信用的人...你不可能跟她/他走得長久~

whatsgoingon

感情is more important........

cazykiller

其實我覺得果時L跟本冇諗過自己會番來,所以佢先表白,
佢自己應該認為就算佢表白左都唔會再有機會同個男仔一齊,
所以都唔可以怪曬L ge

davidchan701

有感情, 沒信用  - 只會擔心對方騙你

沒感情, 有信用  - 好難長遠相處

所以男女朋友關係上兩樣同重要,

[ Last edited by davidchan701 on 2007-3-1 at 12:30 PM ]