前貪曾御廚再貪吊：鹹蛋都要人送，有咁耐風流 有咁耐折墮
 
【東方日報專訊】「貪曾」前特首曾蔭權爵士被裁定公職人員行為失當罪成，最快今日判刑。早於東方報業集團獨家踢爆他連串貪腐醜聞前，在曾蔭權出任財政司司長時的官邸大廚于燕平，已率先披露了他的貪心本性。于燕平接受本報專訪時憶述，當年每周至少數次有人送禮物到官邸，「連皮蛋、鹹蛋呢啲都送，諗到嘅都有」。他又指曾蔭權不僅貪小便宜，為人亦非常小器，當年他超時工作卻無補水，最終要對簿公堂才能討回應得款項。談及貪曾可能會成為階下囚，他慨嘆：「有咁耐風流，有咁耐折墮，做人唔應該咁貪心！」
現年六十二歲的于師傅，於一九九九年至二○○○年間擔任曾蔭權的財政司司長官邸廚師，雖然相處時間不長，但他坦言對方貪小便宜的性格早已見微知著，一切由「食」說起。他透露，當年身為官邸廚師，每當有人送食物來都必經他手，「除咗冬蟲夏草、鮑魚、龍蝦同燕窩呢啲（貴價食材），連肉餅、糉、皮蛋、鹹蛋同生果呢啲都送，諗到嘅都有。」
每周獲贈食品 來源成禁忌
于師傅曾詢問官邸其他員工，食品由哪間公司送來，即被指摘「你唔識規矩嘅咩？可以問嘅咩？」令他確信每周三至五次送來的食品，全是不可告人的禮物。
于師傅○○年被曾蔭權提前一年解約，○一年入稟勞資審裁處追討超時工作欠薪，最終獲賠四萬多元。提及十多年前的勞資糾紛，他今日仍見激動：「當初合同寫每星期做四十四小時，但實際就要廿四小時stand by（候命），唔畀走喎，你話（曾蔭權）小器唔小器？」
不歡而散 疑阻大廚開菜館
他更加指出，在離職政府之後曾嘗試開設私房菜館，亦疑因為貪曾懷恨在心而多番阻撓，當年一度非常憎恨對方。但是他後來覺得「憎一個人好辛苦」，才慢慢將事件放下。
對於曾蔭權面臨鋃鐺入獄，于師傅指聞判初時感到頗愕然，繼而心情複雜：「有啲同情同可憐佢囉，七十幾歲人先嚟坐監，訟費又過千萬，長俸又可能要嘔埋出嚟，一下子失去咁多嘢，都好淒涼。」奉勸他保重身體。不過，他又笑言「睇唔起」貪曾，「幾十億就話啫，為少少錢毀名聲，我廚房佬咋，畀我都唔要啦！何況佢人工咁高，咁嘅小便宜都貪。」他認為曾蔭權雖然並非做了「大壞事」，但仍罪有應得：「每個人都必須為所作所為承擔後果，有咁耐風流，有咁耐折墮，做人唔應該咁貪心。」 |
發表於 2017-2-20 09:26 AM
| 
