慳皮午間婚宴，可以節省兩成開支

港燦男

算死草     

經濟不明朗，愈來愈多新人為「慳皮」選擇舉行午間婚宴。今年為宜嫁娶的「雙春兼閏月」，惟晚間婚宴價格不菲，同樣菜式的午間婚宴，可以節省約兩成開支，成為不少新人的「寵兒」。有婚宴業界表示，午間婚宴數目，近年每年有兩成增長。本報記者亦於街頭向三十對準新人做問卷調查，逾五成受訪者指婚宴酒席為籌備婚禮中最高消費的項目，當中逾半考慮舉行午間婚宴，寧願留多些金錢去度蜜月。有經濟學者認為午間婚宴盛行，是一個警號，反映在本港經濟不明朗下，市民的婚宴可慳則慳。
五成受訪準新人考慮
「結婚擺酒，一生人一次，我同女朋友當然想搞得風風光光，但近年本港經濟不明朗，所以我哋都考慮緊中午擺酒，慳得一蚊得一蚊。」將於明年三月與女友「拉埋天窗」的Wince表示，兩人已儲蓄近二十萬元做結婚「籌備基金」，「最初想喺晚間擺酒，花費約十幾萬，如果改喺中午擺酒，同樣菜式，會慳一至兩成，『基金』仲有幾萬蚊剩，用嚟度蜜月。」
午間婚宴日盛，本報記者日前在街頭隨機訪問三十對準新人，了解他們結婚擺酒的預算開支，八成受訪者預算花費十萬元至二十萬元，逾五成受訪者指婚宴擺酒是最高消費項目，佔預算五至八成，當中一半受訪者指，因晚間酒席費用昂貴，可能會選擇舉行午間婚宴。
「午間婚宴數目愈來愈多，估計喺過去三年，舉行午間婚宴嘅新人，每年都有兩成增長。」婚禮顧問歐惠芳表示，「午間擺酒同晚間擺酒，最大分別係佔用場地時間多寡。晚間擺酒要大約六個鐘頭，午間擺酒只需要大約四個鐘頭，同樣嘅菜式及圍數，價錢可相差近兩成。其實，唔只酒席平啲，化妝及攝影開支，都會因為中午關係，收費亦平啲。」
換妝次數減 變相節省
「午間酒席時間比晚間短，酒樓亦唔需要請咁多替工，人工成本低咗，價格自然可以平啲。」現代管理（飲食）專業協會會長胡珠補充，酒樓業界近三年有關婚宴酒席，近三成在午間舉行。
除婚禮顧問服務及酒樓業界外，婚禮攝影師Raymond Chow指，近年午間婚宴拍攝工作，上升近一成，「晚間婚宴收費大約一萬蚊，午間婚宴因為時間短啲，只做半日，收七至八千元左右。」婚禮化妝師JoJo So亦表示，近年午間婚宴的新娘化妝工作，增加約三成，「晚間擺酒嘅新娘，至少要換三、四個妝，收費大約一萬蚊，而午間擺酒嘅新娘，只需要換一、兩個妝，所以收費可以減到七千元左右。」
學者：社會發展響警號
「經濟不明朗，市民慳住荷包，連人生大事都慳得就慳。」浸會大學經濟系副教授巫伯雄認為，午間婚宴盛行，反映本港經濟持續不明朗，市民連婚宴都要「慳皮」，如果這種心態持續，恐影響他們的生育計劃，會對社會長遠發展構成負面影響，「呢個係一個警號，政府應盡快推行改善民生措施，例如增加就業及公屋供應。」

港燦男

慳家王

Grandfather

細個麥記攪生日會
大個仔係埋麥紀擺埋婚宴就正呀


都係美帝照顧港人最週到牙

港燦男

細個麥記攪生日會
大個仔係埋麥紀擺埋婚宴就正呀


都係美帝照顧港人最週到牙
Grandfather 發表於 2017-2-20 12:54 PM

生於麥記，死於麥記

sarmsan

可能好趕時間喎

sarmsan

細個麥記攪生日會
大個仔係埋麥紀擺埋婚宴就正呀


都係美帝照顧港人最週到牙
Grandfather 發表於 2017-2-20 12:54 PM

其實有無幾多人會麥記搞

自拍男

其實有無幾多人會麥記搞
sarmsan 發表於 2017-3-20 09:43 PM

一定有

t6t

慳皮

電騙男

慳皮
t6t 發表於 2017-3-21 12:26 PM

精打細算