shehboy

Originally posted by Legendrick at 2007-9-22 11:19 PM:
點解費sir可以喪囉牌..  但係佢只不過...

點解費sir可以喪囉牌..  但係佢只不過係用d青年球員加埋d唔出名既球員..

   係囉, 用埋啲好似雲佬, 雲達沙, 華朗, 史譚, 里奧, 軒斯呢d咁唔出名既青年球員, 都可以咁好成績.

同埋三冠王果陣佢用黑白雙煞用到出神入化...  

   摩帥帶波圖果陣啲球員都用到出神入化, 你睇得少啫.

如果摩帥唔用d貴球員我真係唔知佢做唔做得到什麼所謂既三年主場不敗

   咁俾啲貴球員佢費sir又可唔可以三年主場不敗 ?


成日話費sir以前點點點, 咁摩連奴當年贏歐聯同歐協盃, 又何嘗唔係用班土砲同年青球員 ?

amigofans

side氣啦, 根本年代都唔同...

就算球迷也一樣, 你地睇波果時可以就係睇摩連奴,
正如小弟細個果時都覺得老費勁過哥洛夫....

講果d咩三年主場不敗, 曼聯做唔到,
呢d side氣啦, (曼聯都有好多年主場不敗記錄, 尤其係歐聯)

如果要數呢d去講邊個領導勁d既, 根本多餘...

我都可以問, 曼聯攞過三冠, 10年英超冠軍....
摩連奴邊樣做得到?

我就開始覺得呢度d朋友有d痴痴地, 有人話過雲加有咩咁巴閉,
又覺得佢屎過摩連奴, 原因係雲加未贏過歐冠....真係吹脹...

我唔會神化某一兩位, 我只係覺得英超四大教頭都係一級一領隊,
無咩高低之分, 只不過費格信已經係花甲老翁, 雲加年齡亦唔細...
摩連奴同賓帥係後起之秀, 可唔可以超越雲加同費格信既成就咁解o者...

最後一提大家討論到, 咩用年青球員唔用錢既問題....
老費不嬲都係用錢, 佢次次買人都破紀錄, 可能大家唔記得咁解...
摩連奴既波圖, 係葡超黎講亦係用錢最多...
雲加所謂買年青球員, 其實近年都係千千萬聲咁買...
所以根本個個好領隊都會用好多錢....唔好同人講玩青訓

[ Last edited by amigofans on 2007-9-23 at 12:23 PM ]

自由神

Originally posted by shehboy at 2007-9-23 03:13 AM:


點解費sir可以喪囉牌..  但係佢只...

唔好咁啦有邊個曼聯球迷係會記得廢Sir既負面野嫁！
Cech、Drogba、卡華奴、費拉拿、essien等等
未加入車仔之前根本唔係貴價球星，全部都係歐洲二線聯賽既球員

係！費Sir三冠王係勁，不過講黎講去講左二十年咪又係一次三冠王咁大把囉

波圖年代？係嫁！一年足協同一年歐聯
果年開季之前成隊最大名氣果個叫“麥卡菲”
成隊D人都無咩人識，咩話？迪高？卡華奴？邊位呀？（一D都唔貴）
16強對曼聯，咪淨係用“麥卡菲”二個入波收起廢Sir把口
誰高誰低？當年一早已有定案啦！

好多野都唔使同人嘈嫁！
唔好睇成績呀！睇管理呀！
一個領隊教到D主力一個一個係咁話走
一個領隊教到班主力一個一個喊住唔想領隊走
誰高誰低？咪一早有左定案囉！

amigofans

Originally posted by 自由神 at 2007-9-23 12:25 PM:

唔好咁啦有邊個曼聯球迷係會記得...

係架, 我實撐架, 我united架ma...

不過要擺上枱同人講就要小心d, 唔係....

杜奧巴, 艾辛都係二線球星? 哈哈? 二線兩個加埋買左6000萬,
咁車仔就真係羊古...

其實杜奧巴係超新星, 人家去車仔前一季, 已經係法國足球先生..
好多大會印吼到佢實一實, 如果唔係點值2600萬?

艾辛果年係歐聯既mvp黎架, 車仔唔出手, 好多大會都會買...

仲有卡華奴, 費拉拿....人家係葡超班霸既波圖主力球員..
情形有如曼聯既碧咸, 舒靈咸, 只不過因為香港無咩人識咁解...
即係碧咸, 可能都攞歐冠之前, 好多歐洲人都未識佢....
唔通咁就係二線? 碧咸估個世界舞台上, 幾時有二線過....

仲有原來高低係用一兩場波黎分既, 咁修夫基, 維拉公園, 列卡特,
仲有賓尼迪斯, 都高過摩連奴.....

我從來無話老費會好過摩連奴, 但我唔明點解你d友仔係要話摩連奴勁d...
根本大家咁高咁大.....仲要用d咁"無水平"既例子, 真係吹脹....

杜奧巴, 艾辛係二線球員, 我都係第一次聽....如果咁樣係成立既....
你下次可以同人講, 祖記買施丹, 巴塞買細哨, 佢地都只係二線... 哈哈哈

Edgar_Davids

Originally posted by filter-052fans at 23-9-2007 12:21:
side氣啦, 根本年代都唔同...

眞正以青訓聞名的英倫球会只有米堡及修咸頓......

阿仙奴正確來說是爭奪別家青訓產品.....
由巴塞的法比加斯以至瓜達拉哈拉的卡路士韋拿...
他們都很年輕, 但皆是阿仙奴收購而非青訓得來的.....



我亦不会, 也無意思神化摩帥......
但的而旦確, 摩帥這三季的成績無疑要比費格遜初登錄英倫的頭三季(86-89) 要來得好....
無論你說是雲尼亞里前人種樹又好, 是艾巴莫域千金打造亦好....
摩帥首季英超的最長不失球紀錄, 聯賽主場三季不敗紀錄, 也是英超前無古人的.....

可惜我不会這樣以二者來比較, 因為二者的類型完全不同.....
正如賓帥較擅長盃賽, 郭甫、大 Sam 擅於使球隊主場龍作客蟲之勢一樣.....
摩帥屬於只求勝利, 且短期能把球隊打造成強隊, 而費爵則屬於漂亮足球, 具遠見且需默默耕耘才得收穫的領隊.....

故以二者作比較實在不合理......



PS: 記憶中摩帥帶領車仔三季以來單場最多只能淨勝對手五球......
     但費爵七個一皮只屬等閒事, 那又是否代表......

自由神

Originally posted by filter-052fans at 2007-9-23 12:40 PM:


係架, 我實撐架, 我united架ma...

嘩！你咪推我去火堆呀！我論事不論人嫁！
你藍字同紅字果幾句，你要睇清楚我個post先好咁講呀！
你好似誤會左我意思喎

仲有呀！我既post只係對應quote果個post嫁咋！
唔好轉個圈黎話我講果D係笑話先得嫁

p.s.我唔係車迷

Edgar_Davids

Originally posted by 自由神 at 23-9-2007 13:14:

嘩！你咪推我去火堆呀！我論事不論

言詞鋒利, 見解獨到, E.D. +1......

amigofans

Originally posted by 自由神 at 2007-9-23 01:14 PM:

嘩！你咪推我去火堆呀！我論事不論...

又唔好咁講, 推你去火堆, 你咪跳番出黎再推番我lor...

唔洗咁nervious既, 一早講過大魚開d post 有磁場...

我無同你認真, 也無同你講笑..

係一個臭屁入面一齊放臭屁, 唔洗咁認真!

自由神

Originally posted by filter-052fans at 2007-9-23 01:42 PM:


又唔好咁講, 推你去火堆, 你咪跳...

算啦！我而家無啦啦有分加

shehboy

我正係想講呢點, 要比唔係無得比, 但比領隊功力, 用贏過幾多錦標, 主場幾多不敗, 用幾多錢買人, 根本唔適當, 咁只係將啲野量化黎比較.

有時一個好領隊, 可能只係執著一個爛攤子, 力挽狂瀾幫球隊護級成功, 無贏過錦標, 無主場不敗, 無錢買人...   

何況, 一支球隊的成績, 領隊未必係最主要因素.

摩帥近年教過三間球會, 有大有細, 有本土有國外, 但費sir長年只教一會, 而且係世界最大球會之一, 好難用量化比較.

兩個都係成功領隊, 但style不同, 際遇不同.