無奈男孩

swc2007

最近識左個女仔,無論性格,樣貌都非常符合我既要求,
我知如果我地識落去既話,我地會有發展既可能.
但此時我知道,原來佢已經有個男朋友,
而且聽聞都維持左好耐架.起初我都好唔開心,
但眼見佢可以咁長情,我真係愈來愈仲意佢呀!!
我唔想破壞人地,但我自己又可以點呀?
我真係唔知可以做咩~!!! 有種可愛不可有既感覺~好酸...

-仔仔仔-

默默咁祝福個女仔永遠幸福快樂啦
你都唔想因為你搞到佢唔開心嫁嗎,係唔係?
再過多一排,你就會發現原本鍾意一個人,唔一定要擁有佢
只要佢過得開心,你都會覺得開心
如果你堅持唔放棄既,你就只有等

衰貓

Originally posted by swc2007 at 2007-12-24 15:55:
最近識左個女仔,無論性格,樣貌都非常...

由你知道人地有男朋友呢一刻開始，根本就無需再諗落去，因為你現在既角式只係一個旁觀者，再者，現階段並唔係話你想叉隻腳落去就可以，女方根本就無話過對你有好感，只是你自己一廂情願話對方適合你，所以，你甚麼都唔需要做，亦唔好做，因為你再咁亂諗嘢落去，唔單止係自尋煩惱，而且會帶給女方無謂既麻煩，自己亦好易會變成妄想症‧‧‧‧‧
成熟啲，思想唔好咁單方面，喜歡一個人，會希望對方得到幸褔與快樂，並非要佔有，睇你都仲係好細唧，使乜憂將來無女朋友？！破壞人地既幸褔，自己都要承受代價及後果，一切隨遇而安啦‧‧‧‧‧

swc2007

Originally posted by 衰貓 at 2007-12-24 04:06 PM:




由你知道人地有男朋友呢一刻...

多謝你地既提醒!!無錯,我都覺得我知道諗得太多
但有陣時我唔係咁理佢既時候,佢又會主動理下我
我都想shop,維持係friendship,但我驚我自己情不自禁呀~

yeung hiu he

樓主, 這個世界上可能有更多合適的女仔,
現家只不過才一個, 何必為左這一何而放棄千千萬萬個女仔呢?
有時D 野不要太過執著, 人地當你係FD, 你不如少諗D 野同人做FD重好,
可能做朋友重好過做情侶呀!

-仔仔仔-

佢搵你唔緊要
你反而應該開心
因佢當你係朋友
但係你要識控制自己
過火既野就唔好做
你亦唔需要刻意避開個女仔
keep住咁落去,你地可以變好朋友
可能遲d你仲會諗返,鍾意佢係好搞笑既一件事
如果到左呢個時候既話
我恭喜你!!!!!
因為你已經能夠放開左喇

swc2007

各位兄弟,真係好多謝你地,好多謝你地既安慰同支持
你地既建議,的確令我諗通左好多!!!
明白到我可以以唔同角度,唔同方法去面對
但係,我又有一問題勞煩大家:
點解見到眼前最好既時候,唔去努力爭取呢?
起碼唔會拎到自己後悔麻~
唉~我知我自己思想唔成熟,我知愛一個人,
唔等於要擁有佢,但係,唔知呀...
佢下年又可能會去外國讀書...
嗯...我相信維持現狀係最好既,但...我有d不甘
大家講下你會點樣呀!!!罵我又好,點都好啦,我會欣然接受架!!!
多謝大家!!!

[ Last edited by swc2007 on 2007-12-24 at 04:53 PM ]

-仔仔仔-

Originally posted by swc2007 at 2007-12-24 04:52 PM:
點解見到眼前最好既時候,唔去努力爭取呢?...

從你問呢d咁既問題
我睇得出你根本仲未諗得通
我地點打擊你都唔會死心
咁樣我同你講咩都無用!!!
時間會決定一切

swc2007

Originally posted by -仔仔仔- at 2007-12-24 05:26 PM:

從你問呢d咁既問題
我睇得出你根本仲未諗得通
我地點打擊你都唔會死心
咁樣我同你講咩都無用!!!
時間會決定一切

sorry呀!!我唔係咁既意思
只不過曾經有人咁樣同我講過...
我而家知咁既睇法都係唔對既!

oz2

Originally posted by swc2007 at 2007-12-24 04:52 PM:
各位兄弟,真係好多謝你地,好多謝你地...

你好!我不如說說本人的經歷給你知,看看幫唔幫到你:

我在中一讀書時期也喜歡了一個同班的女同學,但她其實已有男友(這男友也是我同學+好朋友),我知道她已有男友後,不敢說我愛她,所以他們一起時我盡量回避。這回避過程足足5年了,這其間本人是十分痛苦的。
到了中5,本人覺得回避不是辦法,所以約他們一起談談,再在她男友面前其實暗戀了她5年了,我初時以為他們用很怒氣,但我說完後他們大笑起來,男友說明白為何這5年時常回避他們了,而女同學也微笑地說多謝我喜歡她,但她說只愛我男友。之後他們更說我這5年真是傻,及說即使知道了他們也會繼續做朋友。
我與他們談完後,我反而把這5年的痛苦都放下了,及十分開心地繼續和他們做朋友,之後他們結了婚,生了一個BB,我做了這BB的契爺。

所以遇上感情問題時,不要刻意回避,時間會令到你放下的。也不要介意對方如何想你,因為你跟本不知對方想什麼。更不要刻意隱藏,有時坦白可以令自己及對方都舒服開心,及不要介意結果。