[自己經歷] 睇樓

cloud222

最近因為股市同樓市都升緊, 租樓同供樓其實都差不多. 所以有想買樓既想法.

有一日, 同左我個女友, agent, 3 個人一齊睇樓, 大慨係7-8點pm(放工時間)....大大話話都睇左10間8間....
去到有一間...未入去就有一個好好人既婆婆開門, 間屋都好整齊, 好有Ikea feel...
但行入小小, 到大廳, 就見到有張大頭相...應該係佢老公....伯百樣, 有帶眼鏡, 張大頭好新, 唔係黑白, 有color...見到之後我就覺得應該係岩岩過身...

首先同大家講講, 我係由細到大都見到野, 我呀媽都知...之但係我見到又唔會知佢係唔係真係果D野....因為我見到既野係同普通人無分別...有手有腳...所以我由細到大見到人都會微笑...因為都唔知係定唔係...禮多人(鬼)都不怪呀.....

講返間屋...望完張相之後...我女友就一路望緊個廳一路同個agent傾計, 我就入左主人房望下...
間房冇開燈但廳有開加上間房好開暘所以都望得清楚...

我一入去, 就望到張床...床邊近牆個罅位, 個罅位坐左個人...我不意為意啦....望多一陣...係個男人黎, 著住白色低杉, 當我唔sure係唔係見到野時...我都會望一陣...make sure下...就咁望左5分鐘....發現個男人冇郁過...唔明點解個男人唔郁, 更加唔明點解咁耐都冇人入黎開橙....知後我又想返起張相....同個男人一樣樣, 就只係冇帶眼鏡!

我意識到見到野之後就出返廳同女友講要走....佢仲起到歡天喜地咁話未睇廚房同沖涼房....我同佢講: "我見都污髒野..."
佢就二話不說咁走左去道門到....

落到樓下..個agent先同我個話個婆婆既老公岩岩過身....所以想賣樓搬去同D仔女住..........


有幾會下次再同大家分享下其他experience.....