極樂

我覺得:
首先唔好理個男人會點諗, 但係責任上要俾佢知道bb既存在....到時bb爸爸用乜態度去面對, 就交俾bb爸爸決定. 但係bb媽媽唔好抱任何期望同假設!!

仲有, 假如bb爸爸想爭返個bb, 佢得手既機會極微, 除非你bb媽媽既病程好嚴重!!所以呢樣野唔使擔心~~

至於養一個bb, 係開頭買野(奶樽果d....)係用多D錢, 以後平均每個月應該要千零蚊 (假設BB無病無痛)

仲有, 岩岩生完BB, 情緒上係好易波動架~~所以就算"正正常常大好家庭", 媽咪都好易有抑鬱, 呢個時候真係要搵人陪佢, 同佢傾下計~~
(呢樣野你絶對可以幫到佢)


祝BB&媽媽健健康康~~開開心心!!!

自由神

Originally posted by 極樂 at 2007-7-4 09:40 PM:
我覺得:
首先唔好理個男人會點諗, 但...

極樂姐！
我要睇相

24062

Originally posted by specificness at 2007-7-4 09:16 AM:


同意！無論結果如何，那個都是小...

我代朋友多謝大家關心, 但佢真的唔想話佢知.
因離婚她自已非常遲才知有左, 但佢前夫同個女人根本
唔會信佢講野, 佢最怕咁, 攞嚟賤, 佢雖然要付出好辛
苦, 但朋友們都會幫佢. 本來佢找個前夫, 但最後都不敢
講, 開不了聲. 怎做. 佢話會將bb送往到另一個肯為她
養bb的澳洲朋友處, 因她身體未能應付, 待醫好再接回.
會否好衰呢. 咁走左去不知不覺可不可呢?

specificness

Originally posted by 24062 at 2007-7-5 01:47 AM:



我代朋友多謝大家關心, 但佢真的唔想話佢知.
因離婚她自已非常遲才知有左, 但佢前夫同個女人根本
唔會信佢講野, 佢最怕咁, 攞嚟賤, 佢雖然要付出好辛
苦, 但朋友們都會幫佢. 本來佢找個前夫, 但最後都不敢
講, 開不了聲. 怎做. 佢話會將bb送往到另一個肯為她
養bb的澳洲朋友處, 因她身體未能應付, 待醫好再接回.
會否好衰呢. 咁走左去不知不覺可不可呢?...

睇見真係心蹹。但我想說，逃避是一個更好的辦法嗎？現在逃避，那甚麼時候才能面對自己、面對孩子？我看重的是bb媽媽將來的心靈健康，而不是bb爸爸的相信與否。他相信與否其實基本上是無關的；bb媽媽本來就對他沒有期望。但重要是如我上面所說，如何去面對孩子。告訴孩子他有一個壞爸爸，那當然不是很好，但卻是無可奈何，而起碼孩子知道真相；告訴孩子他沒有爸爸，則媽媽一生都背著這個謊話！

假設bb爸爸不信，那又如何？我已經盡了自己責任了，信不信由你！我覺得媽媽應該勇敢點面對這事，這才能令自己有勇氣去勇敢地面對自己的人生。不想的話，不必約他出來見面，甚至不必打電話給他，就給他一個電郵，告知他這一個事實，告訴他：你相不相信對我們不重要的，我只覺得你有權知道。如果你想做些甚麼去對孩子負一些責任，你可以找我，若果你不相信，又或不認為有甚麼需要做，那只要不回覆就成了！

重要的是媽媽的心態。只要媽媽真的是沒有期望的話，則bb爸爸若真的無反應，那也不成問題。

最後，將bb送走，媽媽捨得嗎？失去和bb最小時、最需要媽媽的共處時光，捨得嗎？當然，如果是身體健康問題又當別論，但我個人以為，母子分離是最後最後、最不想看見的一著。

作為朋友，多點陪陪bb媽媽、開解一下她啦。祝一切順利！

trista_cheong

Originally posted by 24062 at 2007-7-5 01:47 AM:



我代朋友多謝大家關心, 但佢真...

我要講聲抱歉.... 抱歉一在我依家先處理你呢個帖﹐二在你朋友遇到呢個人生交叉點﹐遇到呢個難以抉擇ge 情況……… 但係基於呢個問題一d都唔細﹐而ef 各會員相對而言較為幼嫩﹐閱歷未豐﹐所以未必有太多中肯﹑成熟ge意見俾到你……但呢度有好多熱心真誠ge 會員願意分憂﹐所以你都冇問錯地方咖！

back to the topic﹐我諗呢個情況重點係在於你朋友ge baby ！父母關係畸形﹐或係父母心理失衡﹐在於bb ge 心智成長係一個好大ge 問題﹐其實你朋友依家個情況咁﹐已經間接令bb 偏向未來心智成長較易悲觀﹐因為胎教已經唔夠﹐你朋友陀佢o個時佢諗d 咩唔要bb ge負面o野係會長留bb ge 潛意識入面… 而佢呢段期間如果當佢係波咁掟黎掟去﹐嬰兒係一個有靈魂ge生命﹐點可以話澳洲朋友願意養佢就交俾朋友養呢...? 我相信無論你朋友定係佢ge bb都係互相需要對方…… 而佢講唔講返俾bb ge 父親知﹐我諗主要係有冇盡到父母對bb ge 責任問題﹐次要先係呢個baba 有冇權知道佢有個仔出左世﹐如果呢個爸爸聽到都無動於衷﹐學specificness 話齋﹐咁無期望無失望.... 但係何不用較間接委婉ge 方法俾佢知﹐令佢明白佢係有責任同義務共同撫養呢？

你朋友唔敢話俾前夫知﹐由得佢俾前夫同"賤女人"h烚﹐我相信你同埋佢身邊ge 朋友一定睇唔過眼咖！


你朋友ge 處境我諗我同其他會員都未必可以以同理心代入﹑理解同明白﹐畢竟真係一家唔知一家事﹐只有你會較了解你朋友ge 情況…… 不過我唯一知ge 就係身為佢ge 好朋友﹐我相信你可以陪佢多d ﹐幫佢多d ﹐睇住佢多d ﹐咁對佢ge 情況唔多唔少都有幫助咖～～～

[ Last edited by trista_cheong on 2007-7-7 at 02:04 AM ]

specificness

Originally posted by trista_cheong at 2007-7-7 02:02 AM:




.... 何不用較間接委婉ge 方法俾佢知﹐令佢明白佢係有責任同義務共同撫養呢？...

恕我直言，現在的情況是比較複雜。關鍵是事主之前一直將此事隱瞞，bb爸爸在全不知情的情況下突然要接受同前妻有左一個仔的事實（別忘了，不是僅僅有左，而是已經出左世！），並且立即要接受去共同撫養的責任與義務，實在不是每個人都做得到。我當然並不否定bb爸爸立即接受的可能，也認同版主，認為bb爸爸是有這個責任與義務的，但要他立即就反應的機會真是比較微，而bb媽媽也應有一個心理準備他至少不能即時接受（這也是無可厚非）；而且，恕我再直言，因為媽媽從沒給爸爸任何消息，如果爸爸真的一時不能相信，這也是難怪的。只想說明，媽媽可以恨爸爸，但不要因為他第一下不能接受/相信就增加怨恨，因為媽媽在這事上事實是有責任！

我認為最初bb媽媽沒有把事情開誠佈公，是做錯了。當然，現在我們不是在追究責任，我們只想就事實的發展尋找最好的解決辦法。個人以為，最好的方法莫過於驗dna。請你告訴bb媽媽不要為此而受打擊，覺得對方（或我們）以為她欺騙bb爸爸。這只是最有效、最有力和最方便的解決辦法（咁當然，如bb爸爸全沒懷疑就最好）。

其他，完全同意版主的意見！

[ Last edited by specificness on 2007-7-7 at 12:06 PM ]

trista_cheong

Originally posted by specificness at 2007-7-7 11:40 AM:


恕我直言，現在的情況是比較複雜...

specificness 講得好﹐而且考慮周詳﹐我諗我都冇再補充或說明ge o野﹐我覺得要去考慮ge o野﹐大概已經考慮晒﹐唯有睇o下24062同佢ge 朋友點去做呢個抉擇啦。

[ Last edited by trista_cheong on 2007-7-7 at 04:41 PM ]

極樂

Originally posted by 自由神 at 2007-7-4 10:24 PM:

極樂姐！
我要睇相

仲未生丫~~
等多一個月就出世啦!!
到時一定post上黎~~

極樂

Originally posted by 24062 at 2007-7-5 01:47 AM:



我代朋友多謝大家關心, 但佢真...

我唔讚成交個bb俾澳洲既朋友囉,
好似我咁.....我有諗過交bb俾媽咪睇,
但係佢住元朗, 我住九龍......要我一星期見bb一次, 我都唔制啦!!
bb去左澳洲, 要幾耐先可以見佢丫?
bb媽咪身體已經唔好, 到時又要牽腸掛肚....咪令到佢身體仲差!!
到時既抑鬱症仲嚴重~~!!

我岩岩去左d托嬰所睇過, 以你朋友既情況應該有資助,
最貴應該係2千3蚊左右全包(視乎資助資格, 原價$43xx),
可以睇住bb 8:00-6:00....
咁你朋友都可以返工做野~~

如果連做野都做唔到, 搵政府幫手啦!!!
而且佢仲有你地呢班朋友~~
所以要照顧一個bb唔係問題~!!

至於個bb爸爸, 我真係想講句: 理鬼佢啦~~
bb爸爸唔負責任咪由佢囉!!! bb有個錫佢既媽媽已經好夠~~
唔好諗住無左爸爸一定唔得!!

你朋友有左幾多個月丫?
願主保祐我同佢個bb都精靈健康!!!!

自由神

Originally posted by 極樂 at 2007-7-7 05:03 PM:


仲未生丫~~
等多一個月就出世啦!!
到時一定post上黎~~

人地想睇你靚個樣之ma
邊個話想睇你個仔仔喎！