我ge一d睇法

sakura310

http://hk.news.yahoo.com/070211/12/21m4t.html

唔知大家對婚前性行為點睇
我個人真係好唔接受(我不是基督徒)
如果我以下所講ge野唔0岩聽,或者有咩講錯,請見諒,我並無意針對任何人的,純粹不吐不快
(以下的"你"字是代詞,無特定人物)

我覺得而家"人類"越黎越放縱,想做咩就做咩,咁同畜獸有咩分別?
我唔講性服務者哥d啦,淨講情侶哥d
我真係唔知佢地點諗,成日都話咩野初嚐禁果
其實拍拖其實係咪真係要同另一半做下?
係ge話我即刻收聲,可能係我唔留意,但我以前真係好少聽到話未婚媽媽哥d
近年就成日聽到同見到(冒犯了,真的很對不起)
我覺得呢種風氣真係唔好
更多人話只要同對方相愛,同居但唔結婚都無所謂
這到底是甚麼鬼話?!
如果無結婚呢回事,我地個社會會變成點?好似d動物咁?鐘意同邊個做就同邊個做?!
你問佢地,點解唔結婚,多數都話唔想俾對方用婚姻呢樣束縛住,自由d
咁即係點?你諗住有足一日你會離開你伴侶?
到底你係咪真係愛你ge另一半?連作個結婚ge承諾都唔得?到底你有幾愛佢????

兩個人拍拖,其實有咩保障呢?我可以話係無,拍拖之ma,一日未結婚,兩個人ge有權選擇同其他人再拍過拖(最起碼法律唔會保障呢d野)
我聽過有人話,佢諗住將佢ge第一次係拍拖時俾左佢ge另一半
諗住咁樣另一半就會對佢好d,之後結果呢?人地0趙完鬆
無人講過做完之後兩個人就要係埋一齊
有d人,都未真係肯定對方係咪佢一生一世ge伴侶就隨便同人發生關係
之後呢~俾人拋棄左之後只會比普通失戀更傷心
其實唔止男仔,我諗好多女仔都好重視自己ge第一次,可能俾男仔更加介意
既然係咁,點解d人可以咁隨便將佢ge第一次俾左一個未知係咪肯定會同自己一生一世ge人?

你要捉我字蚤話d人可能會離婚,其實我覺得離婚真係一件好唔正常ge事
我唔排除有d係好似d有錢人家咁配婚之後,之後婚後生活唔開心所以要離婚
係結婚前,係有時間俾大家去了解對方係咪適合自己
其實而家ge離婚率係越黎越高,點解d人可以咁唔重視婚姻?(當然,人可能會變而導致婚變)
結婚除左係因為真係愛對方,作為愛的誓言之外,佢仲附加左一個責任係裡面
呢個責任就係要去維持相方呢段關係,特別係有左小孩子ge家庭,呢個責任就更加重要
我唔係話結婚就係因呢責任的關係,請勿誤會
結婚同時亦代表住你將你餘下ge一生,寄託係另一個人身上,而呢個人就係你ge伴侶
你ge伴侶會接受你ge一切,同你分享一切ge野,包括你ge第一次
如果係遇到自己真正ge另一半之前,自己ge第一次已經無左,即使你唔介意,但你有無顧及另一半ge感受?有無尊重過佢?
如果呢個人真係值得你愛,而佢又真係愛你,至死不渝哥種,你ge第一次佢值得享有
如果佢只係同你拍緊拖,佢憑咩擁有你ge第一次?

做人開放還開放,有d野係要堅持
唔係話認同以前ge事就代表古版,守舊
多人認同婚前性行為唔代表佢就係0岩
天圓地方的說法,當時夠多人唔認同啦,最後還不是証實是對的

要是對我以上所說的有甚麼不滿,請見諒,今天吹水吹到呢度,實在有點亂,越諗越亂,唉~~

lywv5

我個人真係好唔接受(我不是基督徒)
i think the thing in bracket is the only reason to support the first

物__

可以咁講,任何事任何人都有唔同看法
加上時代變左,of coz唔可以搵呢個做excuse
但事實上,時代變左真係令呢個behaviour 一直 更 普遍

要轉變現在到而家呢個風氣,都唔係一日間的事
而家就覺得都係要睇番對couple 點諗
最重要係雙方都係willing(but一定要做安全措施)

另問一句樓主,
如果對couple二個都對的話
又做足安全措施,你都係覺得好大問題???

Teletubbies123

If the affair is based on sexual intercourse, it is too pity I think!