|
- 帖子
- 1573
- 精華
- 0
- 威望
- 1654
- 魅力
- 6
- 讚好
- 0
|
1#
發表於 2006-11-12 01:19 PM
| 只看該作者
[2006-11-12每日精選]我以前的傻事 XD (+12分)
第一次寫自己d野ja,寫得唔好就見諒啦><(題目唔好ge話,麻煩美人幫我改改佢,唔該哂 )
有點長(係好長>< ),抱歉啦><
話說係我讀高一哥時(hk應該叫中四)
班上黎左兩個新(女)生,話哂係新生,當然受大家歡迎
我主要都係講其一個ga je~,亦係本篇的主角
因為佢為人隨和,所以佢都好易同大家打成一片(但唔靚...)
而哥時佢同我個老友好好傾,同我就唔係好熟
原來哥時我自己係係度吃醋(這是我到後期先知),我自己都唔知,不過見到就有種不爽ge感覺
再加上哥時我已經對我班有個女仔一見鐘意,所以哥時都無理到自己對哥個女仔ge感覺
係度吹下水 XD
我一見鐘情哥個女仔,我真係覺得佢好靚,笑起上黎好甜,個人就細細粒
你叫我用一樣野黎形容佢,我會話佢好似天使一樣咁靚,我發夢都會夢見佢(自我陶醉中 )
佢係我第一個想表白ge女仔,不過哥時幼稚得很
初初識佢時,佢已經知我有鐘意ge人
而哥時,佢曾經講過佢同A係好朋友(當然係我問佢啦,仲係故意咁問 )
幾個月後,佢係msn度又問我到底我鐘意邊個
我就話「我鐘意左A ge好朋友」(A同佢係好朋友,而且A係我同佢之間ge夾心人,A知我鐘意佢的)
看~這樣我第一次所謂msn的表白,真係白痴到爆><我都唔想再打出黎
邊有人咁白痴ga 係咪抵打
後來,我從A哥度得知,A話
有日(表白完幾日)佢同A講:亞邊個(我)同我講,佢話佢鐘意左你(A)個好朋友,咁我同你又係好朋友wor,咁咪...
跟住佢就係度大笑,自此之後,我同佢就越黎越少野講,跟住到而家都無聯絡
其實我諗主要係哥時我真係仲好幼稚啦,而佢又好成熟(雖然細細粒),加上大家價值觀又唔同
簡單d講,溝通唔到,好快無左下文...
跟住我又同班中另一個女仔熟,跟住又係有好感(<==我真係好易對人有好感)
根住我又好白痴咁同人表白(己經係半年後ge事)
"汲取"左上次ge教訓,係msn度我決定直接告白(依然係咁白痴=.=)
換來的,當然是直接的拒絕
唔知大家信唔信分手亦是朋友,更何況我都未拍拖=.=
哥時,佢就坐我格離,自從我第二次"白痴表白"後,我地又變得無野講
之後佢就去左外國讀書,唔知係咪我好彩啦,我地都有一年msn度無講過野
自從有次佢無啦啦hi我,我地一傾返計,我地又好似變返朋友咁,早排我屋企有事
佢仲開解我,給我支持,哥時我真係感動到爆,不過叫我去再追佢,我諗無可能lor
因為無左戀愛哥種feel,而家有ge係朋友ge feel,差好遠ga ma
係啦,講返正題
我同哥個女仔主要熟係問佢lor左msn之後啦
跟住大家都幾fd,哥時真係都仲係fd,但識耐左,我對就佢有d好感啦(係好感ja)
自己都同自己講,單純係好感je~~而且我知佢有拍緊拖,所以我都係咩都無做
msn哥時不時都會不其然咁對佢口花花
佢係唯一一個女仔我會對佢口花花lor(又或者應該話我識女仔少啦><,班中只有7個女生,40個男生 )
同我而家係度對美人d口花花梗係唔同啦 haha
如是者到左高二,大家都仲係好fd
哥時好似係10 or 11月左右,時間真係唔記得清楚
msn哥時,唔知講緊咩
我話:如果有人織頸巾俾我就好lor
佢話:咁我織俾你咪得lor~聖誕節啦~(大意係咁啦,d message係icq度,但鏟左機,無哂)
當時當然係好開心,滿心歡喜的等待聖誕節的來臨
無奈到聖誕節哥時,係咩都收唔到
咁哥時我亦都無講咩野,我又唔係佢邊個
亦都無理由厚面皮問人地lor頸巾,人地無織的話,只會令佢難落台
哥時我真係只對佢心軟
俾著第二個應承我ge緊要野(如報告)做唔到,我會鬧到狗血淋頭,普通事做唔到我會俾聲氣人地聽,當眾講佢唔0岩搞到人好無面= =(我是魔鬼嗎?...)
跟住無驚無險又到左高三
而我一直都有寫新聞台的習慣(只有我班男仔fd先可以睇)
就係11月哥時,我有個fd成日甩底,我就忍唔住寫左篇失信ge文章黎講出心中不滿
如是者,又到左聖誕節
24號哥日,個女仔同我講,校慶佢會返去幫手,叫我返睇下佢,幫襯下佢哥區
我返到去見到佢,佢第一時係佢個locker度lor左袋野俾我
「聖誕快樂呀~」我聽到呢句即時呆左係度
再睇下袋裡面有咩,係條大頸巾
回過神後,我問佢:你又會送頸巾俾我ge?
佢話:咁我守信用ga ma(佢話聖誕節je,無話係邊一年ma...)
之後仲講左句係我新聞台講失信哥哥篇裡面ge野
我到好後期先諗返起,佢可能係呢個時候已經知我個新聞台ge存在...
之後第二日我地就去畢業旅行,當然係全程用佢俾我哥條啦^^
不過其實我有兩條的,一條佢送,另一條就係我自己織的
哥時其實係諗住織俾佢的,我亦都聖誕之前趕工完成左,捱夜的啦><(<==看~我又做白痴野...呢個都解釋左點解我識織頸巾...)
但後來見織得唔好,應該話好差,同佢哥條比,差到無人有...
所以最後都係自用算=.=(好彩無送,唔係就笑大人個口...)
之後,大家都為選大學而準備,我聽到佢話返國內讀,真係有點傷心
但後來佢都係選擇留返係度讀,仲讀一間大學,同一個學院,只係唔同科咁解(開心死)
上左uni,時間鬆左,我班老友又同我同一間uni wor,咁星期六日,有時間大家就會約出黎吹水飲野
我例牌都會約埋佢出黎(我做負責約人的 XD)
有幾次都玩到好夜,佢又住得遠,本來我想送佢返屋企的
可惜有其他人同佢住哥頭,佢地送佢返屋企,佢亦都叫我唔好送佢(失望中...)
有時有d野可能做得太出面,我班fd都知我鐘意佢...
之後就話咁快到左情人節
就係情人節前幾天,我地約左係外國返黎ge fd出黎夜晚食飯
我班老友提早黎我家開賭檔打麻雀,之後夠鐘再出去食飯
我班fd竟然約埋佢黎我屋企>< 差唔多到步先通知我,害我立即要執屋...
當佢地黎到玩,其間我有個fd同個女仔講左d好曖昧ge說話,因為我係個疑心重的人,所以已經覺得有d唔對路,咁哥晚食飯都無咩事發生
第二日我偷偷的去個女仔個space度睇,佢無講詳細發生咩事
不過因為疑心重的關係,我覺得我老友已經向個女仔表左白
加上哥時我又搞緊去外國讀書d野,真係煩到爆
忍唔住係新聞台發脾氣係咁鬧(哥時我唔知佢會去我新聞台度睇的,因為佢一直無留言)
最後俾佢睇到(死得啦)
跟住因為我處理失當啦,搞到好大件事,後尾係我其他老友ge幫助下,知道係誤會一場
呢個事實我好後期先知的:
日哥我老友同個女仔ge曖昧對話,係因為佢地係之前哥晚通電話
我老友本來係想幫我向個女仔暗示我鐘意佢,點知俾個女仔問返我老友係咪鐘意佢之類ge野
詳情唔講啦,人地d野ma
到情人節當日,我好好采地收到佢俾我ge朱古力,佢仲專誠lor黎俾我(不過唔係拍拖哥隻啦=.=)
到最後我同我老友都無事,但同個女仔ge關係就差d
雖然表面大家出黎仲係有講有笑,但係有時都好似有少少面阻阻咁...(我係咁覺得)
自從我去左外國讀書後,我地ge關係又好以好左咁,早陣子佢問左我lor呢度ge地址
又唔講咩原因wor,估計佢可能係想寄野俾我掛
或許是聖誕節吧,不過我叫佢唔好寄,我同佢講12月我會轉地址
我轉咩地址我梗係唔話佢聽,因為我轉返我係澳門ge地址ma,到時俾個驚起佢
感覺我真係好好采lor,情人節哥時,真係搞到幾大件事下(聽說外國的朋友都知道,不要啊>< )
而家我同佢都仲係朋友
事後佢同我講,佢唔會鐘意我,我地只可以係朋友,聽到佢講呢句,我都唔知應唔應該開心=.=
終於打完篇垃圾文
大家睇到呢句,即係都辛苦咁睇哂我篇野 XD
我自知篇野作得唔好><
希望大家留個言俾少少鼓勵啦><
唔知大家有無d以前拍拖or追人哥時ge往事分享呢?又或者失戀ge經歷
希望大家發表下意見啦~~
[ Last edited by trista_cheong on 2006-11-12 at 03:32 PM ] |
|
)
發表於 2006-11-12 02:36 PM
| 
