[愛情診療室] 我失戀了.... [卡+]

星之男孩

尋晚,四月十五日

在沈默中,破出一句"我地都係做返朋友吧啦"

完完全全令到我個心粉碎

我真係真係好唔甘心....

因為我自問我同佢一齊咁耐

我都將自己做到最好,最起碼做盡了所有做人男朋友應做的所有事

我唔介意我為左佢用左幾多時間,金錢,精力

我只係真心希望同佢可以一生一世,組織一個幸福的家庭

雖然我同佢一齊左唔夠一個月,但係我真係真係咁惗

絕對唔係因為一時衝動先咁惗

但係,唔知點解,上個星期開始佢對我開始冷淡

我就算搵佢,佢都好似避我咁樣

直到尋晚,我覺得唔可以再係咁落去,決定要去問清楚佢發生咩事

見到佢之後,我完全唔敢問佢任何野,連聲都唔敢出

因為我好驚,驚我問完佢之後會失去佢

只可惜........原來佢已經唔鐘意我

要發生的事始終都係要發生......

呢件事,令我惗到一首歌,歌內有提到

"愛滿分竟是換來痛念滿分"

冇錯,我個心真係好痛!!

因為我仲係好愛佢,而且令我最最痛心的是

我用左一生中最大的力氣去愛佢

打算同佢一齊過埋下半生,卻換黎"死因不明,無聲無息"的分手...

唔甘心!!!!!居然連一個月都冇就散...

[ Last edited by Rika on 2006-4-17 at 02:22 AM ]

blazesbac

aiya.....y wui gum ga......u dou ng ho gum ng hoi sum la.....cheer up n find gor wui ho luv u gei gf in the future la...

casillas

我同你一樣....不過我同左佢兩個月.....個時我真係好傷心....我足足喊左2日...我失戀個星期一句說話都冇同人講....因為我淨係諗緊我自己係咪做錯事.....我對佢真心但係就換黎分手收場.....

fightutilldie

just one month~
being a man, be stronger

kaing

其實老實講句...你既心態係錯...
愛情並不是你們想的那麼單純...以為自己做到滿分就可以得到完美既愛情...
過你地既下半生...老實講這種想法係自私...也都是幼稚既想法...
當然有人好似就係咁過好似完美既人生...但係6合彩都無咁易中啦...
而且下半生重有好多問題將會出現...
點解我會說是自私...因為你無為自己著想也無為對方著想...
你應為既滿分...只是你應為...不是她應為...
而且老實講...一見鐘情...又好比6合彩,而且也未必有好結果...
係一個月既時間...講真...佢唔睇真d 你都要睇真d...
唔係做咩要拍拖...倒不如直接注刪吧啦...
拍拖只是睇大家岩唔岩對方...好明顯你一個月入面已經覺得有問題...
而且我覺得早分早著也是好事...免得你痛得更深...
從痛苦中會帶來希望...有失樂先有快樂...係一個相對既事實...
好好想想自己既將來吧啦...下次既戀愛要比今次做得更好...
明白嗎...我也是過來人...痛也是一定會有...不過唔好比自己再錯落去...
做男人要羅得起就放得低...女人ja...全世界咁多女人一定有好多個更適合你既...
愛情也是人生既一部份ja...還有好多你值得去做既野...
加油比心機...人生未死就有無限次機會...一次唔得ja...
下次再努力...每一日都是希望...

dg666

如果對方唔喜歡你.那你拍一個就分手不是更好嗎?你冷靜地想想吧.

我和前女友一起7年,之後她在7年後說唔再喜歡我,不關我的事,她說我對她好好,相信永遠都唔會有另一個人對她這麼好,但唔喜歡了就唔喜歡....

那麼你想用了你7年時間先說唔喜歡你,還是感情未深到像老婆時才和你講呢?
我明白你唔開心,但我實在唔想你好似我般,因為會永遠都忘不了七年一起的日子...

honeyfei

唔好學D戲咁自暴自棄...
唔好做D野出黎影響到其他人...
唔好要其他人擔心你...

我而家同條女成三個禮拜冇聯絡過..我自問對佢好好...
依D野雙方面既...自己有心姐..
人地唔一定同你有一樣既諗法..可能佢會覺得未玩夠.....

愛情..只係生命既一部份...
喊完..傷心完...就好變番平時咁..

朋友同屋企人都好緊要...
唔好因為愛情而忽略其他野..

kakeidevil

接受現實喇..!!!
任憑你如何唔甘心都冇法改變...

正所謂" 命裡有時終需有　命裡無時就莫強求"。
食幾多着幾多整定,任何事用平常心去面對,勉強無幸福!!! 隨緣吧 ...

是你的就是你的，不是你的求也求不到。
應該放下的就該放下，應該得到的自然會得到。

失戀係一種痛苦既感覺，但記住要時時都懷有希望，亦唔好忘記苦中作樂，嘗試去感受下呢種痛苦既感覺呀。佢會後我地日後既回憶，亦係我地成長既印記。

希望你快d開心番..

yankeelam

提起精神，分手不是世界末日，我都失過戀，我都喊過，過幾日就會好 d 。

我相信身邊還有很多朋友關心你，世界依舊美麗。

vv1668vv

其实我都被人飞，我都失恋，不过我一D都无难过。。

唔驶谂得太多。
塞翁失马。。。。（乐观一点）
不要灰心哦。。话唔定
仲有好多值得你去追。。仲有好多好女仔等紧你。。呢。。系咪？
努力！加油！哦