[愛情診療室] 好煩呀.......咁多位好心人俾啲意見我丫唔該........

ThomasKoon

早幾月之前﹐我識咗我阿爸舖頭一個女仔﹐起初都冇乜來往架﹐後期至有傾電話﹐尋日仲首次單獨約會添﹐我覺得同佢傾計真係好開心﹐就算好似尋日出街﹐雖然時間唔長﹐而且係去咗睇戲﹐講野真係唔算好多﹐不過都覺得個感覺好舒服﹐我都唔敢肯定對佢係咪有意思﹐可惜最大問題係﹐我自己係有女朋友﹐佢都知﹐佢同我講我唔可以有呢種感覺﹐更加唔可以對我女朋友唔住﹐佢仲話不如試下大家唔好搵對方一排﹐但係我又唔想咁﹐咁我可以點﹐大家覺得我係咪已經變咗心？如果係o既﹐係咪即係我已經做咗梁榮忠？

sun041623

你對你女友係咪真係冇ｆｄ先？？

rongol

一動不如一靜,你同女友有問題就可以搵第二個, 如果唔係, 就唔好攪喇, 你想搵第二個係為咩先, 新鮮感? 每一個女仔都有新鮮感! 搵一個更好既? 沒有一個人是最好既!!
所以, 如果唔係感情有問題, 就冇任何理由搵第二個喇!!

ThomasKoon

To:sun041623
比起以前真係淡咗好多囉.....而且佢成日都會無啦啦發我脾氣﹐真係好難頂.....

To:rongol
唔係算唔算新鮮感﹐不過我覺得同佢一齊o既感覺好舒服囉﹐至於我同我女朋友﹐之前都嗌過幾次大交﹐幾乎分手﹐不過幾次都係我認衰﹐所以冇事囉

衰貓

你根本就響度搵藉口俾自己‧‧‧‧‧‧

機密

Originally posted by ThomasKoon at 2006-2-2 00:04:
早幾月之前﹐我識咗我阿爸舖頭一個女仔﹐起初都冇乜來往架﹐後期至有傾電話﹐尋日仲首次單獨約會添﹐我覺得同佢傾計真係好開心﹐就算好似尋日出街﹐雖然時間唔長﹐而且係去咗睇戲﹐講野真係唔算好多﹐不過都覺得個感覺好舒服﹐我都唔敢肯定對佢係咪有意思﹐可惜最大問題係﹐我自己係有女朋友﹐佢都知﹐佢同我講我唔可以有呢種感覺﹐更加唔可以對我女朋友唔住﹐佢仲話不如試下大家唔好搵對方一排﹐但係我又唔想咁﹐咁我可以點﹐大家覺得我係咪已經變咗心？如果係o既﹐係咪即係我已經做咗梁榮忠？

首先可以肯定的事，你們雙方的確是有感覺，否則為何她須要『試下大家唔好搵對方一排』？ 如果只是你的問題，這就只是你的事，她大可不用理會你便可。 這是她的理智與感情的爭斗當中的情形。  同時，她的說話是默示你要處理好與女朋友的問題才可進一步。

而你自己亦根本就知道自己已經有問題、發生什麼事，你問大家只是想大家給你答案，而你就可將責任交出給其他人，好讓你自己有個空間及理由去處理你與現在的女友的問題，到最後如果你的決定是有違良心的話，你的心裡也好過一點。  這是對閣下的心理分析，我說得對嗎？

好，正式的問題來了。  以上的朋友的說話正是道理。你首先要弄清楚，你有此問題是因為自己與女朋友的問題，而不是因為有另一個人出現而令你想分開，即是說縱使無其他人出現你們也會分開；還是真正因為另一個人是你現在的所好，你想選擇一個更好的。  

這個問題非常重要，足以證明你的人格值多少。因為這可見閣下的人是有幾負責任。  所以你要非常冷靜反問自己，到底你是因為那一個問題而想轉換女朋友。你不能因為想轉換而被慾望壓過理智。  同時，我相信你亦知道，這個理由亦足以影響你能否如願與新的目標一起。  同時你亦要知，負責任不單對人，更要對自己。所以如果你對人、對自己也不說真話，這更不負責任。

所謂『今日的那個她，正是明日的我』。若果理由不合情理，相信理智聰明的她也該明白，不會胡亂與你走在一起的。

不過，當然你們都未婚，當然有權選擇更適合的伴侶。但應當處理得好些，不要弄成一團糟。

[ Last edited by 機密 on 2006-2-2 at 02:34 AM ]

艾榮

因為有新對象ge出現, 令到無論gf做咩你都係睇唔過眼, 可能佢以前不嬲都成日發你脾氣, 但你覺得佢發脾氣好可愛; 依家就算佢通幾晚頂織冷衫俾你你都會覺得佢煩 + 無聊.

因為咁ge緣故, 令到樓住你去思考究竟"係想搵個好d ge"定係"同女朋友之間有問題而導致對第二個有感覺"呢個問題ge時候會出現困難.

hung414

Originally posted by 衰貓 at 2006-2-2 02:07 AM:
你根本就響度搵藉口俾自己‧‧‧‧‧‧

yup....the is the key reason
the shop gal...just treat u as normal friend...maybe best friend in some day ...but not b/f

U should know this

hung414

Now in Cable TV (12) ...a japnese show "Ex B/F" very good topic to U