不願再守的秘密,點解唔連我都呃埋?

ian2910

係一切事情未發生之前,點解你要同我講話你原來已經註左冊?


點解要我唔好同任何人講,包括你份履歷都係寫single?


點解我見到你上司追緊你,我都仲要保守呢個秘密?

佢唔知你已經結左婚,所以追你,如果我從來都唔知道,結局會唔會又係一樣??

我仍然要守呢個秘密落去嗎?






如果你知我苦衷 何以沒一點感動
誰想到這樣凝望你 竟看不到認同
明知我心裡苦衷 仍放任我做好夢
難得你這個朋友 極陶醉 但痛

你笑我 為何沒答一句
像不開心 心裡在想誰
我說你 為何沒法猜對
未得到的 竟不算一對
從不相戀 怎麼可再追

[ Last edited by ian2910 on 2007-2-25 at 11:36 AM ]

specificness

你這個秘密都真係守得幾密喎，連我們都完全不知！當知道這點後，結論立即變成：
1. 你本來就不應一頭撞入這個死胡同中！既然你一早就知，你應該知道這是不會有結果的……有都不會是好結果；有好結果也會傷亡慘重！
2. 現在，我是你的話就要立即回頭！我根本找不到任何理由你要再「堅持」落去。
3. 現在問題根本不在你的掌握之中，你根本沒有甚麼可以做的。如果你要「堅持」落去，只有等待。等她將一切都搞清楚了，這才開始。你的任何行動都牽涉了作為別人婚姻的第三者，根本說不過去。當然，重申，我根本看不到你有任何需要「堅持」落去的理由及必要。
4. 友誼？友誼是雙方面的。如果她覺得跟你一起是不舒服的，那還有甚麼可說？況且，如果是真正的友誼的話，那是不必要常常痴在一起的。你姑且看看你們的是那一種罷。
5. 我是你的話就繼續幫她守秘密。這不牽涉你們的感情，甚至不牽涉你們的友情，而是你的信用。

對這個「秘密」非常意外。這推翻了許多我們先前的想法。

ian2910

Originally posted by specificness at 2007-2-25 12:01 PM:
你這個秘密都真係守得幾密喎，連我們...

正因知道自己的處境,先至覺得辛苦,就係仍然清醒,先至無行差踏錯

呢個消息,係我鐘意左佢而佢唔知,我地上司又未有行動ge時候發生ge!

所以當時我已經再無堅持乜野,字裡行間我都講過我祇係要求一份友誼而已,而我已經強調左好多次我唔願意做第三者,所以無任何行動,即使佢曾經試探過我!

祇係友誼呢一點度我有d搞唔清楚,我唔清楚佢何以要咁避忌,既然就算二人獨處都無事發生,我亦無任何明示或暗示,何以佢會咁介懷?

(我唔係話想係度幻想d乜野可能性,就算佢係因為對我有d乜野而咁避忌,我都唔會比任何回應佢,除非佢老公真係晚晚車佢幾廿巴,就另當別論!)

雖則佢老公真係好PK,但係我都無介入到喎!

至於我唔開心,係因為一個朋友為呢d野而對我疏遠左,重係一反常態個隻,咁任何人都會難過啦,祇不過我更加覺得hurt姐!

秘密我會繼續守,祇係唔清楚佢點解唔比得佢上司知但係又要話比我知姐!


呢個令我好困惑!


有人當頭棒喝,於我而然係好事...........

sakura310

有點一頭霧水=.=
在我回你上一文章時,我都唔知你又出左呢個topic

既然佢都註冊左(應該係同佢男朋友啦,該不會同你上司吧...)
咁佢係法律上已經係人地ge老婆
其他人再干涉,就好自然變成第三者了


我大概明白你為何之前都沒跟我們說,因為你想守住個秘密
你而家先講出黎,係因為你已經受左好多好大的壓力
算了吧~佢地註冊左已經係不變的事實
我諗你唔會要小師妹離婚之後同你一齊掛...
我諗你最多都係做師妹的"守護天使"吧
你上司唔知就由得佢啦,反正小師妹註冊左,應該唔可能同你上司一齊啦下

俾d時間自己冷靜下啦~
別那麼煩惱了~~

[ Last edited by sakura310 on 2007-2-25 at 12:37 PM ]

ian2910

Originally posted by sakura310 at 2007-2-25 12:35 PM:
你上司唔知就由得佢啦,反正小師妹註冊左,應該唔可能同你上司一齊啦下

唔知道!或者我師妹跟本就仲係選擇緊....不過我無太過問(我同佢祇能夠係朋友),祇係提醒佢要諗清諗楚自己做緊乜姐!!

ian2910

仲有一樣野,我諗佢肯同我講呢個秘密,或者佢已視我為朋友,我諗我應該覺得開心至係掛!

極樂

嘩~~~~~~~~~~
真係峰迴路轉.........
完全諗唔出個"結局"~~
就係小師妹已為人妻........

小師弟~~呢個結局已經係最好~~
你都可以切切底底咁死心啦!!

概然一心諗住做佢朋友,
其他野就唔好諗咁多啦.........

buengland

兄弟, 吾好再拖延啦

回頭啦, 當佢係普通朋友,

我完全明白你既心情, 但你要知道, 女人有啲值得人愛, 有啲係感情上卻係吾要得

你師妹已經註左册, 又吾話俾人知, 又姣你老細, 吾使問係想擺啲俾人追俾人鍚既感覺
有啲女仔好自私的, 我估佢可能又鍾意佢老公, 但又吾甘心因為一紙婚書令佢失去晒所有追求者, 所以叫你保守秘密, 其實佢吾想睇住佢自己因為結左婚無晒市場

佢咁對你上司, 我90%sure 係流的, 只係想自己俾人追, 鍚下, 甚至有啲咩關係......自己暗爽又吾駛負責.

兄弟, 算巴啦

佢對你態度轉, 係因為宜家佢蜜運中, 有你上司鍚佢, 佢宜家吾需要你啦, 第時佢悶既時候可能又會揾返你zip 場都吾定

所以你話你地有好既友情, 其實係你一廂情願, 佢當你契弟架咋

仲有吾好咁天真個女仔拍拖 / 結婚之後會同以前一樣 (即係好close好親蜜) 咁對你, 係吾會的

總括嚟講, 佢吾值得你愛佢咁多, 離場巴啦
金玉其外, 敗絮其中, 無論佢外表點靚都好, 內裡都係垃圾
你掛住啲垃圾嚟把鬼咩

Tough 啲, 人地當你契弟, 人地有第二春就當你流
咁你都吾可以咁俾弓屈膝, 成個人沉晒,
不如去愛一啲真正關心你既人把啦

我地全部都支持你

eagledogfox

Just tell the truth to every single man in yr company!
It will be a good thing to protect those single guy from being hurt or played by that bitch!

buengland

樓主, 真係越唸越登你吾底同不值佢所為

你俾佢既外表同一啲味力吸引左

但其實你心裡應該好明白, 佢係離晒大譜, 嚴格嚟講係有啲"姣師橙督"
佢呢啲人吾值得你愛, 口邊常常掛住你同佢係好蜜友, 開口師兄埋口師兄, 其實佢吾係真正需要你, 只係利用你的愛同關懷, 令佢覺得自己係萬千寵愛在一身

好似我咁, 我都幾高eq下, 明知個女仔係貪錢 / 周圍拋眉弄眼溝仔果啲

就算個樣真係靚到天仙咁, 或者有36D 我都會不為所動

吾知點解, 好自然的

希望你明白佢真正為人之後, 對佢既感覺可以盡快減少

然後重新揾一個值得你愛的人