Kian76

Originally posted by jordi at 2008-5-10 12:11 AM:
前車路士教頭莫連奴深受巴塞隆拿球迷...

去到國米將會變成第二位古柏

jordi

Originally posted by filter-052fans at 2008-5-9 17:00:


HEHE, 我估你真係唔識...

仲有, 肉酸佬格蘭帶車仔, 攞既分仲多過你果位大帝....

真係咁神? 我睇未必wor

朝偉兄 , 我諗你搞錯 ~
Mourinho 所帶既車仔
第一季 ( 04/05 )  , o羅左 95 分咁多 !
第二季 ( 05/06 )  , o羅左 91 分添 !
第三季 ( 06/07 )  , o係呢季先至得 83 分 .....
而 Grant 所帶領之前 , Mourinho 總共帶左 6 場聯賽 ;
6 場所取得成績總共 3 勝 2 和 1 負 .
換句話說而家第 37 週既 84 分 o係要減番 11 分 ,
即係話 Grant 總共得 73 分 , 就算贏埋 Bolton 都係 76 分 .
所以請收回你句 " 攞既分仲多過你果位大帝.... "  

[ Last edited by jordi on 2008-5-10 at 12:38 AM ]

athkabd

歐洲咁多隊強隊, 差不多全都提倡攻勢足球(得唔得係另一件事丫), 所以以摩佬帶隊既特性-防守為主既功利足球, 我諗唯一可接受到佢既係意甲, 祖雲達斯會係首選, ac米蘭機會都係一半半, 國米更唔駛諗, 有古柏前車之鑑

也媽嗲

小道消息 ~ 不定時出品,純粹係挖多少少足球料俾大家八下,絕對無Ter.sir咁正斗!!


1.  利物浦中場謝拉特表示,球隊如果再簽多兩名知名球星,就有能力奪取下屆聯賽冠軍;
    ( 仲未夠星?! ) 另外,祖雲達斯計劃以一千五百萬鎊收購沙比阿朗素。

2.  阿仙奴領隊雲格表示,中場希比已決定以三百萬鎊買斷自己的合約,下季將會轉投國米。

3.  祖高爾力壓杜奧巴、林柏特等隊友,當選本年度車路士今季最佳球員。

4.  車路士領隊格蘭,以及阿士東維拉中場艾舒利楊格,分別當選英超四月最佳領隊同球員。
    (恭喜楊格,及.......格蘭大師)

5.  受到多間大球會垂青的阿積士前鋒亨特拉爾表示,對於留隊與否仍未有定案,
    但他最欣賞英超球隊曼聯,希望有朝一日可以加盟。  (出手啦,費爺!)

6.  紐卡素前鋒維度卡日前的傷勢比預期嚴重，可能需要抖六個月。

7.  曼城領隊艾歷臣表示,如果他被會方解僱的話,才會考慮執教賓菲加。(醒目老薑!)

8.  比利時球隊布魯日前鋒史卓捷尼於車禍中死亡,享年二十六歲,史卓捷尼係上季比甲
     聯賽神射手。

9.   AC米蘭與祖雲達斯雖屬敵對球隊，但AC中場派路日前卻公開支持迪比亞路入國家隊：
    「迪比亞路一直都是國家隊的一份子,我們都希望他能出戰歐國盃。」

10. 巴勒莫後防薩卡度一直希望在今夏離隊,在未有其他意甲球會斟介下,德甲球隊禾夫斯堡
    決定出手, 並且與巴勒莫達成550萬鎊轉會費協議,薩卡度將會與禾夫斯堡簽約至2011
    年。

ronald001120

重有艾迪巴約掛靴

akakak777

Originally posted by iknow at 2008-5-9 11:43 PM:

01/02係皇馬...
02/03係AC米蘭...

THZ brother 提醒~~ 打錯左 03-04 porto先真~~

eqhigh

Originally posted by jordi at 2008-5-10 12:36 AM:



朝偉兄 , 我諗你搞錯 ~
Mouri...

咁樣計既話摩佬邊有得輸？
摩佬既戰績係打左38場黎計，但你用黎比較既就係格蘭只係打32場既戰績
雖然個人完全唔鍾意格蘭，但係都覺得咁樣對佢唔係好公平
如果要比較既話，應該用佢地踢每一場波既分數（即分數/執教場數）

摩佬係車仔期間共執教左82場聯賽，取得197分
平均每場既分數係2.4

格蘭係車仔期間共執教左31場聯賽，取得73分
平均每場既分數係2.35

雖然結果依然係摩佬勝出，但要留意雙方只相差0.05分，不足以話摩佬勁過格蘭
而且如果淨係用今季既戰績黎計，格蘭直頭大勝添

所以我認為，如果以分數黎分高下，二人只係差唔多

但要分出二人高下，絕對唔可以單憑數據黎決定，仲有好多球場外既因素
例如係摩佬用左兩年時間去build up隊波，格蘭有一大班球員係手....等等

也媽嗲

[center](明日暫停)[/center]
        小道消息 ~ 不定時出品,純粹係挖多少少足球料俾大家八下,絕對無Ter.sir咁正斗!!


  1. 曼聯前鋒朗尼表示,自己有足夠狀態可以復出,踢明日對韋根的聯賽煞科戰。  (安樂哂)

  2. 阿仙奴前鋒賓特拿最近獲德甲勁旅拜仁垂青,傳聞後者開價1000萬歐元斟介,
     賓特拿表示：「我一直都說阿仙奴是我的夢幻球會,實在沒有什麼理由要讓我離開。」

  3. 利物浦領隊賓尼迪斯證實,澳洲國腳基維爾今夏約滿後唔會獲得續約,可以自由身轉會,
     賓帥就話：「我們都想基維爾留低,但就係傾唔掂,合約完後佢會回復自由。」據聞祖雲
     達斯已經打呢位29歲球星主意。

  4. 車路士兩位球員約翰米基爾同杜奧巴已經合作錄製唱片,並接近完成階段,
     佢地有信心會大受歡迎,但強調不會放棄足球事業。  (Twins?)

  5. 保頓前鋒奇雲戴維斯表示,下仗對車路士,球隊會以「停架巴士」在龍門前,
      死守到底。  ()

  6. 祖雲達斯陣中35歲球星尼維特暗示,將會日內公布退休的決定。將於今季尾約滿祖雲達
     斯的尼維特,之前曾有消息指其會轉往日職發展,但佢本人覺得自己經已身心俱疲,
     是告別的時候。  (再見!鐵人28!)

  7.國米助教米赫洛域揚言：「英超有基斯坦奴朗拿度，意甲也有巴洛迪利。」年僅17歲的
    巴洛迪利,今屆在國際米蘭有出色演出,米赫洛域指出這位小將上季升上一隊時已表現出
    非凡潛力,只要保持進度,有能力成為偉大球星。

  8.巴塞為陣中前鋒伊度奧標價2700萬鎊,有傳熱刺有意收購他,另外巴塞準備在季後
    出售十四名球員。

  9.在歐聯四強勇戰受傷的巴塞後衛米列圖因傷,證實需開刀,將會缺陣六個月。
  
10.意大利公布出戰歐國盃決賽周的48人初步名單,祖雲達斯共有保方、基亞連尼、
    歷高達利、馬基安尼、 甘莫蘭尼斯、柏拿甸奴、迪比亞路及伊亞昆達8人入選,
    成為國家隊的最大「客源」。   (咪組隊老人院社就得)

11.荷蘭亦準備公布三十人歐國盃初步名單,據報有川迪的三十七歲門將保舒加,創下荷蘭
    最大年齡的首次入選球員。

[ Last edited by 也媽嗲 on 2008-5-11 at 12:54 AM ]

amigofans

Originally posted by eqhigh at 2008-5-10 10:38 PM:


咁樣計既話摩佬邊有得輸？
摩佬...

要駁你地, 因為就咁就認為摩連奴係大大高級過格蘭, 係有問題.
因為果堆論點, 睇你點講架o者...

話格蘭接左摩連奴建立既兩年幾班子, 咁可唔可以講,
摩連奴也接左雲利亞里建下既基業?
要記住意大利佬剩下既絕不是爛攤子一個,
摩連奴黎教之前, 雲利亞里已經幫車路士過左曼聯頭做到二哥...

話要扣番摩連奴帶果d分數出黎?
打6場3勝2和1負, 勝出率只有50%, 咁叫好成績?
大家sure如果一開季係格蘭帶既, 一定攞唔到呢11分??

最後重申, 個人亦認為摩連奴功力絕對在格蘭之上,
我只不過覺得摩連奴並非神級, 格蘭亦唔係白痴唔識野...

睇番當年杜格利殊一走, (sorry我已經唔記得邊個接班) 利物浦也是盛世..
但立即散檔, 但格蘭今日可以鬥到最後一刻, 真係如此垃圾?

迷途小羔羊

老實講，今季車仔，雖敗猶榮
格蘭都有功勞既