bengrace50

見你咁有誠意覆我，咁就覆番你。

Originally posted by waterfire at 2005-8-19 04:03:

咁我就真係唔知你接過幾多case wor
只係你鍾意將塔羅牌歸類為呢d 野, 我就真係唔知你咩心態, 大哥哥
玩羅牌有冇咩負面新聞出黎?
有就一定有, 佢地有咩方法玩而接觸左靈界d 野, 我唔知
可以話, 如果你而家所做ge 方法唔o岩, 你都會走火入魔, that's right?
再加上你咁講, o者係玩親塔羅牌d 人個個時運都好高, 高到仲可以高幾年tim wor

唔係要有新聞先有問題。 真佛宗、一貫道都是邪教，都無乜新聞。
『走火入魔』同著魔是兩回事。『走火入魔』是精神病。 著魔是外邪。
唔一定時運好高，你自己時運低未必知。 正如玩碟仙有d人玩幾年都無事。  但等唔等於你要叫人玩？有人吸毒吸幾十年先死，你又叫人吸毒囉喎？  好多依家話有致癌物質的野，以前都無人話有問題。 咁你又信？ 老實講，d魔鬼精過你好多，佢唔吸盡你的褔德先會有人敢再玩，到你死後先捉你做佢條『靚』方為上策。 以下是我早前寫的有關時運高低的原理，給你參考

http://www.26fun.com/bbs/viewthr ... 2%E9%81%8B%E9%AB%98

點解你要以玩塔羅同一種宗教拉上關係, 佢地有咩關係呢
點解你要咁做呢
塔羅牌本身唔係一種宗教, 唔係一種信仰, 唔係好似麻目咁信一種
以文字寫出黎ge 條例, 唔好加一種規範, 唔好用你ge 歧視眼光, 黎對一d 你唔認識ge 野
tarot只係一種ge 意見, 信牌所講ge 野, 唔信牌所講ge 野
都冇所謂, 正如你所講緊ge 一樣
你話得我人云亦云, 你自己咪係一樣, 你自己唔係己經吸收緊人地d 經驗出黎講喔

宗教同鬼神說是兩回事，你講啦，拜鬼、拜祖先、燒街衣、玩碟仙是乜教？
我的是親證。  但你就話『好多人都玩、叫人玩。 就應該無事。』點同？

你講到自己對宗教同埋靈異野咁有認識, 又唔見你講下d 例字出黎睇下
淨係o係到識講埋咩野, 搬字過紙
我唔係唔識點解塔羅牌會咁準, 一路都有人講緊係一種人類ge 潛意識, 每個人都有
而塔羅牌就係發揮你出黎ge 潛意識, 所以先會有d 人唔同ge 牌, 唔同ge 意思
我咁講出黎我有咩著數, how to i prove that?
你又不彷講下你d 親身 經歷, 例子出黎聽下, and how about you?
你所講ge 說話, 又點得到人地ge 信任呢?

咁我又唔係話我好有見識。 呢度大把人叻過我。  只係老實d講話你對呢方面無認識。  你可能新來未睇過，以下是我早前貼的事。 給你參考。

http://www.26fun.com/bbs/viewthr ... 0%E8%BF%91%E7%9A%84

咩魔鬼交易, 我又真係感覺唔倒wor, 呢到有冇人玩, 有冇人唔玩, 對我係冇任何影響
而偏偏有一d 人以另一種唔知咩眼光睇佢, o個位人兄真係要研究下咩叫tarot(唔係叫你玩wor)

話明魔鬼，咁易俾你感覺到，d科學家一早就證明到有魔鬼啦！  駛鬼你來證明咩。 原理係如果你呢分鐘的褔德未完(即時運高)，佢同你都未搭上線。  到你完全用完你就大濟！ 你會見到佢。  但如果佢要你做佢條『靚』，你就未必見到。  所以我先話塔羅仲危險過玩碟仙。 因為我見到塔羅多數都是這類。

仲話我害人....唉....人地真係都有思想, 人地玩唔玩係人地ge 事
就好似過一條馬路, d 人話d 車好快咁飛過, 睇唔倒, 會好危險,
我就過左呢條馬路, 過左之後好耐, 就發覺, 原來條馬路係冇車行
一個人唔會行錯, 你可以肯定一百個人做法都同一樣嗎

依家的細路多數都是這種邏輯，證明近十年八年的教育是失敗！
『人地真係都有思想, 人地玩唔玩係人地ge 事』，咁你不如去賣白粉！ 你有你賣，人地食唔食人地的事！
『就好似過一條馬路, d 人話d 車好快咁飛過, 睇唔倒, 會好危險,我就過左呢條馬路, 過左之後好耐, 就發覺, 原來條馬路係冇車行一個人唔會行錯, 你可以肯定一百個人做法都同一樣嗎』你過馬路時無車唔等於條路成日都無車DD，你駛唔駛我帶你去交通安全隊等d警察叔叔教下你點樣先係人人都用的過馬路方法呀？ 先望右、再望左、後望右，記得嗎？
你無事唔等於人人無事，你這種方法測唔準！ 你有事你自己唔知。 依家有人話有危險，人地如果信你去做結果出事咪係你作的業囉！ 做野！ 安全d先得。 你將來點教下一代呀，叫佢過馬路唔駛睇車呀！

好多人都麻目咁信一種宗教, 迫人信教, 搞異端, 加入政治
你應該大大聲咁講出黎吧
宗教係應該宣揚開去, 俾多d 人接觸
俾有需要或者有緣人加入
你夠膽擔保每一樣宗教都好純正嗎? 冇人誤入歧途嗎?
咩人做咩事, 都依佢自己ge 方式
點樣去相信一種宗教, 己經係一種人云亦云ge 方法了

所以我先來這裡。 其它的是廢話無聊說話，我唔覆啦。

anyway, 我唔係唔信, 每一種宗教都值得去尊重
你都應該去學下尊重別人ge 意見, 唔同人有唔同ge 意見
只可以話你經歷同我經歷係唔同, 只係我好奇咁問
你而家信教, 教入面個個都100% 冇走火入魔之類?

如果認識我一段時間的其他網友都應該知。 如果對其他人無影響、無危險的事我會唔出聲。但如果對人有危險，我會出聲，甚至媽叉。
尊重都要睇情況，如果你的仔女將來吸毒，你會唔會又話要尊重下佢地的信念(我試過好玩，唔死得)，這是他們的選擇咁呀？

[ Last edited by bengrace50 on 2005-8-19 at 09:31 AM ]

hongkongpeople

有無其他人玩過塔羅牌的人發表下經驗和意見呀?

魔術師

ben兄我想問古人既占卜又係唔係邪 同埋有D高憎算到你有事個d係唔係都叫算命既一種?
but 玩埋d預知既野點都無咁好 少掂為妙

bengrace50

Originally posted by 魔術師 at 2005-8-20 20:44:
ben兄我想問古人既占卜又係唔係邪 同埋有D高憎算到你有事個d係唔係都叫算命既一種?
but 玩埋d預知既野點都無咁好 少掂為妙

其實不是所有占卜都邪。  好似紫微斗數、易掛、你去黃大仙求卜等。 呢d都好安全。

而雖然佛門不主張占算，但其實佛門中都有一個不是好多人知的算命，但多數師父只會同入門弟子或者好熟的人算的叫做『選僧圖』或叫『看命一掌金』。  這是唐代的一個開了悟的高僧一行禪師發明的，而我們現在的中國農民用的二十四氣節也是他做的。 這個『看命一掌金』可以算出你的前世有多少慈根及今生大概的運程。 用來選擇誰人可以出家及有成就。  用來避免毫無善根破壞佛門之人出家。

當然，佛門相信，運，是可以籍著行善行惡而改變。  所以佛教人無須算命，因為命運是會變的，算來也無意思。  如果太相信的話，你就會不積極去改而變成被人算中。 所以一行禪師發明的『看命一掌金』也只是用來作參考。

另外，有時高僧或有成就的出家人一看你就知你的命運的其實不是算你命，而是他們已經有他心或宿命通，他們可以知道你的過去未來。  咁點算算命或邪命。  但其實也只作參考好了，因為都是那句，  因為命運是會變的，知來也無意思。  如果太相信的話，你就會不積極去改而變成被人說中。

hongkongoc

唔知大家有無留意一種叫易經塔羅牌的東西呢?

左輪仔

Originally posted by hongkongpeople at 2005-8-19 23:56:
有無其他人玩過塔羅牌的人發表下經驗和意見呀?

我以前都有玩過塔羅牌,仲成日玩添

bengrace50

Originally posted by 左輪仔 at 2005-8-24 17:32:

我以前都有玩過塔羅牌,仲成日玩添

咁依家你睇完我們的對話之後你仲敢唔敢玩？

左輪仔

Originally posted by bengrace50 at 2005-8-24 17:35:
咁依家你睇完我們的對話之後你仲敢唔敢玩？

我覺得冇咩野喎,其實好簡單,係睇下你點去玩咋
我玩左咁多年都冇咩野,睇完你地既對話都可以玩,
只要唔係迷左係副牌到,就得啦,我覺得塔羅牌只係一種小把戲
即係有人信啤牌占卜一樣,可以嗎?只係加強對人既信心咋
我之前玩,都係幫人多,d牌你覺得咩咪咩囉,控制權係係你手,又唔係係副牌到

加上真係玩塔羅既人,佢地係唔會成日玩嫁
因為塔羅係會感應人而家個心諗咩,只要你轉左諗法
答案就會唔同,其實塔羅既性質係幫人改變諗法
只係d人誤解哂,覺得塔羅測出黎d野黎係真咋
如果係咁勁既,就唔會咁多人買六合彩啦

bengrace50

Originally posted by 左輪仔 at 2005-8-24 17:47:

我覺得冇咩野喎,其實好簡單,係睇下...

咁你d諗法都正路d，無咁危險。總之小心d啦。  沉迷就好危險。

迷途小羔羊

Originally posted by bengrace50 at 2005-8-24 05:51 PM:



咁你d諗法都正路d，無咁危險。總之小心d啦。  沉迷就好危險。

而家睇翻大家既留言，我又有少少睇法
我之前都聽過一些幫人用塔羅占卜的人講
通常準的師傅，都會起占卜既過程中同鬼神有感應，佢地係會見到黑影之類
甚至是知道有野跟住自己返屋企出街等
其實玩塔羅牌出事既，好多時係時運低、易接觸靈體既人
有些人出事，有些人唔出事，就好似有些人鬼節出夜街會見鬼，有些人唔會咁
但無可否認的是，玩牌者就係多左個同鬼神接觸的途徑
你有無玩到出事，很多時是被動的，視乎魔鬼會不會同你通倒channel
始終問卜於鬼神之事，越準就越靠鬼神力量去幫助，除非本身有天眼通吧
就好似聽說過，透露得天機越多，福德會越薄，是之為等價交換，對嗎？