brightman

Originally posted by bigbig at 2006-2-1 11:03 PM:
好心你地啦
身為香港人
咁樣踩自己...

踢得好就讚,踢得唔好就可以批評. 唔通見到香港踢到咁屎身為香港人就唔可以批評一下?
當然以香港既水平同歐洲國家比較係有一段距離, 我都唔會要求香港隊可以嬴到, 但係至少可以打出一d拚勁比觀眾睇下吧? 好可惜, 我見親香港踢波都睇唔到佢地有heart踢. 進攻既時候, 當一個球員係中場帶波既時候,周圍既隊友竟然係企起度, 連走位現身都唔做, 守既時候壓迫唔夠, 比人地太多空位去組織攻勢.

明知自己水準唔及人, 就要走多幾步去踢, 好似南韓咁. 但係我所見既香港球員好多體力方面都成問題. 呢一樣野係本地聯賽都常見, 踢波既節奏好慢. d球員好快莫哂氣. 講真人地買飛睇你踢波係for fun..無義務話要買飛去支持香港足球. 如果場波係踢得好睇, 一定會有人買飛睇. 例如睇番本地籃球, 點解可以場場爆? 原因係佢地打得好睇, 咁觀眾就會自然黎.

但係如果場波睇起上黎係無heart無拚勁既, 邊個會去睇? 唔通因為咁唔去睇本地波就係會背上唔支持本地足球既罪名? 吸引人黎睇波係足總同職業球員既責任. 體能好係作為球員基本條件, 如果連呢樣都做唔到係唔係有問題?

adamjacky123

Originally posted by bigbig at 2006-2-1 11:03 PM:
好心你地啦
身為香港人
咁樣踩自己...

第1...以今日hk既表現,我相信街場求其抽幾件都造到,愛之深恨之切,唔踩唔得呢...
第2...""你地一年有睇幾多場香港波呀?"",你呢?
第3...一味識崇洋, 睇外國波ge原因係乜?香港有好波睇ge話有線摺左la...
第4...我相信港隊尋日唔少買左克羅地亞..
第5...仲有邊個想代表香港? 俾我都無心機踼啦.......= =呢句勁...你乜料?好勁ga?
第6...克羅地亞真係世界杯決賽週代表.當人地流架咩?....人地已經留力la,仲有半隊係reserve...
第7...下次唔好懶有型回post叫人"收聲啦"...係討論區叫人收聲...比個good你...

571

Originally posted by adamjacky123 at 2006-2-2 12:56 AM:

第1...以今日hk既表現,我相信街場求...

街波仔落草場分分中波都未識斬呀...
香港係唔勁...但唔好下下踩.
希望香港隊有進步...大家多D入場支持下!
香港無可能一步登天...但都希望可以逐D逐d改善丫

571

外國波係好睇過香港波...
但得閒留意下香港波唔壞丫...
香港球員一來體能唔夠..二來唔夠信心...

76

真係失望....我睇波睇左10年....hk輸親都話輸體能...明知體能唔好都唔改善..
攪體測...和仔果d又話踢波唔洗跑步勁...俾班人吹脹..

次次對南韓...祖國輸1,2粒...教練又話踢得好...講真一場波always 10個人守係後半場...輸1,2粒值得光榮咩?

個守門員開死球唔過半場..唔識接角球..都話佢係亞洲一線水平

hk 成日話自己有技術..gum 今日潘生,劉生果2腳點計先....

hk 唔練好d體能好似south and north korea gum真係唔得掂....

我相信無香港人鍾意香港隊場場8,9個人企係後半場死守.....輸波次次話人地勁吧

au212001

Originally posted by 571 at 2006-2-2 01:20 AM:

街波仔落草場分分中波都未識斬呀......

係呀, 暫時吾講今場波住,
如果你叫香港隊踢石屎地7人場,我諗你地會估吾到咁勁, 猜到暈都似
我以前都成日話港隊差,有時仲諗, 我去踢可能仲好...
但我見過港隊的人踢細場之後,佢地已經同我地實力差咁遠
我就知道佢地已經係香港的精英..
之後我就吾諗港隊對外成績係點,因為佢地已係香港內最強勁的一team
lose俾人都冇辦法,
我地吾可以突然創造一個朗尼,朗拿度...
好多球星多都係在強大的球隊內產生的
個度有良好的教練,良好的設備,有長久的而輝煌的歷史
這些歷史俾球迷讓年輕的球員有時間去建立信心

講番場波,其實話晒人地都係一支訓練不錯的歐洲球隊..
雖然人地只係2線球員, 但佢地都一樣係長期接受好好的訓練系統
佢地吾係一線球員, 但都吾代表係差球員
雖然lose波, 但我覺得其實港隊做到吾少攻門,吾知你地有冇睇直播啦
但我就有, 佢地係控球方面做得吾好, 但係攻門,中場猜波都合格呀,仲做到幾下攻門
但係搶點方面明顯輸蝕好多, 不過對手係歐洲名隊, 所以e方面一定好過香港

係丫,踢到好讚,,踢到差要鬧..
但我覺得佢地踢得投入,俾自己有個交代,而吾係俾觀眾交代
觀眾要求一定係高嫁啦...總之佢地踢得投入,認認真真,,我就滿意了
e場波,我睇吾出佢地懶懶行丫,有付出丫,但都俾人鬧得咁勁,都係比數問題
但我希望大家都好似今日入場的觀眾一樣支持香港隊丫
我睇到有好多人打扮晒入場去支持香港隊嫁..佢地真係應該稱讚~~~

au212001

Originally posted by 76 at 2006-2-2 01:52 AM:
真係失望....我睇波睇左10年....hk輸...

我都覺范俊業係罰球開出,2邊角球
落點係龍門口前面, 佢就甩甩溜溜
e樣係e幾場波,明顯睇到范俊業的犯錯
但我對佢1對1, 近門撲救, 中腰波撲救係幾好wo
我自己都打龍門ge, 佢姿勢正中, 而且捉到路的成功率都幾高
所以吾係只睇衰個樣,好ge都講下啦.....

而體能方面,我覺得e3,4年..已經改善佐好多啦,,係亞洲算係中上啦
以前的確成日俾人話體能吾好,,但e幾年的國際賽,
賽後都冇話港隊體能有問題,最多都係話受當地天氣影響
我仲記得前幾年有幾名對賽亞洲球隊公開讚香港隊體能好佐好多tim

um..如果話今場香港體能吾好,不如話歐洲e 2隊波的訓練有質
我吾係話香港隊冇責任,只係想話,其實e幾年香港隊體能而升上中上
可能冇日本,南韓咁勁,,但不比馬來西亞,泰國,台灣,等等差丫...

你又講到話次次對手強...
咁e個係事實wo,我吾覺而家ge香港隊可以拉近歐洲強隊的實力
即使克羅地亞吾係世界強隊,但相對亞洲整體實力,佢已經係強隊
就算人地係2線球員,但有一定的實力..所以香港隊lose波,合理
lose咁多,不出奇..不過應該檢討攻門問題,要做得更強~~~

au212001

仲有呀,,我想講而家香港足球咁差,係青訓方面都好大問題
而家d細路,太多野比足球更能吸引佢地,好似打機,上網
佢地寧願放好多時候落塒,都吾會踢波
我覺得做一個足球員,好似朗尼,朗拿度e d 大球星,應該從小就波不離腳
日日踢波,但香港細路大多對住電腦,再吾係阿媽吾俾去踢波,
種種原因都導致沒有好好好的球員產生,
以前,香港足球光輝時,d細路邊有咁多野玩
最好就係個個一齊去踢波,所以以前香港足球都算好好
有好的青訓,才是進步之道...但而家足總都好難做到野
因為太多外來ge野比足球吸引....

艾榮

我覺得唔係話唔批評得, 只係睇唔過眼有d人對於香港隊被炒係感到興奮而唔係痛心

abc123aa

Originally posted by au212001 at 2006-2-2 02:40 AM:
仲有呀,,我想講而家香港足球咁差,係青...

依家d家長梗係唔比d小朋友去踢波啦,一黎香港d街波比d家長既感覺係臭飛踢既,驚d細路學壞呀嘛,二黎香港d小朋友好難做到波不離腳,香港連d屋苑樓下踩單車打羽毛球都唔比,更何況係踢波呢........而且學校又冇完善既足球隊伍,一年成績就唔好就唔開(我小學同中學都係咁.....)