au212001

Originally posted by abc123aa at 2006-2-2 03:50 PM:

係呀,足球場又唔多,而且香港足總對...

同埋想講好耐..我覺得足總除佐學界之外, 搞多d足球比賽都吾怕啦...
一定可以吸引d細路去踢波,從中搵成績優異的去做青訓..
從小做起丫...等到d學生中3,中4先去選拔一d 正統球隊,已經遲了...
而家法比+斯,比基咁後生的西班牙仔,都係17,19歲,但已去到英格蘭大球會做職業球員
全因細細個可以接受良好的訓練...
好似香港之前曼聯足球學校咁,,我覺得好好丫, 曼聯成套訓練都可以係學校學到
e間學校咩都好....最衰就係好鬼貴...

au212001

其實我之前有一次機會睇到香港隊係大場,正中11人場訓練...雖然離遠睇
但都算清楚, 個次我係去見工, 叫我等個陣, 我望落去個個足球場, 個場好大...11人場
由於我要等好耐, 我都睇佐好耐下..我見佢地左邊斬到右邊, 右邊傳中,再分波, 進攻射門
雖然只係訓練,但個個都好努力, 成身都係泥, 個陣吾係落雨嫁...係一d 硬的泥佈滿全身
個次之後, 我不再看底香港隊的精神, 佢地的技術,實力比不上歐洲強隊,
但個份投入,係我心中已覺得佢地係香港最好的...我地應該俾信心我地香港的精英
即使我地的精英比不上人地的2線球員,但佢地始終係我地最精英ge...
點解仲要聽到咁多難聽的說話批評佢地..
佢地的努力同投入得吾到香港人的認同係幾咁傷心呀....
我講咁多吾係批評之前的網友, 而係想講番自己的意見o者...

sagaman

根本香港球隊訓練質同量都不足，有甚麼青訓計劃都無用.....

brightman

Originally posted by abc123aa at 2006-2-2 03:50 PM:

係呀,足球場又唔多,而且香港足總對...

香港足總對香港足球發展真係做得唔夠, 而且足總入面高層既能力亦都為人詬病. 最近既例子就係康寶駒竟然會公開批評黎新祥初一既排陣同幾個球員既表現. 身為足總高層如果作出咁既舉動不但無助於解決問題, 反而令人質疑作為港隊領隊係唔係連排陣既份內工作都會比足總管埋? 同埋比康主席批評既球員會點樣諗? 如果佢地係打得唔好領隊自然會換走佢地, 而家由足總指名道姓話會唔會對佢地既自信心有影響? 作為足總高層我覺得係公開場合無論點都要支持香港球隊, 而唔應該批評. 好似英格蘭咁,艾歷臣就算搞左單咁大野英足總都表示全力支持佢帶領英格蘭打世界盃. 當然就呢件事英足總心入面一定對艾歷臣大感不滿, 但係作為足總一定要為球隊著想, 繼續支持領隊會將影響減到最低. 相反足總主席批評領隊我諗唔到可以為球隊帶黎乜野好處.

其二就係之前晨曦打亞協盃8強既事件. 雖然係各方溝通出現問題至出現. 但係作為足總唔係應該担當聯絡既角色去解決事件咩? 反而係用賽期定左唔可以改, 要改就要兩隊同意至可行為理由去唔理. 如果係咁利物浦唔駛去打世界冠軍球會盃啦. 曼聯, 愛華頓唔駛打歐冠盃外圍賽. 本來晨曦打入8强係件好事, 但係最後反而變成一件鬧劇. 就算足總同流浪係照住規則去做無錯都好我地都見到足總做事既官僚作風同埋足球壇入面既唔團結. 咁既心態去搞波點會有成績?

[ Last edited by brightman on 2006-2-2 at 05:41 PM ]

brightman

Originally posted by au212001 at 2006-2-2 04:49 PM:
其實我之前有一次機會睇到香港隊係大...

無批評就無進步既動力. 人家批評港隊只不過係愛之深,責之切. 如果輸個隊唔係港隊個個都睬你都傻..
無人會否認香港球員有部分會努力操練, 但係担白講比起八十年代既港隊有一段距離. 而我覺得最大問題係香港隊每逢作賽都好似患得患失, 戰意成疑. 本來作為職業球員好容易做既傳球都會傳失. 而且走動真係唔夠, 往往好容易比對方係中場做波. 佢地打出黎既波同以前相比差好遠, 咁難怪令人感到失望.
加上我以上講過足總既問題, 令人感到香港足球既未來都係.

brightman

Originally posted by au212001 at 2006-2-2 04:41 PM:

同埋想講好耐..我覺得足總除佐學界之外, 搞多d足球比賽都吾怕啦...
一定可以吸引d細路去踢波,從中搵成績優異的去做青訓..
從小做起丫...等到d學生中3,中4先去選拔一d 正統球隊,已經遲了...
而家法比+斯,比基咁後生的西班牙仔,都係17,19歲,但已去到英格蘭大球會做職業球員
全因細細個可以接受良好的訓練...
好似香港之前曼聯足球學校咁,,我覺得好好丫, 曼聯成套訓練都可以係學校學到
e間學校咩都好....最衰就係好鬼貴...

如果球市搞唔好, 就算有幾好青訓都無用. 如果踢波無前途作為父母你會唔會比自己兒子每星期去訓練幾次? 相信答案大多係不如用呢d時間去補習好過.

睇番點解球市會淡成咁? 我覺得係或多或少係球員自己做成. 90年代尾, 打假波, 體測肥佬, 搞到香港足球一潭死水. 最好笑就係係新聞聽到有個體測肥佬既球員講: 踢波有技術就得,駛乜體測...大佬, 要你13分鐘跑3000米咋, 咁既水準好多業餘跑手都做得到, 你仲好意思講埋呢d咁既野. 可見作為職業球員既佢地對於足球既尊重有幾多.(註: 後來要降低標準甚至要取消埋體測去迎合佢地) 加上有線盛行, 令到好多人轉睇外國波而唔睇本地波..

而家要搞番起球市真係好難,但係可以憑住輸入中超球員黎港或者比一d香港球員去中超去提升番香港足球既水準. 而內地亦都放寬左對香港球員既配額制...希望咁樣可以令到香港足球回復番生氣.

[ Last edited by brightman on 2006-2-2 at 06:18 PM ]

abc123aa

Originally posted by au212001 at 2006-2-2 04:41 PM:

同埋想講好耐..我覺得足總除佐學界...

係呀~不過就算搞左都未必有好多人知,因為宣傳根本不足...........
其實係香港搞一間大型足球學校真係咁難咩........

abc123aa

Originally posted by brightman at 2006-2-2 06:10 PM:


如果球市搞唔好, 就算有幾好青訓...

講真,香港足運要搞返好真係幾難......始終要改變香港市民對香港足球既誤解及增加對本地波既認識係好難......除非無線個個星期都直播賽事同埋做d全部講香港足球既節目啦,咁就可能有d生機........不過.......你要無線做呢d野都幾難=3="

abc123aa

Originally posted by brightman at 2006-2-2 05:11 PM:


香港足總對香港足球發展真係做得...

咪係.....足總入面本身已經搞得唔好,又冇全力支持足運,一味得個講字.......晨曦同流浪果單野真係笑大人個口....自己人都唔支持返自己人........=3="
難得晨曦入八強呀嘛.......

151515

Originally posted by abc123aa at 2006-2-2 18:27:

講真,香港足運要搞返好真係幾難.......

d家長成日話踢足球會令人變矮，所以唔俾d細路成日踢