親手

Originally posted by ciger at 2005-7-18 02:35 PM:

如果只講上屆,無疑係西甲兩支班霸比較高分,不過可能你上年先第一次睇波,前果幾屆英超曼聯,阿仙奴差不多全包辦一二名,反而西甲02,04年先由華倫奪標,00年就拉科,反映西甲壟斷已有改善,而商業化足球財雄勢大係可以壟斷球壇,但正因足球係一門可以賺錢生意,就人人都可以成為領導者,只要你經營得好,細球會都可變大球會,唔係個個都靠大老闆,

細球會當然可憑優秀軍容及出色調度換取風光,但風光往往只得一時,便難免衰敝重臨,每年的羅馬軍容總不算差,近年亦曾佔冠亞,但一直難以保持穩定成績,凱沙羅頓異軍突起,甫升班便奪冠,現時每屆仍苦為護級掙扎,再加上前文提到的西甲破落戶,細球會於大球會面前,根本無力突破

看看近兩年燕豪芬如何遭人掃倉,便可知一二

正如旺角波鞋街上,店主總將傳統勁旅的球衣掛在最當眼處,你不如嘗試入店詢問有否奧沙辛拿的球衣?

親手

Originally posted by ciger at 2005-7-18 02:40 PM:
正因實力接近先要有所取捨,你睇英超車仔洗乜放棄,聯賽對住D二三線隊伍出後備都夠殺,呢D就係真正壟斷

看看上屆車仔兼容一班一級正選與後備,屈機係難免了,但你亦可看到車仔於季後長期征戰已漸露窘態,兵源出現緊張,導致歐聯出局

都話過皇巴實力之雄厚,如非顧此失彼及馬有失蹄,根本不會讓弱旅得逞,預計未來幾年除銳意擴軍的馬體會能稍加追貼外,再無另一隊能紓緩壟斷局面,反而英超四強的競爭會更形劇烈

sonyguy

壟斷??
我覺得呢四個聯賽都唔算壟斷...
至少e+...我地仲有得討論下下季邊個係冠軍...
如果係壟斷...跟本無得討論...

講壟斷...其他國家可能仲死怖...
有d國家既球隊係連續十幾廿年贏晒d聯賽同杯賽咁...
聯賽打左三分二就夠分數拎冠軍果d..
果d 跟本無野好討論...

sonyguy

我覺得英超可觀性強好多...
其中一個原因...
係唔同球隊會有好唔同既戰術...
有d 可能打小組...
有d 可能兩邊去...
有d 可能中間...
甚至有d 係搏亂...
好似舊屎溫布頓果d 球隊...
個個牛高馬大...
又一開波果秒同完場果一刻...
都係大腳斬個波搏混亂...

另外...英超球隊的死球戰術都有一定既把握能力...(比其他地方聯賽強!)
即使係弱隊對強隊...
只要有死球..
就會入到波...
所以會有好多意想不到既賽果...

ciger

Originally posted by 親手 at 2005-7-19 01:09:


看看上屆車仔兼容一班一級正選與...

車仔歐聯出局真係唔覺係因為疲態,佢地咁住利記打,不過欠運,之後係聯賽咪又照贏波,如果係疲態就聯賽都失分啦
西甲的壟斷情況,以50年代至90年代初最為嚴重,但90年代中已改善了很多,當然每個聯賽梗有三幾隊班霸,而自從95年波士文事件之後由於歐盟球員不計外援,壟斷情況應該有所改善,因為過往要成為勁旅,本土球員班底一定要強,所以一些青訓做得好球隊,大城市球會會較有優勢,但95年後你有錢可以買歐盟其他國家球員,正如阿仙奴,可以出11個非英國球員,所以意甲,西甲隨即有華倫,拉科,拉素,羅馬等球會奪標,但點解英超仍然由曼聯,阿仙奴包辦一二名呢,因為英超除左利記,其他球會無論青訓同財力都比唔上這兩隊,係上兩年有油王先多隊車仔,正如你所講二三線隊球星會比人買走,你睇愛華頓嘅朗尼

gogo8281

搞得最好係英超﹐無可否認既世界最高
收視聯賽﹐意甲太過黑暗﹐最差應該係
合情合理。


壟斷﹐一個冇結論既討論
西甲睇近十年唔覺有壟斷﹐但睇過去五十年的確存在壟斷。
睇英超/甲近十年曼聯幾乎壟斷左所有聯賽冠軍﹐但過去五十
年卻又百花起放﹐講不上有邊支球隊壟斷﹐因為總數有十三
支球隊贏得冠軍﹐連狼隊都曾經係聯賽冠軍。

ming8964

共有十七支意甲意乙被意大利足總調查財政狀況, 如不合格將被踢出局!!!

skjeiw

1=Money
2=Players of that countries
3=戰況激唔激烈