Kian76

Originally posted by 奇 at 2006-6-22 04:09 AM:

1.但我又想問番你，好似英格蘭咁樣，係咪場場逆境波都俾佢地入倒波or追得番呢？？
"你認為"我會答係嗎?

2.文中所提有踢逆境波能力的球隊比較經得起考驗,但我沒說必然追得番....
你從那句覺得我有這意思

3.一隊根本冇踢逆境波既需要既球隊?那一隊冇踢逆境波需要咁勁?先失唔係如果,係必然
歐聯巴塞沒這能力會贏?

4.又做咩場場要踢逆境波呢?你是否有些以偏概全?我沒說場場要踢,但這情況有機會發生,7場wo(如果真係入到決賽)廢話

5.未發生就有如果....唔係下下馬後炮?

6.咁我都可以話，英格蘭遇到實力不比他們差的球隊時失球先，就算佢地識踢逆境波，但因為對手實力強而追唔番。
阿媽當然係女人,多謝提醒

1.咁你係唔係認為阿根廷在世界杯過程中一定會踢逆境波？？你答唔倒英格蘭一定追得番，冇理由會答倒一定會踢逆境波呢題瓜？？

2.我從你文中看到的是英格蘭識踢(踢過)逆境波，而阿根廷末踢過(唔識踢)，呢兩個關係，我既理解係識踢逆境波等於追得番，唔識踢逆境波等於追唔番。

3.你明我說甚麼嗎？？一隊沒有踢逆境波的需要的球隊，是沒有需要，全部順境波然後勝出，這是不可能的嗎？？為何要猜測阿根廷末來會有一場踢逆境波？？這種猜測有意思嗎？？我反過來猜測阿根廷末來不會踢逆境波又不行嗎？？可以啊！！！我們只能從現在的環境和表現下估計他們的末來前境，現在的環境和表現也顯示出阿根廷很大機會奪冠而回，而英格蘭則每一場都踢得很辛苦，就是這麼簡單。

4.首先現在己經只餘下4場，機率，說出來有用嗎？？我說還有4場，兩隊波全部人遇到意外重傷都有可能，你說機率有用嗎？？廢話。

5.咁鐘意如果，倒不如從現在的環境下判斷他們的前境，現在看到的是阿根廷強勢，英格蘭較為弱勢，就是這麼簡單，你咁鐘意如果，咁我都冇辦法，你繼續你既如果，例如：如果碧咸中場射入多球，如果阿根廷走晒樣之類既天馬行空如果吧，是不錯的如果選擇啊。再者，從現在環境下判斷前境，何來是馬後炮？？你是不是不看球賽說這些話？？你只要有看過一場賽事，你不也是馬後炮嗎？？

6.你明唔明我點解咁講？？你說阿根廷的對手實力不差，他們有機會踢逆境波，然後話佢地唔識踢，但我反過來說而己，請你回post時不要分開黎諗，要兼顧之前的事啊，若你認為我說的""咁我都可以話，英格蘭遇到實力不比他們差的球隊時失球先，就算佢地識踢逆境波，但因為對手實力強而追唔番。""是多餘，那麼你一開始說的那句話也是多餘了。

[ Last edited by Kian76 on 2006-6-22 at 01:05 PM ]

bigfish

Originally posted by 奇 at 2006-6-22 02:09 AM:

反而我覺得今次大魚兄講得有理...
...

奇兄, 先多謝你幫我分析
事實上, 74 年以後每一隊冠軍隊都踢過逆境波
66 英格蘭對西德 (被追平後, 連入兩球)
74 西德對荷蘭 (反勝)
78 阿根廷對法國 (完場前甘巴斯守龍門, 法國十二碼射唔入, 幸保不失), 阿根廷對秘魯 (要贏六球先出線, 背負心理壓力下賄賂對手門將)
82 意大利對波蘭, 意大利對巴西
86 阿根廷對意大利
90 西德對捷克, 西德對阿根廷 (兩場都係攻極唔入, 臨完場前博十二碼, 一比零贏波)
94 巴西對美國 (打少一人, 臨完場前白必圖射入), 巴西對瑞典 (久攻不入, 羅馬里奧把握一次失誤, 打沉瑞典氣勢)
98 法國對巴拉圭, 法國對克羅地亞
02 巴西對土耳其, 巴西對英格蘭

bigfish

Originally posted by 20001160 at 2006-6-22 02:23 AM:
其實  冇錯  的確冠軍球隊要有呢種能...

咁你又搵到咩英格蘭o既弱點?
佢有弱點我都會講, 就係後備前鋒唔夠, 另外後防替補金寶唔穩陣, 太倚賴碧咸進攻, 仲有雙特位置重叠
呢幾個弱點我都有講過, 唔知你有冇留意

gokeep

Originally posted by bigfish at 2006-6-22 02:31 PM:

奇兄, 先多謝你幫我分析
事實上, 7...

而家先打左3場分組賽~又未遇到需要踢逆境波既
機會~點解d英格蘭既球迷就推斷阿根廷唔識踢逆境波呢?
係唔係英格蘭打得無人甘好就眼紅打得好既球隊嗎?
無錯一場6:0唔代表場場可以~但有機會比英格蘭對住同一隊
的話都可以踢出同樣比數嗎?可以同樣踢出一場甘好睇~又
組織到一球好高水準既世紀金球嗎?

iMacc

Originally posted by bigfish at 2006-6-22 14:31:

奇兄, 先多謝你幫我分析
事實上, 7...

數據一定有用嗎~?
聽講用嚟被人打破的~
但唔一定話係無用...只不過可以話唔肯定啫~

打逆境波又如何~
我睇今年阿根廷打唔到逆境波機會好細~

話埋你聽...分組賽都要打逆境波就好極有限...我睇埋對手先講的~
除非你覺得千里達同巴拉圭原來先係強隊啦~

gokeep

Originally posted by bigfish at 2006-6-22 02:34 PM:

咁你又搵到咩英格蘭o既弱點?
佢有...

甘而家又無人講過阿根廷完全無弱點喎~
但係所謂既弱點係唔係好大阻力去奪冠呢?

bigfish

Originally posted by gokeep at 2006-6-22 05:15 PM:

甘而家又無人講過阿根廷完全無弱點喎~
但係所謂既弱點係唔係好大阻力去奪冠呢?

阿根廷仲有樣弱點, 唔識破密集
美斯對住三個後衛都唔識搵人交
列基美淨係識向後傳
如果碧咸o係度, 一腳吊入禁區俾高治頂 la

brightman

Originally posted by bigfish at 2006-6-22 05:21 PM:

阿根廷仲有樣弱點, 唔識破密集
美斯對住三個後衛都唔識搵人交
列基美淨係識向後傳
如果碧咸o係度, 一腳吊入禁區俾高治頂 la

如果列基美淨係識向後傳曼聯都唔會對佢有興趣啦

Azuma

Originally posted by brightman at 2006-6-22 05:25 PM:

如果列基美淨係識向後傳曼聯都唔會對佢有興趣啦

其實大家都大錯特錯

佢背住人地個龍味得lor

Kian76

Originally posted by bigfish at 2006-6-22 05:21 PM:

阿根廷仲有樣弱點, 唔識破密集
美斯對住三個後衛都唔識搵人交
列基美淨係識向後傳
如果碧咸o係度, 一腳吊入禁區俾高治頂 la

首先，你句句子有問題，碧咸在阿根廷的話，但高治不在，點樣一腳吊入禁區俾高治頂？？？呢個係需要兩個人才做到的，點解碧咸在就得？？哈哈！！

仲有，英格蘭算得d咩？？你唔見塞黑場場波都係唔係都斬入去俾米路、基士頂的嗎？？塞黑先係最強，佢今次讓賽姐。